بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Туркия қочқинлар учун хавфсиз юрт, деган ҳақиқат қаерда қолди?!

Ражаб Тоййиб Эрдоган «Ягона камар, ягона йўл» номли халқаро ҳамкорлик форумида иштирок этиш учун Хитой пойтахти Пекинга сафар қилган эди. Сафари чоғида Хитой президенти Си Цзиньпин билан учрашиб, у билан 45 дақиқа суҳбатлашди, суҳбатга журналистлар қўйилмади. Икки давлат делегацияси «жиноятчиларни топшириш, халқаро йўналишлар бўйича транспорт масаласи, Хитой Халқ Республикаси билан ўзаро маданий марказлар очиш» борасида битим имзолади. Журналистларнинг «жиноятчиларни экстрадиция қилиш шартномаси» тўғрисида «Экстрадиция масаласи хос шаклда муҳокама қилинадими», деган саволига Эрдоган бундай жавоб қилди: «Хос шаклда, деб айтмайлик. Лекин бу масала ҳам муҳокама қилинди. Ҳатто, БМТнинг қочқинлар бўйича Олий комиссарияти рўйхатида турганлар бор, Европа Иттифоқи рўйхатида турганлари ҳам бор. Бу иккаласидан ташқарида бўлганлар биринчи навбатда турибди. Ана шу ташқаридагилар экстрадицияга тушса амалга оширилади. Булардан ташқари қонун доирасида бериб юборилиши керак бўлганлар бериб юборилади».

Шарқий Туркистон босқинчиси Хитой ўнлаб йиллардан бери у ердаги мусулмонларни қирғин қилиб келмоқда, барча исломий аҳкомларни адо этишларидан ман қилиб, ҳаром қилинган нарсаларни қилишга мажбурламоқда, қийноқларга солмоқда! Натижада, бу бечоралар олдида икки танлов қолди: қамоқ, қийноқлар ва ўлим қўрбони бўлиш ёки бирор хавфсиз юртга, масалан Туркияга қочиб ўтиб, у ердан бошпана олиш, агар денгизлар оша ўтиб олишга имкон қилолсалар албатта. Бироқ кўриб турибсизки, икки кун бўлди, Хитой репрессиясидан қочиб келаётган ва кўкракларига шамол тегишини истаётган Шарқий Туркистон мусулмонларига Эрдоган жаноблари дарвозасини ёпиб олди. Ваҳоланки, у бундан икки ой муқаддам «Онадўли, бу тупроқ муҳожирлар ватанидир, истибдод остида қолган халқлар узоқ асрлардан бери бу юртда хавфсиз бошпана топиб келганлар», деган эди.

Хитой Халқ Республикаси билан нега бундай битим тузилди?! Наҳотки, президент жаноблари бу давлатнинг босқинчи эканини билмаса?! Хитойнинг Шарқий Туркистон мусулмонларини террористлар, жиноятчилар, деб ҳисоблашини билмайдими?! Айни битимга кўра, наҳотки Туркия бу бечораларни Хитойга топширса, ахир, улар Туркияга динимизга амал қилайлик, дея покиза ниятлар билан келган ҳамда ўсиб улғайган юртларини қаттол давлатга ташлаб келган бўлсалар?! Бу қандай битим, келишув бўлди?!

Бундан ташқари, Эрдоган Хитой сафаридан олдин Шарқий Туркистондан келган эркак, аёл ва болалар дохил 21 шахсни Хитойга топширмоқчи бўлди, бунга нисбатан халқ реакцияси кескинлашгач, қарорни кейинга сурди. Шарқий Туркистондан келган муҳожирларни Исломий Давлат ташкилотига қарши кураш, деган ниқоб остида худди шу тарзда ҳибсга олиш кампаниясини олиб борди. Турк раҳбарлари, қани айтингларчи, саксон ёшга кирган чол қандай қилиб террорист бўлиши мумкин?! Қириқ кунлик чақалоқларни ҳибсда ушлаб туришингизга нима сабаб ундамоқда?! Мусулмонларнинг шунга ўхшаш халқаро битимлар ва сиёсатлар қурбони бўлишлари қачон тўхтайди?!

Эй мусулмонлар!

Туркиянинг Хитой билан бундай битим имзолаши Шарқий Туркистон мусулмонларига қарши улкан хиёнатдир. Ахир, Росулуллоҳ САВ

«الْمُسْلِمُ أَخُو الْمُسْلِمِ، لاَ يَظْلِمُهُ، وَلاَ يُسْلِمُهُ»

«Мусулмон мусулмоннинг биродаридир. Унга зулм қилмайди, уни ёрдамсиз ташлаб қўймайди…», деганларку! Шундай экан, уларга ёрдам бериш билан ўз биродарлигингизни намоён қилинг. Росулуллоҳ САВ яна бундай деганлар:

«إِنَّ النَّاسَ إِذَا رَأَوا الظَّالِمَ فَلَمْ يَأْخُذُوا عَلَى يَدَيْهِ أَوْشَكَ أَنْ يَعُمَّهُمُ اللهُ بِعِقَابٍ مِنْهُ»

«Инсонлар золимни кўра-билиб, уни қўлидан ушлаб-тўхтатиб қолмасалар, Аллоҳ барчаларига жазо юбориши мумкин бўлади». Демак, у пайтда истибдодни ким қилаётганининг аҳамияти йўқдир. Бундай ваҳшийликка чек қўйинг.

Ҳизб ут-Таҳрирнинг Туркиядаги матбуот бўлими

Web: www.hizb-turkiye.org

E-Mail: bilgi@hizb-turkiye.org