Коалиция Манбажда содир этган қирғинини тан олди ва одатдагидек бу жиноятини ҳам оқлади
بِسْمِ اللهِ الرَّحْمٰنِ الرَّحِيم
Роя газетаси:
Коалиция Манбажда содир этган қирғинини тан олди ва одатдагидек бу жиноятини ҳам оқлади
Аёллар ва болалардан иборат 200 нафар фуқаро шаҳид бўлган Манбаж қирғини ортидан, жума куни «Исломий Давлат» ташкилотига қарши курашувчи халқаро коалиция кучлари эълон чиқарди. Унга кўра, «Қасд», дея танилган Сурия Демократик Кучлари коалиция кучларини «Исломий Давлат» ташкилоти координаталари билан таъминлаган, коалиция кучлари Манбажни шу координаталар асосида бомбардимон қилган.
Коалиция матбуот воизи Кристофер Гарвер ўтган жума кечқурун Вашингтондаги ўтказган матбуот конференциясида «Бу ҳаво ҳужуми ИШИДга қарашли барча уйлар ва машиналарни нишонга олиши лозим эди, бироқ бу террористик ташкилот орасида тирик қалқон сифатида фойдаланилган фуқаролар ҳам борлигига оид турли маълумотлар кейинроқ келди», деди.
Гарвер Манбаждаги Давлат ташкилотига қарши ҳужум «Сурия Демократик Кучлари» берган маълумот асосида бўлганини қўшимча қилиб, улар Давлат ташкилотининг йирик гуруҳлари мухолафат кучларига қарши ҳужумга тайёргарлик кўраётгани тўғрисида маълумот етказганини айтди.
Гарвер – коалиция келажакда маълумотлар расмий тергов ўтказиш учун етарли даражада ишончли бўлган тақдирдагина бирор ишни белгилашини таъкидлаб, «Фуқароларнинг қурбон бўлишларидан ёки кераксиз томонларга зарар етишидан сақланиш учун ҳаракат қиламиз, қуролли тўқнашувлар ҳуқуқи принципларига риоя қиламиз», деди.
Ҳалаб шарқидаги Манбаж шимолидан 13 км. узоқликда жойлашган Тухор қишлоғида содир этилган даҳшатли қирғинда 112 нафар фуқаро шаҳид бўлди ва жуда кўплари жароҳатланди. Бу – «Қасд» айни қишлоқни Исломий Давлат ташкилоти назоратидан чиқариб, ўз назорати остига олишга уринаётган бир пайтда содир бўлди. (orient-news.net).
Роя газетаси шарҳи:
Ғарб давлатлари Шомдаги мусулмонларга ва исломий юртлардаги бошқа мусулмонларга нисбатан амалга ошираётган жиноятларини ҳамон сир бўлиб қолмоқда деб ўйламоқда. Шунингдек у келтираётган айрим баҳоналари билан фуқароларни бомбалашни ва уларни ўлдиришни қасд қилмаганига одамларни ишонтира оламан деб ҳам ўйламоқда. Аслида эса АҚШ ва унинг иттифоқчиларининг Шомдаги сиёсати қирғин ва қамал қилишга, одамларни оч қолдиришга асосланган бўлиб, бундан Шом аҳлини тиз чўктириш кўзланган. Бугун мусулмонлар Ислом системаси дин бўлиб, давлат унинг бир қисмилигини тушундилар ҳамда Исломни ҳаёт воқеида тўла татбиқ қилиш ва унинг даъватини бутун дунёга етказишнинг тариқати давлат эканини англаб етдилар, Ислом асосида яшашга, Ғарб давлатларининг Исломий юртлардаги нуфуз ва ҳукмронликларидан озод бўлишга интиқ бўлиб қолдилар. Буни кўрган Америка ва Ғарб давлатлари мусулмонларнинг айни ўзгаришларига қарши туриш учун зўравонлик ва қирғин қилишдан ўзга воситани тополмаяпти.
Мана, кўриб турибмиз, бутун исломий юртлар бўйлаб қирғин, вайронагарчилик, қамал, очарчилик, оғизларни ўчириш… каби жиноятлар Ғарб давлатлари томонидан қилинмоқда, буларни ўз армиялари, учоқлари, қуроллари ёрдамида бевосита ёки ювиндихўр малайлари ёрдамида билвосита содир этишмоқда. Шомдаги қирғин, шунингдек, Ливия, Ироқ, Яман, Миср ва бошқа исломий юртлардаги қирғинлар ғоят даҳшатли даражага етди. Буларнинг барчасини Ғарб давлатлари ва уларнинг малайлари Уммат иродасини синдириш учун ҳамда Уммат Ғарб ва унинг сиёсатларига итоат этиб, муте ҳолда ҳолда қолиши учун содир этишмоқда. Аллоҳнинг изни ила, ўзгариш албатта бўлади, Пайғамбарлик минҳожи асосидаги рошид Халифалик давлати албатта қайта барпо бўлади. Чунки бу Аллоҳ Субҳанаҳу ва Таолонинг ваъдаси, Росулуллоҳ САВнинг башоратларидир. Мусулмонлар олдида эса сабот билан туриш, сабр қилиш ва ўзгаришнинг тўғри йўлидан юришдан ўзга йўл йўқ. Бу кофир Ғарб давлатларига ҳам, уларга тобе исломий юртларга ҳам ҳаргиз тиз чўкилмайдиган йўлдир. Яъни Росулуллоҳ САВ Мадинаи Мунавварада биринчи Ислом давлатини барпо этишда юрган йўлдир.
وَلَا تَهِنُوا وَلَا تَحْزَنُوا وَأَنتُمُ الْأَعْلَوْنَ إِن كُنتُم مُّؤْمِنِينَ * إِن يَمْسَسْكُمْ قَرْحٌ فَقَدْ مَسَّ الْقَوْمَ قَرْحٌ مِّثْلُهُ ۚ وَتِلْكَ الْأَيَّامُ نُدَاوِلُهَا بَيْنَ النَّاسِ
«Куфрга қарши курашда (сустлашмангиз) ва ғамгин бўлмангиз! Агар (ҳақиқий) имон эгалари бўлсангизлар, сизлар устун бўлгувчидирсизлар. Агар сизларга жароҳат етган бўлса, у қавмга ҳам худди шундай жароҳат етган. Биз бу кунларни (яъни ғалаба ва мағлубият кунларини) одамлар орасида айлантириб турамиз» [Оли Имрон 139-140]
Роя газетасининг 2016 йил 27 июл чоршанба кунги 88-сонидан
