Тунисдаги мураккаб муаммоларни инсонлар ишларига Роббул оламиннинг аҳкомлари асосида ғамхўрлик қиладиган ҳақиқий давлат арбобларигина ҳал эта олади
بِسْمِ اللهِ الرَّحْمٰنِ الرَّحِيمِ
Тунисдаги мураккаб муаммоларни инсонлар ишларига Роббул оламиннинг аҳкомлари асосида ғамхўрлик қиладиган ҳақиқий давлат арбобларигина ҳал эта олади
Қириқ кундан буён Тунисдаги Сафоқис (Сфакс) шаҳри ахлат, чиқинди, ҳашарот, пашша ва қуртлар уюми остида яшамоқда… Бунга сабаб Ақориб (Агареб) районидаги ахлатхонанинг ёпилганлиги сабаб бўлди ва ўз навбатида, бу район аҳолиси билан хавфсизлик кучлари ўртасида кескин тўқнашувларни келтириб чиқарди.
Бу хусусда 2021 йил 10 ноябр чоршанба куни Ҳизб ут-Таҳрир – Тунис вилояти матбуот бўлими баёнот нашр қилиб, қуйидагиларни таъкидлади:
«Бу ахлат кризиси абгор режимнинг асл башарасини фош этди… Режимни Аллоҳ нозил қилган аҳкомлар билан ҳукм юритмайдиган ва Тунисдаги мавжуд барча муаммоларни самарали ҳал этишга қодир давлат арбобларини етиштириб чиқармайдиган бепушт режим эканини очиб ташлади. Ваҳоланки, ахлатларни қайта ишлаб чиқиш, бунинг учун айни чиқиндиларни иккита саралаш жараёнидан ўтказиб, шу орқали ахлатлар сабабли келиб чиқадиган экологик ҳалокатга чек қўйиш, кейин эса, ахлатларни турларга ажратиб, оғир саноат корхоналарида ишлатиладиган муқобил ёқилғи сифатида ишлатиш мумкин эди».
Матбуот баёнотида қуйидагилар таъкидланди:
Мустамлакачи давлатлар зўрлик ишлатиб, макр қилиб ва нопок пуллар орқали устимизга ўрнатиб қўйган бу режимларга мана шундай кризисларни қасддан келтириб чиқариш вазифаси юкланган. Шубҳасиз, Тунисдаги бундай ўткир муаммоларни Уммат ақидасидан балқиб чиқувчи илғор фикрга эга бўлган ҳамда инсонлар ишларини Роббул оламиннинг аҳкомлари билан бошқарадиган ҳақиқий давлат арбобларигина ҳал этади. Зеро, юртнинг ер ости ва ер усти бойликларидан Уммат манфаати йўлида оқилона фойдаланувчи бундай эр кишилари Пайғамбарлик минҳожи асосидаги иккинчи рошид Халифалик давлатидаги ҳақиқий арбоблардир. Шунинг учун барча муаммоларни ечишга ҳамда кризисларни ҳал этиб, юртни тараққиёт сари йўллашга бирдан бир кафил давлат Халифалик давлатидир.
Роя газетасининг 2021 йил 17 ноябр чоршанба кунги 365-сонидан
