بِسْمِ اللهِ الرَّحْمٰنِ الرَّحِيمِ

Тунисда хавфсизлик хизмати Ҳизб ут-Таҳрирнинг бир неча йигитларини ўғирлаб кетди

Жума куни Ҳизб ут-Таҳрир – Тунис вилояти матбуот бўлими «Эй Тунис аҳли, қачонгача бундай демократия бебошлигига сукут қиласиз» номли матбуот баёноти нашр қилди. Ҳизб аъзолари айни баёнот варақасини юртнинг кўплаб шаҳар ва қишлоқларида бевосита тарқатдилар. Унинг тарқатилиши жараёнида Тунис хавфсизлик хизмати Ҳизбнинг бир неча аъзоларини ўғирлаб кетди.

Роя газетаси шарҳи:

Сиёсий бир варақани тарқатаётган йигитларни қамоққа олиш, давлатнинг шармандалигини кўрсатмоқда. Шунингдек, раҳбарларининг эс-ҳушларидан айрилганларини, ўз қўллари билан ишлаб чиққан конституция ва қонунларнинг устуворлигига амал қилиш ҳақидаги даъволари ёлғон эканини яна бир бор исботламоқда. Лекин, афтидан, Ҳизбнинг ушбу матбуот баёноти анави элчихонада ўтирганларнинг ҳаловатини бузган кўринади. Чунки улар Тунис тепасидаги расмий элитага буюришган, элита эса, хавфсизлик хизматларини ишга солиб, йигитларимизни қамоққа олган. Мақсад, Ҳизб ут-Таҳрирга муаммо туғдириш ҳамда унинг овозини пасайтириш ёки ўчиришдир. Улар Ҳизбнинг гапиришини тақиқлашмоқчи. Чунки унинг баёноти Тунис сиёсий элитасининг мустамлакачиларга тиз чўкиб хизмат қилишларини фош этди. Зеро, Ҳизб Тунис бошдан кечираётган сиёсий бебошликка сабаб бўлган коррупциячи демократик режимни ағдаришга даъват қилмоқда. Огоҳ бўлишсин ва билиб қўйишсин, бундай золимона таъқиблари ва сиёсий судловлари Ҳизб ут-Таҳрир аъзоларини ҳақ сўзни баралла айтишдан ва мустамлакачиликни фош этишдан ҳаргиз тўхтатолмайди. Ҳизб бу режимдагиларни бутун диёрларигача кезиб, албатта уларни ва уларнинг малайларини бутунлай йиқитиб, Ислом аҳкомларини татбиқ этажакдир. Тунис тепасига келган кимсалар билиб қўйишсин, Ҳизб ут-Таҳрир уларнинг ҳар бир ҳаракатини кузатиб, тил бириктирувларини кўриб, хотирасида сақлаб қолади ва Аллоҳнинг изни ила, уларга қарши шулар ёрдамида курашади. Бу ҳукмдорлар ва уларнинг ортида турган элчихоналардагилар билиб қўйсинлар: Ушбу заиф давлат ҳали туғилмасидан олдин Ҳизб ташкил топиб, илдизи ер қаърига мустаҳкам ўрнашиб бўлган. Энг золим ва энг катта давлатларнинг ҳам уни тўхтатиб қўйиш ва унга муаммо туғдириш қўлларидан келган эмас. Мустамлакачи давлатлар элчихоналаридан кўрсатмалар олиб, уларга хизмат қилишдан бошқа нарсани билмайдиган бу қўғирчоқ Туниснинг Ҳизб билан бўйлашишига йўл бўлсин?!

Роя газетасининг 2020 йил 29 июл чоршанба кунги 297-сонидан