بِسْمِ اللَّـهِ الرَّحْمَـٰنِ الرَّحِيمِ

Тунис вилоятидаги Ҳизб ут-Таҳрир аёллар қисмидан хотин-қизлар, оила ва бола вазирлигига мурожаат

Мусулмонларнинг ўз давлатлари ва татбиқ этилувчи ҳаёт тузумлари мавжуд бўлган пайтда Ислом ўлкаларидаги аёллар қатори Тунис аёллари ҳам азизу мукаррам эдилар. Кейин ўтган асрнинг йигирманчи йилларида Халифалик давлати қулатилиб, Аллоҳнинг шариати татбиқдан ғойиб бўлгач, ҳамма қатори Тунис аёллари хорлик ва машаққатга дуч келдилар. Уларнинг турмуш тарзлари нафақат аёллик сифатлари билан боғлиқ соҳада, балки ҳаётнинг барча соҳасида оғир ва танг аҳволда қолди. Воқелари аламли воқега айланди, уларнинг меҳнатларидан аянчли тарзда фойдаланилди, зое кетиш ва оилавий нотинчлик ҳолатлари жавобгарлиги уларнинг зиммасига юкланадиган бўлди.

Мана шундай фожеавий ҳаётда Тунис аёллари алам чекяптилар, аламларини гапира олмаяптилар. Аксинча, шиорлар кўтариб чиқиш, қонунлар ишлаб чиқиш, битимлар тузиш билан уларнинг номидан халқаро ташкилотлар ва хотин-қизлар ҳаракатлари гапиришяпти. Бу шиор, қонун ва битимлари эса Ғарбга ютуқ келтирмоқда, бизни мустамлака ва тобе қилишни тўхтатмаслик мақсадида исломий юртларимизда тарқатаётган унинг сақофати ва ҳазоратини тирик, унумли ҳолда сақлаб турмоқда.

Сиз вазирлик мулозимларига яхши маълум, юртнинг собиқ ҳукуматлари товарлардан қўллаб-қувватловни олиб ташлашга ва «CEDAW» битимларини тузишга журъат қилишган. «СEDAW» битимлари зимнида эса, Исломдаги ижтимоий аҳкомларга мутлақо зид қонунлар яширингани ҳам сизга сир эмас албатта.

Биз сизга ушбу мурожаатимиз билан бирга китобча ҳам тақдим этдик. Унда бу номинг ўчкур «СEDAW» битимида келтирилган айрим моддаларни шарҳлаганмиз, шояд, уларни ўқиб, бу битимнинг нақадар заҳриқотил нарсаларни ўз ичига олганини англаб етсангиз!

Шунингдек, ажрашишлар, тул оналар, таълим олишдан маҳрум аёллар… каби доимий кўтариб бораётган кўрсаткичларга оид рақам ва статистикалардан ҳам хабарингиз бор.

Ишчи аёллар воқеи ҳам аянчли ва аламли бўлиб, уларнинг юқоридаги аҳволларидан ҳам ёмон. Мисол учун, текстил секторида ялпи ишчи кучининг 35,7 % ишлайди, холос, улардан 86 %и аёлларни ташкил қилади. Бу аёллардан 42 %и оилаларини фақат ўзлари боқадилар ва оила аъзолари ўртача беш кишини ташкил қилади. Шунингдек, қишлоқ хўжалик секторида ҳам Тунисдаги ялпи ишчи аёлларнинг 35 %и ишлайди ва улардан 52 %ини оилаларини фақат ўзлари боқувчи аёллар ташкил қилади. Ўйлаймизки, бу ишчи аёлларнинг қанчалар ёмон даҳшатли аҳволда яшашлари ҳам сизга сир бўлмаса керак.

Биз Уммат масалаларини табанний қилган ва Уммат шаънини кўтариш учун у билан бирга фаолият қиладиган Ҳизб ут-Таҳрир аёллари юртдаги воқеа-ҳодисалар оқимини яқиндан кузатиб бормоқдамиз. Умматни Исломидан узиш, бирлигини бўлиб ташлаш, истаклари устидан зўравонлик қилиш, тушунчалари, ўлчовлари ва қаноат-ишончларини ўзгартириш ниятида унга қарши тўқилаётган фитналар ва режаларни фош этмоқдамиз.

Шунинг учун сизни бугунги ёлланма сотқин ахборот доиралари томонидан тиқиштирилаётган ташвиқотларга алданиб қолмасликка даъват қиламиз. Улар хотин-қизларни юқори меҳнат лавозимлари билан таъминлаш каби ёлғон шиорларни ниқоб қилиб олиб, аёлларга зиён етказишни исташади, аммо бир вақтнинг ўзида, уларнинг реал муаммолари ва азоб-уқубатларидан кўз юмишади. Чунки бу доиралар, юртларимизда Ғарбнинг чириб бўлган маданиятини тарғиб қилиш, уни зўрлаб ўтказиш, шу орқали мустамлакачилик умрини узайтириш, Умматнинг озодлик ва ўзгариш сари кетаётган йўлидан оздириш… каби ёвуз ниятларни қасд қилишган.

Шуни ҳам таъкидлаймизки, таклиф этилаётган ечимлар ямоқ солиш ва таъмирлаш ечимлари бўлиб, аёллар аҳволини бир кун ҳам ўзгартирган эмас, ҳаргиз ўзгартирмайди ҳам. Йўқ, ўзгариш барқарор пойдеворга ва Умматнинг сақофати ва ўзлигидан балқиб чиқувчи кенг мабдаий системага асосланган ўзгариш бўлиши керак. Сэм амаки юртидан бизга импорт қилинган ўзгариш бўлмаслиги керак. Чунки уларнинг ҳазорати бузуқлигига, системалари чириб бораётганига бутун олам гувоҳ бўляпти ҳамда уларнинг жамиятидаги разолат, фаҳш ишлар ва қийинчиликлари бутун уфқни қамраб олгани ҳам олам кўз ўнгида намоён.

Демак, аёллар аҳволини илдизи бақувват ва Уммат ақидасидан балқиб чиққан ижтимоий тузумгина ислоҳ қилади ва биз айнан шунга даъват қилишимиз, айнан шуни татбиқ этмоғимиз даркор. Аллоҳ Таоло бундай деди:

أَفَمَنْ أَسَّسَ بُنْيَانَهُ عَلَىٰ تَقْوَىٰ مِنَ اللَّـهِ وَرِضْوَانٍ خَيْرٌ أَم مَّنْ أَسَّسَ بُنْيَانَهُ عَلَىٰ شَفَا جُرُفٍ هَارٍ فَانْهَارَ بِهِ فِي نَارِ جَهَنَّمَ ۗ وَاللَّـهُ لَا يَهْدِي الْقَوْمَ الظَّالِمِينَ

«Биноларини Аллоҳдан қўрқиш ва Унинг ризолиги асосига қурган киши яхшироқми ёки биноларига емирилаётган жар ёқасини асос қилиб олиб, шу сабабли ўзи ҳам жаҳаннам ўтига қулаган кимсами?! Аллоҳ бундай золим қавмни ҳидоят қилмайди»    [Тавба 109]

Ҳизб ут-Таҳрирнинг Тунисдаги матбуот бўлими аёллар қисми

Телефон: 71345949, 21430700

Факс: 71345950

Матбуот бўлими сайти: www.ht-tunisie.info