То Умматнинг қалқони бўлмиш Халифалик давлати қайта барпо бўлмагунча Ғазо аёллари ва болаларининг қирғини асло тўхтамайди
Матбуот баёноти
То Умматнинг қалқони бўлмиш Халифалик давлати қайта барпо бўлмагунча Ғазо аёллари ва болаларининг қирғини асло тўхтамайди
Қонхўр яҳудий вужудининг Ғазо аҳлига қарши геноцид уруши бошлаганига бир йил бўлди. Унда 41 мингдан зиёд инсон шаҳид бўлди. Бу ҳайвон вужуд эркак, аёл, бола ва эмизикли гўдакни ажратиб ўтирмади. Зеро, шаҳидларнинг 70 фоизи аёллар ва болаларни ташкил қилмоқда. «Оксфам» маълумотларига кўра, Ғазода яҳудий вужуди томонидан бир йилдан бери ўлдирилган аёллар ва болалар сони ўтган йигирма йил ичида бўлган ҳар қандай урушда ўлдирилган аёллар ва болалар сонидан ошиб кетган. 25 мингдан зиёд бола отасиз ёки ота-онасиз қолди, 3000дан ортиқ бола оёқ-қўлларидан ажради. (Ал-Жазира). «UNRWA»га кўра, Ғазода ҳар куни ўртача ҳисобда 10 нафар бола бир ёки икки оёғини йўқотмоқда, бу билан улар тарихда оёқ-қўлларидан ампутация қилинган энг катта болалар гуруҳига айландилар, уларнинг аксари наркозсиз операция қилинган.
Буларнинг барчасига очарчилик ва унинг оқибатида ўлимлар, тоза ичимлик суви етишмаслиги, соғлиқни сақлашдан маҳрумлик, ўлимга олиб келадиган юқумли касалликларнинг тарқалиши қўшимча бўлмоқда ҳамда булар Ғазодаги шафқатсиз блокада, сув таъминоти ва озиқ-овқат таъминоти тизимларининг вайрон этилиши оқибатида юзага келмоқда. Хусусан, касалхоналар жиддий зарар кўрди, масалан, ўтган йилнинг июл ойида «Lancet» тиббиёт маркази хабарига кўра, «агар ушбу очарчилик, соғлиқни сақлашнинг етишмаслиги, омон қолиш учун зарур бўлган фуқаролик инфратузилмасининг вайрон этилганлиги сабабли билвосита ўлимни ҳисобга оладиган бўлсак, Ғазодаги ҳужумлар оқибатида ҳалок бўлганлар сони 180 минга етиши мумкин». «Children Organization» (болаларни қутқариш ташкилоти)нинг айтишича, «Ғазодаги мактаб биноларининг қарийб 90 фоизи шикастланган ёки вайрон этилган». Буларнинг барчасидан мақсад аниқ: Ғазо болалари ва келажак авлоди учун мумкин бўлган ҳар қандай келажакни йўқ қилиш.
Ўтган бир йил шуни яна бир бор исботладики, бугунги халқаро ташкилотлар, уларнинг ҳукуматлари, БМТ, барча халқаро судлар ва институтлар мазлум мусулмонларни ҳимоя қилишдан ожиз. Яҳудий вужуди ҳар қандай қизил чизиқни босиб ўтди, дахлсизликларни бузди, ҳар қандай принцип ва глобал қонунни вайрон этди. Бироқ, шунга қарамай, ҳеч бир давлатда бундай ваҳший қатли омни тўхтатиш учун сиёсий истак йўқлиги кўринмоқда. Ғарб давлатлари қонхўр вужуднинг Фаластин аҳлига қарши олиб бораётган этник тозалаш кампаниясига эътибор бермай, унинг жазосиз қолишини таъминлаб келишди. Тўғрироғи, молиявий ва сиёсий жиҳатдан сўзсиз қўллаб-қувватлаш орқали унга инсониятга қарши жиноятларида ёрдам беришди.
Ўтган август ойида Байден маъмурияти ушбу геноцидни молиялаштириш учун босқинчи ҳукуматга 20 миллиард долларлик қўшимча қурол сотишни маъқуллади. Бу ёқда, исломий юртлардаги ҳукмдорлар ҳам кофир Ғарб ва яҳудий вужудига содиқликларини яна бир бор намойиш қилдилар ҳамда бу вужуд билан дипломатик ва иқтисодий алоқаларни олиб боришни ва у билан муносабатларни нормаллаштиришни давом эттиришди. Ҳатто бу малайлар яҳудий вужудини ҳимоя қилиш учун ўз ҳарбий базалари, ҳаво бўшлиқлари ва разведкаларидан фойдаланишларига қўйиб беришди.
Бугунги кунда мусулмонлар тарафида холис турадиган ҳамда уларнинг оқаётган қонини тўхтатиш учун армияларини ишга соладиган бирорта ҳам давлат йўқ эканига яна қанча далил керак?! Фақат Ислом билан ҳукм юритадиган, динимизни ҳимоя қиладиган, Умматнинг қўриқчи ва қалқони бўлишда давом этадиган Халифалик давлати барпо этилмагунича армиялар Фаластинни озод этиш сари асло сафарбар этилмаслигини тушунишимиз учун яна қанча даҳшатли манзараларга гувоҳ бўлишимиз керак?!
Шу боис, бу геноцидга якун ясаш учун қоралаш ва дуо қилиш етмайди, балки бунинг учун кўпроқ нарса қилиш керак, яъни бу биздан Пайғамбарлик минҳожи асосидаги рошид Халифаликни барпо этишимизни талаб қилади. Чунки Умматни мудофаа қилиш ва ерларимизни озод этишнинг ягона йўли ушбу давлат эканлиги динимизда белгилаб берилган. Шу нуқтаи назардан, исломий армияларни Халифаликни барпо этиш учун Ҳизб ут-Таҳрирга нусрат-ёрдам беришга ундаш лозим. Зеро, Халифалик давлати яҳудий вужудини илдизи билан қўпориб ташлайди ва ўз фуқароларининг ҳар бирини мудофаа, иззат-ҳурмат ва хавфсизлик билан таъминлайди. Росулуллоҳ ﷺ бундай марҳамат қилганлар:
«إِنَّمَا الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»
«Имом-халифа қалқондир. Унинг ортида туриб жанг қилинади ва у билан ҳимояланилади».
Ҳизб ут-Таҳрирнинг марказий матбуот бўлими аёллар қаноти
