بِسْمِ اللهِ الرَّحْمٰنِ الرَّحِيم

Матбуот баёноти

Ҳукуматнинг Исломни етказаётганларга нисбатан душманлиги ҳар сафар исботланмоқда

Мана, бугун ҳам ҳақни айтиб, ботилни рад этган йигитларни қамоққа олди

Бугун 2017 йил 5 май куни Ҳизб ут-Таҳрир-Судан вилояти аъзолари кенг миқёсда юртнинг турли масжидларида жума намозидан сўнг «Миллий Вифоқ ҳукумати юртни илмонийлаштириш, парчалаш ва бахтсиз ҳаёт олиб келиш поездидир, ундан бирор нарсани ҳам умид қилиб бўлмайди» сарлавҳали нашра тарқатдилар. Бироқ Судан хавфсизлик хизмати Ҳизбнинг бир гуруҳ йигитларини қамоққа олди.

Улар қуйидагилардир:

1 –Муҳаммад Қуний – Абяз шаҳридан;

2 –Абдурраҳим Муҳаммад – Абяз шаҳридан;

3 –Муҳйиддин Ҳасан – Абяз шаҳридан;

4 –Аҳмад Боҳий – Абяз шаҳридан;

5 –Ҳасан Фараҳ – Абяз шаҳридан;

6 –Исо Бадрий – Абяз шаҳридан;

7 –Аҳмад Вадоа – Абяз шаҳридан;

8 –Халифа Абдушофиъ – Портсудан шаҳридан;

9 –Довуд Абдуллоҳ  – Портсудан шаҳридан;

10 –Фазлмавло Муҳаммад – Хартум.

Масжидларда тарқатилган нашрада Умматга Миллий Вифоқ ҳукуматининг асл башараси фош қилинган бўлиб, аъзолари яқинда эълон қилинади!… Зотан, вазирлик папкасини кимлар қўлга олиши муҳим эмас, балки шу вазирларга қандай вазифа юкланади, ҳамма масала шунда. Чунки улар Америка режаларини бажарадилар, Жануб бўлингандан сўнг, энди Америка улардан нима истайди, шу муҳим. Шубҳасиз, бу мустамлакачи давлатнинг уларга юклайдиган вазифаси илмонийликни мустаҳкамлашдир. Чунки шу илмонийликда Исломнинг ҳаёт тузуми бўлгани эътиборидан, унга бўлган ҳар қандай даъватга қарши курашилади, Исломни фақат ақидалар, ибодатлар ва маросимлар қисмини олиб, коҳинлик динига ўхшатилади. Яна Америка Миллий Вифоқ ҳукуматидан тарафкашлик, миллатчилик, ҳатто қабилачилик асосида федерал бошқарув ва ўз-ўзини бошқарув каби ғоялар билан Суданни қолган қисмларини ҳам бўлиб ташлашни ҳам истайди.

Нашрада айтилган фикрларнинг айримлари мана шу. Унинг сўнггида, мусулмонлардан ва Судан аҳлидан Аллоҳ Субҳанаҳуга тоатда бўлиб, холис даъват аҳли билан бирга фаолият қилиш ва буюк Исломга нусрат-ёрдам бериш, Пайғамбарлик минҳожи асосидаги рошид Халифаликни барпо этиш орқали, ўзгартириш иши билан жиддий шуғулланиш талаб қилинган. Рошид Халифалик Исломни тўғри татбиқ қилиши, заминни самога боғлаб, бандаларнинг Холиқ билан бўлган муносабатини мустаҳкамлаши, Американинг узун арқонини қирқиб ташлаши айтилган. Шунингдек, мусулмонларнинг ташаббус тизгинини маҳкам ушлашлари, қайтадан инсонлар учун чиқарилган энг яхши Умматга айланишлари ва бутун дунёга эзгулик улашишлари баён этилган.

Мазкур эр йигитлари мана шу сабабдан қамоққа олиндилар. Улар жонларини буюк Исломга нусрат-ёрдам бериш учун сарфладилар ва маломатчининг маломатидан қўрқмадилар. Уларнинг қамоққа олиниши, ҳукуматнинг Исломга ва унга даъват қилаётганларга душман эканини, эркинликлар ҳақидаги даъволари ғирт ёлғонлигини исботлади. Бир неча кун олдин Абяз шаҳрида исломий кўргазманинг очилишини таъқиқлаган ҳам, ундан олдин Халифалик қулатилганининг 96 йиллиги хотираси муносабати билан ўтказиладиган кўп кишилик мурожаат йиғинини тақиқлаган ҳам мана шу ҳукуматдир. Ваҳоланки, иккала тадбирга ҳам аввалда рухсат берган эди.

Биз Ҳизб ут-Таҳрир-Судан вилояти аъзолари шуни таъкидлаймизки, бу режимнинг Америка розилигини истаб, Аллоҳнинг йўлидан тўсишдек қилмишлари, бизга заррача таъсир қилмайди. Аксинча, саботимизга сабот қўшади, ҳақ устида эканимизга бўлган ишончимизга ишонч қўшади. Биз билан биргаликда бутун Уммат золимлар, бузғунчилар, хоинлар, кофирга итоатгўйлар замони тугайдиган тонгни муштоқлик билан кутмоқда, уларга ваъда қилинган вақт субҳдир, субҳ яқин эмасми!

Иброҳим Усмон (Абу Халил)

Ҳизбут Таҳрирнинг Судан

вилоятидаги расмий нотиғи

Телефон: 0912377707 – 0912240143

Электрон почта: spokman_sd@dbzmail.com