Тунис ҳукуматининг Ҳизб ут-Таҳрир конференциясини тақиқлашига нисбатан реакциялар
بسم الله الرحمن الرحيم
Роя газетаси:
Тунис ҳукуматининг Ҳизб ут-Таҳрир конференциясини тақиқлашига нисбатан реакциялар
Муҳандис Муҳаммадёсин Самида
Ҳар галгидек, Ҳизб ут-Таҳрирнинг йиллик конференцияси Тунисдаги сиёсий саҳнада ва ахборот воситаларида яна тортишувларни қўзғамай қолмади. Қўзғолондан сўнг ўтказилган биринчи конференциядан бошлаб, мана шу конференциягача бўлган конференциялар конференциядан олдинги ва кейинги кунларда сиёсий доираларда, ахборот воситаларида ва халқ орасида қизғин баҳсларни пайдо қилди. Натижада, бу ҳодиса бир вақтда бўлиб ўтган бошқа ҳодисаларнинг ҳам муҳимлигига қарамай, куннинг асосий ҳодисаси бўлиб қолмоқда.
2016 йил 4 июнда пойтахт Тунисдаги конференциялар биносида ўтказиш белгиланган ва «Келаётган Халифалик оламнинг халоскоридир» номи берилган йиллик конференция аввалги икки конференциядан ҳам кўра қизғинроқ баҳсларга гувоҳ бўлди. Мисол учун, унинг бошланишидан бир неча кун олдин Тунис ички ишлар вазирлигидаги ахборот масъули вазирликнинг Ҳизб ут-Таҳрир конференциясини тақиқламоқчи эмаслиги, чунки у ижроий ҳокимиятдан иборат бўлиб, унинг даъвосича, барча партияларга нисбатан бир хил масофада туриши тўғрисида баёнот берганди. Бироқ Ҳизб ушбу конференция бошланишига бир неча кун қолганда хавфсизлик округидан конференция тақиқлангани тўғрисида билдирувнома олди. Бу ҳолат Ҳизб ут-Таҳрир ҳимоячиларини шошилинч маъмурий масалани кўтаришга ундади ва натижада тақиқлов қарори бекор қилинди. Бинобарин, Ҳизбнинг ўз конференцияда тутган позицияси қўллаб-қувватланди, ҳатто қарорда Ҳизбнинг Халифалик давлатини барпо этиш орқали исломий ҳаётни қайта бошлашга даъват қилиш ҳуқуқи борлиги таъкидланди ҳам.
Бироқ 4 июн куни шубҳали ишларни гувоҳи бўлдик: Эрталабдан бошлаб, конференциялар биноси хавфсизлик казармасига айланди, бутун пойтахтни хавфсизлик ходимлари босиб кетди, шаҳар мэри бинони 20 соат беркитиб туриш, кейин конференция қатнашчиларининг у ерга етиб боришларига, етиб бориш учун автобус ва поездларга минишларига йўл қўймаслик тўғрисида қарор чиқариб тарқатди.
Бу хабарлар ахборот воситалари орқали тарқатилиши кўп сонли сиёсатчилар ва ҳуқуқбонларнинг реакциясига сабаб бўлди. Хусусан, полиция патрулининг кўчада устоз Ризо Билҳож бошқараётган машинани тўхтатиб олиб, ўтказмай қўйиши ортидан уларнинг реакциялари кучайиб кетди.
Шаҳар мэрининг берган баёноти дард устига чипқон бўлди. У конференциялар биносини ўзидаги мавжуд салоҳиятлардан келиб чиққан ҳолда беркитганини, конференция жамоатчилик хавфсизлигининг бузилишига сабаб бўлиши мумкин, деб ҳисоблаб, беркитиб қўйганини даъво қилди. Адлия қонунига зид бўлган бу қарори унинг Нидои Тунис партиясига аъзо бўлгани натижасида бўлиши мумкинлигини эса инкор қилди. Ваҳоланки, ўша пайтнинг ўзида айни партияга аъзо айрим депутатлар худди унинг йўналиш ва қарашлари бўйича баёнотлар беришганди. Бироқ уларнинг ҳаммаси ўзларини бир фактни билмасликка солишди. Факт шуки, Ҳизб ут-Таҳрир ўтказган кўп сонли конференциялар тартибли ва хавфсизлик масаласида олий даражада ўтган, аммо унинг партияси ўтказган анжуманлар бир-бирлари билан муштлашиб, таёқлар ишга солинмаган ҳолда камдан-кам ўтган.
Бу хусусда «Ислом ва Демократия» тадқиқотлар маркази раиси Ризвон Масмуд ҳам шаҳар мэрининг қилмишига нисбатан норозилик билдириб, партияларнинг ўз конференция ва анжуманларини ўтказишини тақиқловчи қарорлар қабул қилиш ҳуқуқини мэр қаердан олгани тўғрисидаги саволларни ўртага ташлади. Бундай ҳаракатни у бебошлик ва мустабидлик, дея сифатлаб, «Бизда адлия бор, бизда маҳкамалар бор, бизда ҳукумат бор, бизда парламент бор, ўзбошимчалик-хўжайинчилик кетмайди», деди.
Айниқса, ички ишлар вазирининг баёноти масхарабозликдан бошқа нарса бўлмади. У адлия қарорини нега бузгани ҳақида берилган саволга, менга бу қарор етиб келмаган, деган жавобни қилди… Ҳолбуки, Ҳизб ут-Таҳрир вакиллари вазирлик мулозимлари қўлига айни қарор келиб тушганини ўз кўзлари билан кўргандилар. Бу борада ёзувчи журналист Насриддин Сувайламий «Шоҳид» сайтида бундай деди: «Агар вазир қарор тўғрисида билмаган бўлса, бу бир мусибат, агар била туриб, бизни алдаётган бўлса, бу ҳаммасидан ҳам ёмон мусибат. Эй, Ҳизб ут-Таҳрирни ёқтирмайдиганлар, сиз бу воқеа билан лаззатланиш билан ўзингизни ўзингиз «дунёни сув босса тўпиғини ҳўл қилмайдиганлар» тоифасига қўшяпсиз. Ахир, тўфон ўзингизни ҳам ҳалок қилади!», деди.
Собиқ президент Марзуқий ҳам, Ҳизб ут-Таҳрир билан фикрий ва идеологик жиҳатдан келишолмаслигига қарамай, Ҳизбнинг ўз фаолиятини олиб боришга ва анжуманларини ўтказишга ҳаққи борлигини, чунки у зўравонлик билан шуғулланмаганини, манфур террорчиликка ҳам қўл урмаганини, таъкидлади. Сўнг «Маҳкама қарорининг бундай бузилиши демократияни хавф остига қўяди», деди.
Бошқа турли йўналишдаги партиялар ҳам Ҳизб ут-Таҳрир конференцияси тақиқланишини танқид қилишди. Айримлари Ҳизбга ҳамдардлик изҳор этган бўлса, айримлари бу масаланинг хавфлилигини айтишди. Бу адлия қарорини оёқ ости қилиш эканини, бу ҳолат масалани сиёсийлаштиришини, ҳукуматнинг қайтадан очиқдан-очиқ диктаторга айланишини таъкидлади.
Айрим сиёсатчилар, ташкилотлар, адвокатлар уюшмалари ва судьялар ҳам айни иш собиқ ҳукумат ишидан фарқ қилмаётганини билдиришди. Масалан, маъмурий маҳкама судьяси Аҳмад Савоб Ҳизб ут-Таҳрир билан боғлиқ бу ҳодиса ғирт шармандалик эканини таъкидлар экан, бу «маймунлар республикасидир», дея қўшимча қилди.
Шунингдек, бу масала 10 июн куни парламент кенгашида ички ишлар вазиридан ҳисоб талаб қилиш ўтиришини келтириб чиқарди. Унда Халқ ҳаракатидан депутат Солим Абяз Ҳизб ут-Таҳрирнинг партиялар тўғрисидаги қонунга асосан ўз конференциясини ўтказишга ҳаққи борлигини таъкидлар экан, айни тақиқловни сиёсий ўйин, дея атади.
Шуни алоҳида таъкидлаш лозимки, Ҳизб ут-Таҳрир 12 июн куни «Ички ишлар вазирига, одамларни алдама… Ҳизб ут-Таҳрирни конференция ўтказишдан тақиқлаш қарори ортида сиёсий сабаб бор» номли матбуот баёноти чиқарди.
Бундан ташқари, одамлар тарафидан ҳам айни масалага нисбатан реакциялар билдирилди. Улар Ҳизб йигитлари билан учрашишлари натижасида, унга ва унинг саботига, сиёсий курашларга гўзал суратда киришишига аввалгидан ҳам кўпроқ мақтов билдирдилар. Ҳизб матбуот бўлими офисига қўшни бўлган маҳалла аҳли балкондан туриб маъруза уюштирдилар, у ерга юзлаб Ҳизб тарафдорлари йиғилди. Улар Ҳизб йигитларининг тартиб-интизомларига, ғайратларига, ҳатто кесишган кўчадаги йўловчилар ҳаракатини тўхтатиб қўймаслик учун қилган ғайратларига нисбатан мақтовлар билдирдилар.
Роя газетасининг 2016 йил 15 июн чоршанба кунги 82-сонидан
