بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Трампга қуллик қилишни бас қилинг

Покистон ҳукмдорлари ўзлари учун қибла Каъбатуллоҳ эмас Оқ уй эканини исботлашмоқда

Бош вазир Навоз Шариф ва собиқ армия бош қўмондони Раҳил Шарифни ўз ичига олган Покистон делегациясининг 2017 йил 21 май куни Риёзда «исломий экстремизм»га қарши кураш масаласини муҳокама қилиш учун ўтказилган «олий даражадаги» саммитда иштирок этишини покистонлик мусулмонлар нафрат билан кузатиб бордилар. Саммит Исломга очиқ душманлик қилаётган, бугун турли исломий юртлардаги мусулмонлар қонига қўлларини белаган ва мусулмонлар душмани ҳиндуслар давлати билан яҳудийлар давлатини қўллаб-қувватлаётган президент Дональд Трамп буйруғи билан ўтказилди. Ўзини Покистондаги «кучли шахс» сифатида тасвирлаётган Раҳил Шариф ва ўзини покистонлик мусулмонларнинг вакили, дея даъво қилаётган Навоз Шариф иккаласи ҳам, хўжайинлари Трамп билан бир даврада ўтиришдан уялишмади. Ваҳоланки у, АҚШнинг Покистондаги ҳукмронлигига якун ясашни ва сиёсий ҳокимият сифатида Исломни татбиқ этишни талаб қилаётгган юрт мусулмонларини нишонга олишга кўрсатма берган кимсадир. Ҳа, покистонлик ҳукмдорлар америкалик хўжайинларининг «Аксар аҳолиси мусулмон бўлган юртлар, экстремизмга қарши курашда ташаббус кўрсатишлари керак, экстремистларни ибодат қилинадиган ерлардан қувиб чиқаринглар, жамиятларингиздан чиқариб ташланглар, муқаддас ерларингизни, юртларингизни мудофаа қилинглар», деган талабларига қулоқ солишди. Трамп Исломга қарши ўзининг ёмон ният ва макрларини яширмай, очиқчасига ҳужум қилди, барча мусулмон раҳбарлардан Америкадан вакил сифатида, айни Исломга қарши курашга қўшилишни талаб қилди. Трампнинг «Мусулмон давлатлари айни юкни кўтаришга тайёр туришлари исломий экстремизм ва у билан чамбарчас боғлиқ террористик жамоалар кризисига қарши сидқидилдан курашиш лозимлигини англатади», дея берган очиқ баёнотини Покистон ҳукмдорлари итоат билан тинглашди.

Хорлик шу даражага етдики, Трамп динимизга ҳужум қилиб, мусулмонлар ҳукмдорларидан ўз халқларига қарши туришни очиқ талаб қилса ҳам, ҳукмдорлар Ислом ва мусулмонларга қарши қилинаётган бундай душманликни олқишлашди. Покистоннинг илсомий оламдаги бирдан-бир ядровий давлат бўлишига ҳамда дунёдаги энг катта армиялар орасида еттинчи ўринни эгаллашига қарамасдан, Бажу-Навоз режими Вашингтон талабларини бажаришга, ўз халқи туйғуларини сариқ чақага олмасликка тайёрлигини исботлади. Айни саммитни бутун олам, хусусан, Ислом Уммати кузатиб турганини, унда АҚШнинг Ислом ва мусулмонларга қарши урушида ёрдам беришга қабиҳларча қарор берилаётганини бу разил раҳбарлар яхши билади ва била туриб, Трампга қуллик қилаётганларини ҳатто яширишга ҳам уринишмади… Ибн Масъуд Уқба ибн Амр Ансорийдан ривоят қиладики, Росулуллоҳ САВ

«إنْ لَمْ تَسْتَحِ فَاصْنَعْ مَا شِئْتَ»

«Уялмасанг, хоҳлаганингни қилавер», деганлар. (Имом Бухорий ривояти).

Эй Покистондаги мусулмонлар!

Бажу-Навоз режимининг Трамп билан ҳамкорлик қилаётганидан муаммоимизнинг туб сабаби ва уни қандай ечиш лозимлиги яққол маълум бўлиб қолди. Бу режим Американинг бизга қарши урушига содиқ қул каби қўшилган экан, энди у орамиздаги Исломга ёрдам берувчи ҳар қандай инсонни нишонга олишга тайёр режимга айланди. Энди у АҚШнинг Афғонистондаги босқинчилигига ва ҳиндусларнинг Кашмирдаги босқинчилигига қарши жиҳод қилаётган ёки жиҳодни қўллаб-қувватлаётган ёхуд демократия ва Ғарб қадриятларига қарши чиқаётган, Пайғамбарлик минҳожи асосида Халифаликни барпо этишга ҳаракат қилиб, исломий юртларга нисбатан сиёсий, иқтисодий ва ҳарбий ҳукмронликка якун ясалишини талаб қилаётган… ҳар қандай мусулмонни нишонга олишга тайёрдир. Бажу-Навоз режими Трампнинг саммитини байкот қилиш ва унинг мусулмонларга қарши мусулмонлар армиясини ишга солаётган урушида қатнашувчи ўттиз тўққиз давлатнинг ҳарбий коалициясидан чиқиб кетиш ўрнига, зўр бериб Трамп режасини амалга оширмоқчи. Ҳа, Трамп саммити мунофиқлар киму мўминлар кимлигини ажратиб қўйди, кимлар Ислом ва унинг аҳли томонида турибди, ким куфр ва унинг аҳли томонида турганини намоён қилди. Шунинг учун сиз Покистондаги мусулмонлар, бундай ғаддор ҳукмдорларнинг ағдарилишини талаб қилинг ва ҳаракатингизни Ҳизб ут-Таҳрирнинг Пайғамбарлик минҳожи асосидаги рошид Халифаликни барпо этиш ҳаракати билан боғланг, чунки рошид Халифалик албатта Ислом ва сиз мусулмонлар тарафида бўлади, сизларни куфр ва кофирлардан ҳимоя қилади.

Эй Покистон қуролли кучлари сафидаги холис зобитлар!

Бажу-Навоз режимида ҳеч қандай узр қолмади. Унинг хоинлиги кундай равшан. Сизда эса, Ғарбга қарши Уммат фойдасига нусрат қучиш учун қудрат бор. Ҳозир Уммат бир тарафда турган бўлса, унинг ҳукмдорлари ва Ғарб иккинчи тарафда турибди. Бу ҳукмдорлар ўз тахтларида сизнинг куч-қудратингиз билан ўтирибди, буни билмоғингиз керак. Ҳукмдорлар АҚШ тарафида бўлишга, унинг Ислом ва мусулмонларга қарши режаларини амалга оширишга қарор қилишди. Бундай ҳукмдорларни ағдариб, тахтларини ларзага келтиринг… Душманларимиз билан коалиция тузишга ва уларга тиз чўкишига бутунлай барҳам берувчи, Ислом ва мусулмонларга холис бўлган халифага байъат беринг. Аллоҳ Таоло бундай деди:

يَا أَيُّهَا الَّذِينَ آمَنُوا لَا تَتَّخِذُوا عَدُوِّي وَعَدُوَّكُمْ أَوْلِيَاءَ تُلْقُونَ إِلَيْهِم بِالْمَوَدَّةِ وَقَدْ كَفَرُوا بِمَا جَاءَكُم مِّنَ الْحَقِّ

«Эй мўминлар, Менинг душманим ва сизнинг душманингизни дўст тутманг! Сизлар уларга дўстлик (ҳақида хат-хабар) юборурсизлар, ҳолбуки улар сизларга келган ҳаққа кофир бўлганлар!»

Ҳизб ут-Таҳрирнинг Покистондаги матбуот бўлими

Телефон: +(92)333-561-3813

Факс: +(92)21-520-6479

Электрон почта: htmediapak@gmail.com

Веб саҳифа: www.hizb-pakistan.com