بِسْمِ اللَّـهِ الرَّحْمَـٰنِ الرَّحِيمِ

Роя газетаси:

«Хавфсизлик», деган дастак билан одамлар зулмга учрамоқда, ҳақ-ҳуқуқлари поймол этилмоқда, раҳбарларидан ҳисоб сўрашларига ва уларни ўзгартиришларига йўл қўйилмаяпти

Тунис президенти юртдаги фавқулодда ҳолатни бир ойга узайтирмоқда

Ўтган шанба Тунис республикаси президентлик аппарати юртда ўн ойдан бери давом этаётган фавқулодда ҳолатни яна бир ойга узайтиришга қарор қилганини ўзининг Фейсбук саҳифасида нашр қилди.

Президентлик аппаратига кўра, «бош вазир ва халқ депутатлари кенгаши раиси миллий хавфсизлик масаласида, хоссатан, чегара ва минтақа вазиятлари билан боғлиқ масалаларда маслаҳатлашганидан сўнг, 17 сентябр куни республика президенти Божи Қоид Сабсий фавқулодда ҳолатни 19 сентябрдан республика замини бўйлаб яна тўла бир ойга узайтиришга қарор қилди». Республика президенти фавқулодда ҳолатни ўтган июл ойида ҳам икки ойга узайтирган эди.

Фавқулодда ҳолат ҳокимиятга комендантлик соатини жорий қилиш, ишчиларга иш ташлашларни ман этиш, шахсларни уй қамоғида ушлаб туриш, анжуманларни тақиқлаш, кечаси ва кундузи маҳаллаларда тинтув ўтказиш, матбуотни, радиоэшиттиришларни, телекўрсатувларни ҳамда фильм ва спектаклларни назорат остига олиш имкониятини беради, буларнинг ҳаммаси учун ҳукуматга олдиндан адлиядан ҳеч қандай рухсат олиши шарт бўлмайди.

Президентлик аппарати фавқулодда ҳолатни 2015 йил 24 ноябрдан эътиборан жорий қилган бўлиб, уни бир ой билан икки ой ўртасида узайтириб келаётган эди. Маълумки, 2015 йил 24 ноябрда бир худкуш шахс пойтахт Тунис марказида президентлик хизмати картежида ўзини портлатиши оқибатида картеж ходимларидан 12 киши ҳалок бўлганди ва йигирма киши жароҳатланган эди. Президентлик картежига қилинган бу ҳужум 2015 йилда Тунисда давом этган суиқасдларнинг учинчиси ҳисобланади. (Франс 24).

Роя газетасининг 2016 йил 21 сентябр чоршанба кунги 96-сонидан