Роя газетаси:

Мусулмонларнинг душманларини ҳимоя қилишга ўзларини бағишлаган хоин малайлар модели

Аббос: «Исроил» билан хавфсизлик мувофиқлашуви давом этади

Ўтган шанба куни Фаластин раҳбари Маҳмуд Аббос «Исроил» билан бўлган хавфсизлик мувофиқлашувининг давом этишини билдирди. У Фаластиндаги бир неча гуруҳлар буни тўхтатишни талаб қилишларига қарамай давом этажагини таъкидлади.

Аббос ўзининг Рамаллоҳдаги идорасида бир неча журналистларга берган интервьюсида жумладан бундай деди: «Хавфсизлик мувофиқлашуви ўз кучида қолади. Ҳатто мана шу лаҳзаларга қадар… биз ўз бурчимизни охиригача адо этиб келмоқдамиз. Ҳа, у ер-бу ерда бўлаётган ҳар қандай ишга чек қўямиз».

Кейин бундай қўшимча қилди: «Хавфсизлик хизматининг вазифаси жамоат хавфсизлиги бузилишига чек қўйиш ёки буни олдини олишдир. Яъни кимда ким портловчи моддалар… қурол-яроқлар… каби хавфсизликка зид ишлар билан шуғулланса, қамоққа олинади. Кейин унинг қаёққа кетиши муҳим эмас». Унинг айни баёноти Фаластин-«Исроил» қарама-қаршиликлари ўзининг тўртинчи ойига кириши билан янграмоқда.

Аббос – намойишчиларнинг «Исроил» кучлари билан тўқнашув бўлган ерларга боришга Фаластин хавфсизлик хизмати томонидан тўсқинлик қилиниши ва шахсларнинг қамоққа олинишини ҳимоя қилди.

Унга кўра, хавфсизлик хизмати фаластинликларни ҳимоя қилишни ва юрт мудофаасини хоҳлайди. Аббос шунингдек, ҳарбий жангга киришни истамаслигини таъкидлар экан, бундай қўшимча қилди: «Хавфсизлик хизмати ўз вазифасини менинг буйруқларим асосида бажаради. Бирортасининг мени – ўзим истамаган – жангга тортишига йўл қўймайман». У яна бундай деди: «Биз халқ уйғониши тарафдоримиз… Ошириб ҳам, камайтириб ҳам юборилмайдиган тинч халқ қаршилигини ёқлаймиз». (Рейтер).

Роя газетасининг 2016 йил 27 январ чоршанба кунги 62-сонидан