Ўзбекистон муслима аёллари номидан Ислом умматига хитоб
بِسْمِ اللهِ الرَّحْمنِ الرَّحِيمِ
Ўзбекистон муслима аёллари номидан Ислом умматига хитоб
Бугун биз Ўзбекистонлик зулм кўрган аёллар, ўзини мусулмонман деган, Муҳаммадга(صلى الله عليه وسلم) умматиман деган инсонларга нидо қиламиз, хитоб қиламиз!!!
Аёл – ким у? У – она, мўътабар инсон, жуфту ҳалол, опа – сингил, асралиши, авайланиши вожиб бўлган ор-номус ва яна эр мўъминни гуноҳдан сақлаб турувчи қўрғон ва бошқа кўплаб энг олий сифатлар билан сифатласа бўладиган улуғ ва нозик хилқат.
Хозирги кундаги аёлларчи? Дини, ор – номуси, қадр – қиммати топталган, хорланган, ишлатиб бўлгандан кейин ташлаб юбориладиган кераксиз буюм бўлиб қолди. Аёлларни бу ахволга, бизларга бахтли ҳаётни ваъда қилган демократия олиб келди.
Хусусан Ўзбекистонда тузумни татбиқ қилаётган раҳбарият томонидан аёлларга бўлган тазийқ кундан кунга ортиб бормоқда, буни баъзи мисолларда кўришимиз мумкин: Қўқон хокимияти томонидан амалга ошираётган ишларга назар ташлайдиган бўлсак:
Раҳбарият томонидан маълум бир гуруҳ тузилган бўлиб, улар:
— хотин-қизлар қўмитасининг раисаси
— махалла фуқаролар йиғини раиси
— махалла фуқаролар йиғини ходимларидир
Улар ўзлари билан суратга оладиган камералар билан уйма уй юришиб, уйларида тинчгина яшаётган аёллар тинчини бузиб, хар бир чақирилган хонадондаги аёлдан рўмол ўрамаслик, агар ўраётган бўлса уни ечиб ташлашлик хақида огоҳлантиришлар қилишиб, хатто баъзиларга рўмолларини ечдиришга мажбур қилган холлари хам бўлмоқда. Бозорлардаги холат эса, бу хақда интернетда гаплар аллақачон тарқалиб кетди, савдогар аёлларни бошларидаги рўмолларни тортиб олинган холатлари хам бўлди. Бу ишларга рози бўлмаганларни, бозорнинг ўзида, хеч қандай асоссиз, сотаётган молларини мусодара қилинган холлари хам бўлди. Ўтган йили Тошкент бозорларида катта ўраниладиган рўмол сотганларни сотмасликка мажбурланган эди, бу йил мана Қўқонда хам “Сенга рўмол сотишга ким рухсат берди” – деб хақоратлар билан тақиқланаяпти. Давлат ишхоналарида, мактаб, коллеж, боғча ва шунга ўхшаш давлат идораларида рўмолли келиб қолса ўша куннинг ўзида “ўз аризасига мувофиқ” ишдан бўшатилмоқда.
“Сен барибир муқаддассан, муқаддас аёл” – деб жар солаётган хукуматнинг аёлларни муқаддас тутиши шуми? Бундай холатга қандай келиб қолдик? Бу ниманинг оқибати?
Бунинг биринчи сабаби, албатта, бизларнинг эр мўъминларимиз куфр тузумга рози бўлишиб аёлларини химоя қилиш, қизғанишни мутлақо унутиб юборишди. Бунга яна энг катта хисса қўшган дин уламоларимизнинг аёллар тўғрисида чиқариб берган, шариатга хилоф фатволари хам бўлди, шундан кейин хукумат “мана дин олими айтди динда ундай эмас” деган баҳона билан аёлларни таҳқирлашга катта йўл очилди. Бизлар муслима аёллар хатто қизларимизни кўчага бирон юмуш билан чиқаришга хам қўрқиб қолдик.
Мусулмонларнинг ўз давлатлари бўлган даврларда, оддий аёлнинг сўзини мусулмонларнинг Халифаси тинглаган, унга муносиб Исломий муомала қилган, эр химоя қилмаса давлат ўзи химоя қилган, хозирчи таҳқирлашдан нарига ўтмаяпти.
Бугунги кун муслима аёлларига, ўша Халифаларнинг ўрни хар доимгидан хам кўпроқ билинди.
Эй Ислом уммати! Шуни билингларки биз эртага Қиёматда “Биз ожизалар эдик, бизларни эса химоячиларимиз химоя қилишмади, химоя қилгувчи Халифани топишга харакат хам қилишмади” – деган таънани бутун дунё муслима аёллари номидан қабул қилиб олишга ўзларингизни қодир деб ўйлайсизларми?
﴾يَا أَيُّهَا الَّذِينَ آمَنُوا قُوا أَنْفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ ﴿٦
“Эй иймон келтирганлар! Ўзингизни ва аҳли аёлингизни ёқилғиси одамлару тошдан бўлган ўтдан (жаҳаннамдан) сақланг. Унинг тепасида қўпол, дарғазаб фаришталар бўлиб, улар Аллоҳнинг амрига исён қилмаслар ва нимага буюрилсалар, шуни қилурлар.”
Ўзбекистондаги муслима опа-сингилларингиз
