بِسْمِ اللَّـهِ الرَّحْمَـٰنِ الرَّحِيمِ

Тошкентда яна бир қозоғистонлик телефонидаги диний мавъизалар учун 5 йилга қамалди

Хабар:

“Озодлик” 2016 йил 9 декабрда тарқатган хабарга кўра, Чимкентдан Тошкентга қатнаб, савдо қиладиган 26 яшар Акмал Расулов 2016 йилнинг 30 мартида контрабанда жиноятида гумон қилиниб, ушланган. Суд ҳукмида айтилишича, Акмал Расуловдан мусодара қилинган "Lenovo" русумли уяли телефон хотирасидан "Абдували қори Мирзаев, Тимур Мунуралиев, Нодир Абу Ҳолид, Абу Яҳё Қримскийларнинг ақидапарстлик ва мутаассиблик руҳидаги маърузалари чиққан", бу маълумотлар WhatsApp дастури орқали Акмалга келган.     Маҳкама томонидан чиқарилган ҳукмлар:

Оммавий ахборот воситаларида келган хабарларга кўра, Ўзбекистон келган кўпгина инсонлар телефонларида ёки компютерларида қандайдир диний мавъизалар топилгани учун чегараларда ёки аэропортда ушлаб қолинган. Бунга қуйидагилар мисол бўла олади: Воҳиджон Ниёзов, Ермек Кўшмагамбетов, Бахтиёр Худойбердиев, Зуҳриддин Абдураимжонов ва бошқалар. Бу инсонлар устидан 3-5 йил оралиғида ҳукм ўқилган.

Изоҳ: Денгиз соҳилига жасади чиқиб қолган балина учун дунёни оёққа кўтарган ғарб олами мусулмонлар учун ҳеч безовта бўлишмайди. Нуқул инсон ҳуқуқлари ҳимоя қилиш ҳақида оғиз кўпиртириб гапираётган ғарб мусулмонларга келганда кўр ва кар бўлиб олади.

Туркияда худкушлик ҳужуми уюштирган ва ўнлаб инсоннинг ўлимига сабаб бўлган КИП (Курдистон Ишчи Партияси) жангарисининг жанозасига қатнашгани ва у жанозада халқни ғалаёнга келтиришга урингани учун ҳибсга олинган журналист учун оёққа турган ғарб, негадир қамоқдаги минглаб диний мотивлар билан қамалган мусулмонлар учун бирор норозилик билдирмайди. Мана, Тожикистонда қўлга олинган ББС мухбирини озод қилиниши учун дунё бўйлаб қанчалик катта кампания бошлатилганини ва натижада озод қилиб юборилгани ҳеч кимга сир эмас. Лекин масаланинг бошида мусулмон турган бўлса ва бунин устига диний айблов билан бўлса, унга ҳаммалари кар ва кўр бўлиб олади.

Узоқ йиллардан буён Ўрта Осиёнинг бошқа давлатларидан Ўзбекистонга келиб, қўлга тушган мусулмонларнинг ҳам додига етадиган ҳеч ким йўқ. На халқаро ҳамжамият, на халқаро инсон ҳуқуқлари ташкилотлари ва на ўша қўлга олинган кишининг давлат раҳбарлари ва ҳоказолар. Сабаби бу кишининг мусулмон бўлгани ва ягона айби ёнида диний материаллар олиб юргани.  Агар бу мусулмоннинг ўрнида ғарб мамлакатларидан мусулмонлар юртларига христианликни тарқатиш учун келган миссионер бўлиб, ёнида ўз динига оид материаллар олиб киришга урингани учун қўлга олинганида эди, ғарб сукут сақлаб турармиди? Албатта, йўқ?

Мисол учун: Тожикистонда икки хорижлик учувчи қўлга олинди. Судя уларни Афғонистондан наркотик моддалар олиб келганликда айблаб 8 йилдан қамоқ жазосига ҳукм қилди. Уларнинг бири Россия фуқароси эди. Россия ҳукумати шундай қаттиқ эътироз билдирдики, ҳатто эътироз билдирибгина қолмай, юзлаб тожикистонлик меҳнат мухожирини ё депорт қилди, ёки қамади. Тожикистон ҳукумати эса қилган “айбларини” ожизона тан олиб, анави икки кишини қўйиб юборди ва тожик судя Россиядан кечирим сўради!!

Шу воқеадан бир неча кун ўтиб, Россиянинг бир ўрмонида тожикистонлик фуқаро боши танасидан жудо қилинган ҳолатда топилди. Шундай қилиб, Бунга тожик ҳукуматидан қуйи палата раҳбари Шукуржон Зуҳуров ҳеч ким эшитмайдиган савияда эътироз билдириб қўйди.

Мана, анча пайтдан бери Араканда мусулмонлар тириклайин ёқиб юборилмоқда.

Сурияга келсак Россия бирқанча давлатлар ҳамкорлигида у ерни бомбардимон қилмоқда, минглаган кексалар, аёллар ва ёш болаларни қатл қилмоқда, опа-сингилларимизга тажовуз қилинмоқда.

Бу жиноятларнинг барча ўзини инсон ҳуқуқлари ҳимоя қиламан, иддио қилаётган халқаро ҳамжамиятнинг кўз ўнгида содир бўлмоқда. Бироқ бу жамиятлар бу жиноятларни кўриб, кўрмасликка олмоқда.

Хуллас, хоҳ Ўзбекистонда бўлсин, хоҳ бошқа мусулмонлар диёрида бўлсин, хоҳ ғарб мамлакатларида бўлсин, масала мусулмонларга тегишли бўлса ҳамма кўр ва кар бўлиб қолади. Сабаби Ислом олами дунёда жуда ёлғизланиб қолди. Хорлик ва тубанлик мусулмонларни кунсайин дунёнинг энг қадрсиз миллатига айлантириб қўймоқда. Кофирлар мусулмонларнинг устида хоҳлаганидай ҳукм юритмоқда. Ваҳоланки Аллоҳ Таоло Ўзининг Азиз Китобида шундай дейди:

وَلَن يَجْعَلَ اللَّـهُ لِلْكَافِرِينَ عَلَى الْمُؤْمِنِينَ سَبِيلًا

Ва Аллоҳ ҳаргиз кофирлар учун мўминлар устига йўл бермагай [Нисо: 141].

Аллоҳнинг сўзи хақдир. Бироқ мусулмонларнинг ҳозирги ҳолати бунинг аксини кўрсатмоқда. Демак бу ерда бир муаммо бор…

У ҳам бўлса мусулмонларнинг уларни ҳимоя қиладиган ва сафларини бирлаштирадиган Имом (Халифа)нинг йўқлигидир. Пайғамбаримиз САВ шундай марҳамат қиладилар:

»إِنَّمَا الإِمَامُ جُنَّةٌ يُقَاتَلُ مِنْ وَرَائِهِ وَيُتَّقَي بِهِ«

«Халифа ортида туриб жанг қилинадиган ва у билан ҳимояланиладиган қалқондир».

Агар мусулмонларнинг Имоми (Халифаси) бўлганида эди бирор кофир мусулмонларга журъат қила олмасди…

Ҳизб ут Таҳрир Марказий ахбороти учун маҳсус

Абу Мусъаб

18.12.2016й