بِسْمِ اللهِ الرَّحْمنِ الرَّحِيمِ

Умматнинг Тунисдан бошланган қўзғолонига тўрт йил бўлди

У ҳақиқий масалаларни намоён қилди, сохта ечимларни фош этди

Шундай экан, қадамингизни ўйлаб босинг, буюк Ислом асосида ўзгартириш учун ҳаракат қилаётган онгли етакчилик ортидан эргашинг

Тўрт йил олдин Тунисдан бошланган Уммат қўзғолони ҳақиқий муаммолар мавжуд режимлардан, қолаверса шу режимнинг ўзига амал қилувчи барча ҳукуматлардан, бу ҳукуматлар ҳар қанча алмаштирилган ва ямаб юлқанган бўлса ҳам каттароқлигини намоён қилди ва асосий тўрт масала мутлақ равшан бўлиб қолди:

Бошқарув ва сиёсатнинг асоси барчадан, ҳокимдан ҳам, фуқародан ҳам устувор қонундир:

Чунки одамларга нуфузли кишиларнинг манфаатига хизмат қиладиган дастур ва қонунларни белгилаш ҳуқуқини берадиган вазъий (одамлар томонидан белгиланган) низом шароитида буни қандай кафолатлаймиз? Парвардигорнинг ваҳийсини асос ва миқёс қилиб олмасдан ҳоким ва фуқарони тенг кўрадиган қонун устуворлигини қандай кафолатлаймиз.

Давлатни мустамлакачилик ҳукмронлигидан озод қилиш орқали давлат ҳукмронлигини тиклаш:

Қарздорликдан ва хорижга гаров бўлишдан қандай чиқамиз? Бойликни мақсадсиз сарфлашни инвестиция деб билган низом шароитида бойликларимизни қандай қайтариб оламиз? Қобилиятли кишиларни (кадрларни) кўчиб кетишга мажбур қилаётган ва умумий бойликни беҳуда совураётган низом шароитида қандай қилиб қуролларимизни, дори-дармонларимизни таъминлайдиган саноатни тиклаймиз? Юрт деҳқонлари ҳисобига импорт товарларини қўллаб-қувватлаётган низом шароитида қандай қилиб озиқ-овқат билан таъминлаш учун ишлов берилмаган ерлардан фойдаланамиз?

Маҳаллий воқелик ва Уммат масалаларига ёрдам бериш:

Динни мусулмонлар ҳаётидан ажратган, нодон ва малайлар жиҳоддан истаганча фойдаланиши учун жиҳодни андозасиз ва асл манбасига боғламасдан ташлаб қўйган низом шароитида қандай қилиб жиҳод давлат сиёсатига ва армия вазифасига айланади? «Ватанпарварлик» даъвоси билан мусулмонларга ёрдам беришни ташқи иш қилиб белгилаган ҳамда ўз масалаларимизга аралашишга Ғарб сиёсатчиларини, ташкилотларини ва қолаверса армиясини олқишлаётган низом шароитида қандай қилиб Уммат масалаларига ёрдам берилади? Дастурнинг бир четида бўлса ҳам мусулмоннинг мусулмонга қони ҳаромлигини келтирмаган низом шароитида қандай қилиб мусулмоннинг жони ҳимоя қилинади?

Одамларнинг шон-шарафи ва уларнинг ишларини бошқариш.

Одамларнинг шон-шарафи, дабдабасиз тўкин ҳаёт кечириш ҳуқуқи қандай қилиб қонунчиликда ўз ўрнини топиб амалда ижро қилинади ва бу ишга бепарво бўлувчи маҳкамада қандай жавобгарликка тортилади? Давлат киримлари асосан юрт аҳлига солинган солиқда деб билган капиталистик низом шароитида бу қандай амалга ошади? Давлатнинг ишларни бошқаришни тарк этишини иқтисодий сиёсат деб билган капиталистик низом шароитида бу қандай бўлади?

Бугун Тунис, Ливия, Миср, Яман ва Сурия каби бутун минтақадаги ҳукмдорларимиз ўз ожизликларини, муваффақиятсизликларини тан олиш ўрнига, омадсиз ва ноумид ҳолда яна ортга қайтишга уринишяпти. Уларнинг наздида ўз масалалари яна ўша капиталист ғайриилоҳий тузумни давом эттириш, Ғарб кўрсатмаларига бўйсунишда давом этиш, Умматни сайлов борасидаги даъватидан буриб адаштиришдир. Зеро, бугунги сайланган ҳукмдорлар, бизга шунча бахтсизликларни тоттирган ўша капиталистик тузумни яна татбиқ қилишга шошилишмоқда!!

Эй ҳукмдорлар, эй ҳокимиятга ёпишиб олган сиёсатчилар!

Етар, шунча муваффақиятсизликка учраганингиз ва учратганингиз… Етар, Ғарбдек бир омадсиз хўтик қучоғига отилишингиз, ахир, унинг ўзи ҳам ўз масалаларини ечишга ожиз бўлиб қолган бўлса. Агар Ғарбга бойликларимизни армуғон қилмаганимизда эди, у фарзандларимиз орасидан ғарблашган кимсаларни етиштиролмаганида эди, минтақаларимизда ҳарбий имтиёзлар билан таъминланмаганда эди, юртларимиз тобелик сабабли саноатлашишга ожиз бўлиб қолмаганда эди… Шуларнинг ҳаммаси бўлмаганда эди, унинг энг қудратли давлати аллақачон емирилиб бўлган бўларди. Бас, шундай бўлгач, Умматнинг ҳақиқий масалалари билан бирга бўлинг, ўзгартириш йўлида қоқилиб йиқилганлардан ёки душманга боқимандага айланганлардан бўлманг. Агар бунга қодир бўлмасангиз, ҳеч бўлмаганда, ростгўй инсонлар синфидан бўлишингиз учун ушбу Умматни ўз ҳолига қўйиб беринг, малайлар ё хоинлар синфига қўшилишингиздан кўра, ақалли ишга яроқсиз ва ожизлар синфида бўлганингиз яхши!!

Эй муфаккирлар, мутахассислар, тадбиркорлар ва холис сиёсатчилар!

Уммат ишларини Ислом билан бошқаришда ўз иқтидорингизни ҳам, Уммат имкониятларини ҳам кам санаманг. Чунки бугунги замон Ислом замони, Уммат замони. Абгор ва чирик Ғарб замони қолиб кетди. Барча куч-қобилиятингизни битта масалага хизмат қилишга сарфланг, у ҳам бўлса, «мустамлакачиликдан озод бўлиш, Ислом Умматини собиқ етакчилик ва раҳнамолик ўрнига қайтариш» масаласидир. Бу дунёю охират неъмати мана шунда.

Эй мусулмонлар, эй Тунис аҳли!

Эй Ғарбу Шарқдаги золимлар ҳаловатини бузган биринчи қўзғолон бошловчилари!

Бу қўзғолонингиз инсон томонидан ўйлаб топилган режимга қарши қўзғолон эди. У бизнинг асосий эҳтиёжларимиздан, бизни бошқарув ва сиёсатда асос сифатида жамловчи Исломдан, давлат мустақиллигини таъминлашдан, уни мустамлакачиликдан озод қилишдан, мусулмонларнинг масалаларидан ва бундай ишларнинг ҳамма-ҳаммасидан воз кечган режим эди. Қуръони Карим ва Суннати шариф нусуслари асосидаги ҳақ-ҳуқуқларингизни зое кетказган, юртни куч-қудрат воситаларидан маҳрум этган режим эди… Сизнинг қўзғолонингиз мана шундай режимга қарши эди… Демак, энди бу ғайриилоҳий бошқарув низомини Исломдаги бошқарув низомига ўзгартириш орқали ўз ҳақиқий муаммоингизни ҳал қилишдан чалғиб қолманг. Зотан, Ислом зулм қилмайди, воз кечмайди, муаммоларни ҳал этади, ҳуқуқ эгаларига ҳуқуқларини қайтариб беради, яхши турмуш тарзини хорижнинг миннатли ёрдами билан эмас, ўз юрти бойликлари билан таъминлайди… Бу эса еру кўкдаги аҳоли рози бўладиган тўғри йўлни тутувчи Халифалик низомини барпо этиш билан амалга ошади.

Биз Ҳизб ут-Таҳрир аъзолари барчани хотиржам қилмоқчимизки, бизнинг Ҳизб ут-Таҳрир Исломга асосланган, ундан заррача четга чиқмайди. У ушбу буюк Умматнинг, жумладан, Тунис аҳлининг манфаатларига асосланган. Токи, биз шу орқали бу ғайриилоҳий режимни илдизи билан, қонунчилик ва ижро жиҳатидан, ҳақиқий тарзда ўзгартиришимиз учун, токи, юртимизни муваффақиятсизликка учраш ва учратишлардан, кризис ботқоғига ботириб, фитналар ясашдан асрашимиз учун, Аллоҳнинг ушбу каломи атрофида бирлашишимиз учун бизнинг Ҳизб ут-Таҳрир барча холис инсонларга қўлини чўзади:

أَلاَّ نَعْبُدَ إِلاَّ اللّهَ وَلاَ نُشْرِكَ بِهِ شَيْئاً وَلاَ يَتَّخِذَ بَعْضُنَا بَعْضاً أَرْبَاباً مِّن دُونِ اللّهِ

«Ёлғиз Аллоҳгагина ибодат қилайлик, Унга ҳеч нарсани шерик қилмайлик ва бир-бировларимизни Аллоҳдан ўзга худо қилиб олмайлик» [Оли Имрон 64]

Қўзғолонингиз ҳали ниҳоя топгани йўқ, Уммат маънавиятларига зарба берувчилар уни тугади, дейишмоқда. Аксинча, адаштириш замони тугади, Ғарбнинг юртларимиздаги лойиҳаларининг яроқли муддати тугади, онгсиз раҳбариятнинг, ямаб-юлқашларнинг замони тугади, майдонда бутун оламга раҳмат, ғамхўрлик, кифоялик, ҳидоят альтернативидан ўзга, яъни забардаст исломий альтернативдан ўзга ҳеч нарса қолмади, энг муҳими, майдонда Росулуллоҳ САВнинг ушбу башоратлари қолди:

Ҳизб ут-Таҳрир                                                             25 сафар 1436ҳ

Тунис                                                                               17 декабр 2014м

0

0

Related posts:

Барча машаққату қурбонликларга қарамай, Шом қўзғолони қоялар мисоли мустаҳкам турибди Ҳизб ут-Таҳрир уларнинг макридан устундир ва уларнинг ҳисоб-китобларидан устундир Терроризм Уммат қўзғолонига душман, омадсиз ҳукмдорларга ниқобдир, бас, уни ҳақиқий исломий лойиҳа сари ҳаракат қилиш билан тўхтатиб қолинг, бу лойиҳада ҳаром қон тўкиш ва энг асосий масалалардан чалғиш жиноят ҳисобланади Мудом режим коррупциячи, ҳукмдорлар заиф экан ўзгариш қаердан келсин?!