Уйғониш тўғрисида туркумидан
بسم الله الرحمن الرحيم
Уйғониш тўғрисида туркумидан: Ислом тузумини татбиқ қилувчилар Ислом ақидасига эътиқод қилишлари шарт
Инсонларга айнан уйғониш нима эканлигини танитишдан кўзлаган мақсадимиз, улар уйғонишни таниш натижасида уйғониш сари ҳаракат қилсинлар, ин ша Аллоҳ!
Ислом уммати капиталистик тузум татбиқи остида ҳаёт кечирар эканлар, Исломни ҳаёт майдонида давлат миқёсида татбиқ қилиш тушунчасидан узоқлаштириб борилди. Бунинг оқибатида, мусулмонлар Исломий ҳаёт тўғрисида бир-бирига зид бўлган фикрлар оғушига тушиб қолишди. Бундай ҳолат эса, Исломни татбиқ қилиш бўйича тушунчаларнинг қарама-қаршилигини вужудга келтирди. Ҳатто баъзи мусулмонлар капиталистик тузум татбиқи остида ҳам Исломий ҳаёт кечириш мумкин, бунинг учун Ислом давлатига зарурат йўқ, деган фикрга маҳкам ёпишиб олишди. Баъзи мусулмонлар эса Ислом тузумини татбиқ қилиш йўлида фикрламай қўйишди. Капиталистик фикрлар таъсирида Исломни тузум сифатида кўрмайдиган, уни давлат миқёсида татбиқ қилиш мумкинлигини тасаввур қила олмайдиган мусулмонлар ҳам бор орамизда. Улар учун Ислом фақатгина ибодат масалаларида мурожаат қилинадиган дин бўлиб, жамият ва давлат муаммоларини ечишда Исломга мурожаат қилиш мумкин эмасдек гўё. Шунинг учун ўз тузумимиз бўлган Ислом ўрнига капиталистик тузумнинг татбиқи улардек инсонлар учун ташвишланарли ёки муаммоли вазият эмас.
Ўз тузумимиз ўрнига бошқа тузумни қўлламоғимиз фикрлашнинг юзакилигидандир. Агар Уммат ақидани қўйиб, тузумнинг ўзини татбиқ қилса, тузум уни халос қила олади, деб гумон қилишимиз ҳам фикрнинг етишмаслигидан вужудга келади. Аслида Уммат ақидани қабул қилиб, сўнгра бу ақидадан келиб чиқадиган тузумни татбиқ қилмоғи лозим. Ана шундагина тузумнинг татбиқи ва ақидага бўлган эътиқод халоскор бўла олади. Бу эса мабдага асосланадиган, давлати ҳам шу асосга қуриладиган умматга тааллуқли. Бошқа халқлар ва миллатларга келсак, уларга мабда татбиқ қилинишида мабдани эътиқод сифатида қабул қилишларига зарурат йўқ. Балки мабдани эътиқод сифатида қабул қилиб, уни майдонга олиб чиқадиган Уммат ҳар қандай халқ ва миллатга – гарчи мабдани эътиқод сифатида қабул қилмаса ҳам – уни татбиқ қилиши мумкин. Чунки мабда уларни ҳам уйғониш сари етаклаб, оқибатда ўзидаги жозиба билан эътиқод сифатида қабул қилишга жалб қилади. Мабда татбиқ қилинаётган шахслар учун уни қабул қилиш шарт эмас. Балки мабданинг эътиқод сифатида қабул қилиниши уни татбиқ қилувчилар учун асосий шартдир.
Миллатчилик ва социализм низомини олиш ҳам биз учун хатарлидир. Чунки уларни моддийлик фикратидан ажратган ҳолда олиб бўлмайди. Бу ҳолда у ҳеч қандай самара бермайди ва ҳеч қандай таъсирга ҳам эга бўлмайди. Уни моддий фикрати билан биргаликда ҳам олиб бўлмайди. Чунки у инсон фитратига мос келмайдиган ва Ислом Умматидан Ислом ақидасини тарк қилишни талаб қиладиган салбий мафкурадир. Социализмни олиб, Исломнинг руҳий жиҳатини сақлаб қолишимиз ҳам ножоиздир. Чунки бу ҳолда хар иккисининг ўртасидаги зиддият ва олинаётган тузумнинг нуқсонли бўлгани сабабли биз Исломни ҳам ва социализмни ҳам олмаган бўламиз. Биз Ислом низомини олиб, бу низомнинг асоси бўлган Ислом ақидасини тарк қилишимиз ҳам жоиз эмас. Чунки бу ҳолда биз руҳи йўқ ўлик низомни олган бўламиз. Биз Исломни олар эканмиз, уни ақидаси ва тузуми билан биргаликда, бир бутун ҳолда олиб, унинг даъватини майдонга олиб чиққанда мафкурасини ҳам ёйишимиз лозимдир.
Демак, уйғониш учун ягона йўлимиз мавжуд. У ҳам бўлса Ислом асосидаги ҳаётни қайта бошламоқ. Ислом давлатисиз эса Исломий ҳаётни қайтадан бошлашга йўл йўқ. Агар биз энг асосий муаммони ҳал қилиб берадиган, ҳаётдаги нуқтаи назарнинг маркази вазифасини бажарадиган ақида сифатида: асоси Аллоҳнинг Китоби ва Росулининг суннатидан, сақофий бойлиги Ислом сақофатидан, жумладан фиқҳ, ҳадис, тафсир, тилшунослик ва бошқалардан иборат бўлган ана шу ақидадан балқиб чиқадиган тузум сифатида Исломни бир бутунича, яхлит ҳолда олмас эканмиз, Ислом давлати соясида Исломий ҳаётни қайтадан бошлашга йўл йўқ. Бунга йўл йўқ, агар Ислом мафкурасини Исломга даъват қилиш, барча маконда Исломни мукаммал шаклда вужудга келтириш йўли билан бир бутун ҳолда майдонга олиб чиқа олмасак! Қачонки, Ислом мафкураси Умматнинг барчасига, ундан Ислом давлатига етиб борса, шундагина бу мафкурани бутун оламга олиб чиқишга муяссар бўла оламиз.
Ислом асосидаги ҳаётни қайтадан бошлаш мақсадида Исломнинг фикрий етакчилигини мусулмонларга етказиш, сўнгра уни Ислом давлати ёрдамида бутун инсониятга етказиш – мана шу уйғонишнинг ягона йўлидир!
Ҳизб ут-Таҳрирнинг Ўзбекистондаги медиа офиси. Абдуллоҳ
12.11.2017й.
