Қуръон боғларига саёҳат
Қуръон боғларига саёҳат
بسم الله الرحمن الرحيم
ان النَّبِيِّ صَلَّى اللَّهم عَلَيْهِ وَسَلَّمَ قَالَ خَيْرُكُمْ مَنْ تَعَلَّمَ الْقُرْآنَ وَعَلَّمَهُ
Пайғамбар соллаллоҳу алайҳи ва саллам дедилар: “Сизларнинг ичингизда яхшироғингиз, Қуръонни ўрганган ва уни ўргатганингиздир”. Бухорий ривояти.
Муқаддас китоби бўлган Қуръони Каримни бандалари учун дастур қилиб берган Аллоҳга ҳамдлар бўлсин. Ушбу Китоб мўъжизалиги билан Пайғамбарлиги исботланган Муҳаммад соллаллоҳу алайҳи ва салламга саловоту саломлар бўлсин.
Рукнимизнинг аввалги сонида Бақара сурасининг 142-143-144-145 оятлар тафсирининг биринчи қисмини якунладик. Бу сонда шу оятлар тафсирининг иккинчи қисмини кўриб чиқишни бошлаймиз.
2-Кейин Аллоҳ Таоло бизга хабар беряптики, буйруқ бериш ҳар доим У Зотнинг ишидир. У Зотнинг ҳукмини ҳеч кимса рад эта олмас. У Зот фазлу марҳамат соҳибидир. У Зот Пайғамбар с.а.в.нинг дуоларини ижобат қилиш билан мусулмонларга яхшилик қилганидек, Муҳаммад а.с. умматини умматлар ўртасидаги ўрта уммат қилиши билан бу умматга фазлу марҳамат кўрсатди. Одамларга гувоҳ бўладиган ўрта уммат. Одамларга гувоҳ бўладиган уммат ўз-ўзидан адолатли умматдир. Зеро, адолат шаҳодатнинг асосий шартидир.
Арабларнинг гапида ўрта сўзи энг сара, энг яхши маъносини англатади. Одамларнинг саралари уларнинг ўрталаридир.
«Лисонул-араб»да шундай дейилган: нарсанинг ўртаси энг афзалидир, энг яхшисидир, энг сарасидир. Масалан, яйловнинг ўртаси энг яхши жойи. Мана бу ҳадис ҳам шу маънодадир:
«خِيَارُ الْأُمُورِ أَوْسَطُهَا»
«Ишларнинг яхшиси ўртачасидир».
Аллоҳ Таолонинг мана бу ояти ҳам шу маънода келган:
لِّتَكُونُواْ شُهَدَاء عَلَى النَّاسِ
(Бошқа одамлар устида гувоҳ бўлишингиз учун). Яъни “Лисонул-араб” китобининг муаллифи айтади: Бу васат сўзининг тафсири ва ҳақиқий маъносидир.
Шунга кўра, оятнинг маъноси мана бундай бўлади: Ислом уммати бошқа умматларга қарши уларга Ислом етказилганлигига адолатли гувоҳ бўлади. Гарчи оят дарак гап бўлиб келса-да, унда буйруқ маъноси ҳам бор. Яъни Ислом уммати Исломни бошқа умматларга етказишлари лозим. Шундай қилмасалар, гуноҳкор бўладилар. Шу ишлари бошқа умматларга қарши ҳужжат бўлади.
لِّتَكُونُواْ شُهَدَاء عَلَى النَّاسِ
Шунингдек, Пайғамбар с.а.в. Ислом умматига қарши унга Исломни етказганига гувоҳдирлар.
وَيَكُونَ الرَّسُولُ عَلَيْكُمْ شَهِيداً
(Ва пайғамбар сизларнинг устингизда гувоҳ бўлиши учун).
Демак, Исломдан кейин Ислом уммати бошқа умматларга қарши Ислом ўша умматларга етказилганига адолатли гувоҳдир. Бу бир томондан. Бошқа томондан у Исломдан олдинги пайғамбарларнинг ҳам Парвардигор томонидан юборилган рисолатни ўз умматларига етказганларига ҳам гувоҳ бўлади.
(давоми бор)
Ҳизб ут-Таҳрирнинг Ўзбекистондаги медиа офиси. Муслим
31.07.2019й
