بِسْمِ اللهِ الرَّحْمٰنِ الرَّحِيمِ

Матбуот баёноти

«Туҳмат, бўҳтон ва ёлғонларни давом эттиринглар, ана шунда ишонишади».

Моди давлат муассасаларини шу доктрина асосида бошқармоқда!

2022 йил 24 февралда Ҳиндистон миллий разведка расмийларининг PTI (Пресс Траст оф Индиа) агентлиги орқали билдирган хабарларига кўра, Зиёуддин Бақавий Халифалик давлатининг муҳимлиги, унинг тарихдаги ўрни ва мусулмон юртларидаги истиқболи ҳақида хутба қилгани учун ҳибсга олинган. Даъволар орасида «Ҳизб ут-Таҳрир ИШИДнинг бир бўлаги», деган маънода туҳматли айбловлар ҳам ўрин олган. Бу билан Ҳизб аъзолари олиб бораётган фаолиятни тақиқловчи қонунни оқлашга ҳамда шунга алоқадор шафқатсиз қонунлар ижросини амалга оширишга уринишяпти. Улар шундай қабиҳ ёлғонга қўл уришдики, 70 йилдан бери фаолият қилиб келаётган жамоа 20 йилдан бери фаолият қилаётган қуролли ташкилотнинг наслидан, деган ёлғон даъволар билан одамларни алдашга уринишяпти. Бу эса, фақат бир нарсани англатади. Ё мамлакатдаги энг катта разведка агентлиги ва юқорида тилга олинган газета ғўр ёшлар томонидан бошқариляпти… ёки улар терроризм ҳақидаги ёлғон гаплар билан одамларни қўрқитишда шошиб қолишган. Разведка агентлиги ва матбуот идоралари раҳбарлари ўзлари нашр қилаётган хабарларни беш ёшли болалар ўқийди, деб ўйлашади, чоғи. Шу боис, ушбу газета бош муҳаррири ва миллий разведка агентлиги директори истеъфо бериши керак, десак тўғри бўлади.

Биз Ҳизб ут-Таҳрир марказий матбуот бўлими аъзолари 2021 йил 23 апрелда ва 30 сентябрда нашр қилган баёнотларимизда шу ҳодисалар ҳақида жамоатчиликни огоҳлантирган эдик. Биз унда миллий разведка агентлигидаги коррупциячи расмийларнинг айни масаладаги воқеалар ривожи ҳақида қасддан адаштирувчи маълумотлар тарқатаётганини маълум қилгандик. Шунингдек, Ушбу матбуот баёнотларимиз ҳамда электрон веб-сайтларимиз орқали бошқарув-Халифалик тузуми ҳақида суҳбатлашиш, китоб ва нашраларни сақлаш ва дарс ҳалқалари ўтказиш улар томонидан «террористик» фаолият, дея талқин қилинаётганини ҳам баён қилганмиз.

Агар малакали мутасадди ёки ўз ишини севадиган профессионал журналист машҳур маълумот манбаларидан Ҳизб ут-Таҳрир ҳақида қидириб кўрганда эди, Ҳизбнинг фикрий ва сиёсий партия эканини, 1953 йилда улуғ олим шайх Тақийюддин Набаҳоний томонидан Халифаликни барпо қилиш мақсадида ташкил этилганини, 2006 йилдан бери ривожланиб, мутацияга учраган ИШИДнинг давомчиси эмаслигини, ИШИД ҳам Ҳизбнинг давомчиси эмаслигини осонгина билиб олган бўлар эди.

Moдининг иккиюзламачи қайсарлиги ушбу разведка агентлиги раҳбарларини ҳам булғади… Ҳолбуки у Ҳиндистоннинг барча федерал ва иттифоқ вилоятлари, шунингдек, халқаро ташкилотлар билан ҳамкорлик қилувчи катта муассаса ҳисобланади. Шундай бўлса-да, бу раҳбарлар очиқ кўриниб турган ҳақиқатларга ва соғлом маълумотларга эга бўлишни исташмади!

Бу ҳақиқатларни яшириш Ҳиндистон Британиядан мустақил бўлганининг 75-йиллигини нишонлаётган ҳамда Қўшма Штатлар БМТ Хавфсизлик Кенгашига икки йиллик доимий бўлмаган аъзоликка Ҳиндистон номзодини илгари сураётган бир пайтга тўғри келмоқда. Шунингдек, ушбу фактларнинг яширилиш ҳолати 2002 йилда Гужарат қирғинида Моди томонидан қўллаб-қувватланган Ҳиндутва террорчилари минглаб мусулмонларни қирғин қилганининг 20 йиллигига тўғри келмоқда. Ушбу қирғин Модини Ҳиндистон бош вазирлигига олиб келганини айтмасак ҳам бўлади. Ҳа, бу ишлар Моди етакчилигидаги Ҳиндистон ҳукумати БМТ Хавфсизлик Кенгашида ўз ўрнига эга бўлишига қарамай, ҳеч қандай муаммони ҳал қилолмаётган бир вақтга тўғри келмоқда. Зеро, Ҳиндистон минглаб ҳиндистонлик талабаларни хавф остига қўйган Россиянинг Украина ҳужумини на олдини ола олади ва на Европада Украина кризисини келтириб чиқариб, сайёрамизни ядро уруши хавфи остига қўяётган АҚШга қарши чиқа олади. Шундай бўлишига қарамай, «Давлат ҳомийлигидаги терроризм» ҳақида «кескин» баёнотлар беряптию, аммо тинч аҳоли қўлига мамлакатларини ҳимоя қилишлари учун енгил ва ўрта ўлчамдаги қуролларни бериб қўяётган АҚШ ва Европа олдида сукут сақламоқда.

Бироқ ҳар қандай ақлли кузатувчи булардан ажабланмайди. Чунки Моди ҳукумати миллий разведка бошқармасига халқаро ҳамкорлар рўйхатини берган бўлиб, бу нарса унга Ғарб билан ҳамкорлик қилиши ҳамда фақатгина АҚШ етакчилигидаги Ғарб режаларини амалга ошириши учун яшил чироқ ёқиб берган. FATF, БМТнинг 1267-сонли санкциялар рўйхати, Федерал Тергов Бюроси, Марказий Разведка Бошқармаси ва Скотланд-Ярддан иборат ҳамкорлар рўйхати Американинг «терроризмга қарши кураш»да Моди бошчилигидаги Ҳиндистондан муваффақиятли фойдалана олганини аниқ кўрсатиб турибди. Ваҳоланки, «терроризмга қарши кураш» Ҳиндистоннинг ўзини вайрон қилади. Чунки Моди коррупция, уюшган жиноятчилик ва зўравонликка қарши курашиш ўрнига, давлат муассасаларини Ғарб режаларини амалга ошириш билан машғул қиляпти. Ҳолбуки, Ҳиндистон ўз оёғида туриш учун етарлича кучга соҳиб. Аммо Ғарб режаларини бажариш Ҳиндистоннинг федерал, минтақавий ва глобал ролини заифлаштиради.

Одамларга ҳақиқатни эслатиб, бунинг мевасини териб олишга бўлган ишончимиз комил бўлгани учун Ҳизб ут-Таҳрирнинг оламшумул даъватини яна бир бор таъкидлаймиз. Шунга кўра, Ҳизб ут-Таҳрир марказий матбуот бўлими Ҳизб ут-Таҳрир оламий сиёсий Ҳизб эканини ҳамда Пайғамбарлик минҳожи асосидаги рошид Халифаликни қайта барпо этиш учун исломий юртларда фикрий ва сиёсий фаолият олиб бораётганини таъкидлайди. Ҳизб ут-Таҳрир ташкил топган кундан бошлаб, тўғри ва чуқур фикрлар диққат билан текшириб чиқилганидан кейин ақл уни албатта қабул қилишига, қалбларда ўрнашгач эса, албатта ҳаётда татбиқ этилишига чуқур ишонади. Мана шу ҳақиқий тўғри ёндашув бўлиб, шундагина тушунчалар шахслар ва жамоанинг турмуш тарзига таъсир ўтказиб, уни илғор турмуш тарзига ўзгартиради.

Биз, инсониятни, шу жумладан Ҳиндистонни бугун яшаётганимиз бошбошдоқлик ҳолатидан қутқаришга фақат Ислом ва Халифалик тузумигина қодир эканига ҳамда ўз тахтларини сақлаб қолиш учун ўз халқларини ҳалокатга етаклаётган ҳукмдорлар қўли билан мамлакат шу аҳволга солиб қўйилганига ишонамиз. Шунинг учун Умматига холис қайғурувчи ҳар бир мусулмон Ҳизб ут-Таҳрир бераётган қарашларга қулоқ солмоғи даркор. Чунки у саййидимиз Муҳаммад ﷺнинг минҳожига асосланган кенг қамровли қарашдир. Эслатиб ўтамиз, ушбу Ҳинд ярим ороли одил Ислом бошқаруви остида бўлган ва Ислом ҳокимияти соясида илгари кўрмаган тинчлик, хавфсизлик ва фаровонликни кўрган. Барча шуни билсинки, мусулмонлар томонидан бутун дунё ислоҳ қилинадиган куннинг келишига – Аллоҳнинг изни ила – яқин қолди. Аллоҳ Таоло бундай дейди:

﴿الَّذِينَ إِن مَّكَّنَّاهُمْ فِي الْأَرْضِ أَقَامُوا الصَّلَاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنكَرِ وَلِلَّهِ عَاقِبَةُ الْأُمُورِ﴾

«Уларни (яъни мусулмонларни) агар Биз ер юзига ғолиб қилсак – улар намозни барпо қиладилар, закотни адо этадилар, маъруфга буюриб, мункардан қайтарадилар. (Барча) ишларнинг оқибати Аллоҳнинг (измидадир)»  [Ҳаж 41]

Муҳандис Салоҳиддин Азоза

Ҳизб ут-Таҳрирнинг марказий матбуот бўлими раиси

+1

0

Related posts:

Ҳизб ут-Таҳрир-Судан вилояти делегацияси «Мустақилла» рўзномаси бош муҳарририни зиёрат қилди Режим Ҳизб ут-Таҳрир аъзоларидан бирига зўравонлик қилмоқда Бажва-Имрон режими босиб олинган Кашмирнинг мусулмон аҳолиси билан «бирга эканини ифодалаб», 14 август куни мустақиллик байрамини ўтказмоқчи «Бас, қиладиган ҳукмингни қилавер. Сен фақат мана шу дунёдагина ҳукм қилурсан»