بِسْمِ اللهِ الرَّحْمنِ الرَّحِيمِ

Ўзбекистон мусулмонлари диний идораси хукуматга қўшилиб мусулмонларни интернетдан қайтармоқда

Ўзбекистон мусулмонлари диний идораси расмий сайти muslim.uz да, ушбу идоранинг навбатдаги хукуматга малайлик намойиши кўрсатилди, у ҳам бўлса, мусулмонларни интернетдаги Исломий даъватлардан қайтариш учун ёзилган ““Ўргимчак тўри” даги тузоқлар” номли мақоладир.

Мақолани синчиклаб кўриб чиқадиган бўлсак, ушбу мақоладан мақсад, бугунги кунда кўпчилик ёшлар интернет орқали олаётган ахборотларни олмасликка, фақатгина Ўзбекистон цензураси ичидаги ОАВ ларнинг тарқатаётган хабарларига чекланиб, Каримов ва унинг золим хукумати қобиғида яшашга чақириқ эканини очиқ – ойдин тушуниш мумкин.

Ушбу мақола муаллифи Айдарбек Тулепов мақоласида кўзда тутган мақсадини турли оят ва хадислар билан қувватлашга уриниб, интернет орқали ёшларни нотўғри эътиқодларга кириб қолаётганини гапирган ва “(Эй инсон) Ўзинг (аниқ) билмаган нарсага эргашма! Чунки қулоқ, кўз, дилнинг ҳар бири тўғрисида (ҳар бир инсон) масъул бўлур (жавоб берур)” (Исро, 36) ояти билан гапини қувватлаган.

Лекин шу ерда бир савол туғилади. Ўзбекистонда ёшларни соф Исломий эътиқодга ўргатаётган бирон жамоанинг ўзи борми? Ўзбекистон хукумати иқтидоридан бир қадам ҳам четга чиқмайдиган диний соҳа олимлари ёшларга қанчалик даражада соф Исломий эътиқод бера олдики, уларни бундай ташвиш билан химояга чақирса? Хукумат иқтидоридаги дин арбоблари Ўзбекистон мусулмонларига ўргатаётган Исломда, ушбу мукаммал ва ҳаёт динини, ҳақиқатда ҳам хаётнинг ҳамма жабҳаларига тўлиқ аралашишга ҳақли, халқигина эмас, балки ушбу ҳаётнинг хамма жабҳасини бошқаришга, жамиятни бошқаришга яроқли ақида, деб ўргатаяптиларми? Ёки ушбу олимлар, Ислом мабдасининг бундай қувватга эга эканлигини, жамият бошқаруви Ислом сиёсатининг қўлида бўлиши кераклигини, дин хаётдан алоҳида бўлиши мумкин эмаслигини инкор қиладиларми? Дин ҳаётдан алоҳида бўлиши керак бўлса, уларнинг таъбиридаги соф ақида, фақатгина диктатор, золим Каримов рози бўлган диндан иборатми? Унда Аллоҳнинг

أَفَغَيْرَ اللّهِ أَبْتَغِي حَكَماً وَهُوَ الَّذِي أَنَزَلَ إِلَيْكُمُ الْكِتَابَ مُفَصَّلاً وَالَّذِينَ آتَيْنَاهُمُ الْكِتَابَ يَعْلَمُونَ أَنَّهُ مُنَزَّلٌ مِّن رَّبِّكَ بِالْحَقِّ فَلاَ تَكُونَنَّ مِنَ الْمُمْتَرِينَ * وَتَمَّتْ كَلِمَتُ رَبِّكَ صِدْقاً وَعَدْلاً لاَّ مُبَدِّلِ لِكَلِمَاتِهِ وَهُوَ السَّمِيعُ الْعَلِيمُ * وَإِن تُطِعْ أَكْثَرَ مَن فِي الأَرْضِ يُضِلُّوكَ عَن سَبِيلِ اللّهِ إِن يَتَّبِعُونَ إِلاَّ الظَّنَّ وَإِنْ هُمْ إِلاَّ يَخْرُصُونَ

“ Аллоҳдан бошқани ўзимга хакам қилиб олайми?! Ва холанки У сизга (хукм юритишингиз учун) Китобни батафсил қилиб нозил қилди. Биз уларга китоб берганлар бу(Китоб, хукмлар) Роббингдан хақ қилиб юборилганини биладилар. Бас, бунга шак келтирувчилардан бўлма. Роббингнинг сўзлари рост ва адолат билан тамомига етди. Унинг сўзларини ўзгартиргувчи йўқ. Ва У яхши эшитгувчи ва яхши билгувчи Зотдир. Агар сен (Роббинг берган хукмларни қўйиб) ер юзидаги кўпларга эргашиб кетсанг, улар сени Аллоҳнинг йўлидан адаштирадилар, чунки улар гумонга эргашадилар. Улар тахмин қиладилар холос.”      (Анъом. 114 – 116)

إِنَّا أَنزَلْنَا إِلَيْكَ الْكِتَابَ بِالْحَقِّ لِتَحْكُمَ بَيْنَ النَّاسِ بِمَا أَرَاكَ اللّهُ

“ Албатта Биз (бу Қуръон) Китобни хақ билан, одамлар орасида Аллоҳ кўрсатгани бўйича хукм қилишинг учун нозил қилдик.”   (Нисо. 105)

каби ва шу маънодаги бир неча оятларини Аллоҳ мусулмонларга нима учун нозил қилган? Ёки бу оятлар амал қилиш учун эмас, шундай ўқиб, савоб йиғиш учун нозил бўлганми? 

Ушбу золим хукуматнинг малайлари бўлган олимлар таъкидлаётган интернетда ёшларни турли ақидапарастликка чақираётганларнинг деярли аксарияти, шу нарсага, яъни Исломни ҳаётдан ажратиш мумкин эмаслигига, Ислом шариати ҳаётнинг ҳамма соҳасига аралашиши кераклигига чақиришмоқда. Ҳақиқий соф Исломга чақириш ақидапарастлик бўлса, унда хукумат чизиғидан чиқмайдиган, ушбу идора қайси Исломга чақираяпти?

Шу ерда мазкур мақоладан бир иқтибос келтираман:

“Шунингдек, осойишталикни кўролмайдиган ҳасадгўй кимсалар халқимиз орасида норозилик кайфиятини уйғотиш мақсадида, гўёки диёримизда “диний эркинлик йўқ, ибодат қилувчилар таъқиб остида, исломий билим олишга чекланган” деган уйдирмаларни интернет сайтларида тарқатишмоқда. Аслида, бу иддаолари асоссиз, таги пуч гаплардир. Чунки бугун юртимизда икки мингдан зиёд масжид намозхонлар билан тўла. Биргина Тошкентдаги “Ҳазрати Имом” жомесида ҳайит кунлари эллик мингга яқин намозхонлар ибодат қилмоқда. Пойтахтимиз марказида энг замонавий кўринишда “Минор” масжиди қад ростлаяпти. Масжидларимиздаги шароитлар, катта қулайликлар кишини қувонтиради. Бундай жомелар йирик мусулмон мамлакатларида ҳам йўқлигини барча эътироф этмоқда”.

Шу ўринда Ўзбекистондаги осойишталик ниманинг эвазига бундай турибди деган савол туғилади?

Ишлаб чиқариш борган сари камайтирилиб, халқнинг ишчи қатлами атроф давлатларга мардикорликка кетаётган бўлса, жамиятнинг ҳамма соҳасида тазйиқлар ҳаддан ташқари кўплигидан, халқ бирон оғиз гап гапиришга қўрқиб яшаётган бўлса, хукумат иқтидоридаги ОАВ ҳам халқни доимий тинчлантириш ва давлатга қарши чиқишнинг жиноятлиги ваҳималарини ёритиб борса, бунинг устига мамлакат дин пешволари тинимсиз умматни сабрли бўлишга ва давлат тўғрисида ёмон фикрламасликкка тарғиб қилиб келаётган бўлса, бурнигача ботқоққа ботган, қўллари ва нафас олиш учун бурни тубанлик ботқоғидан ташқарида қолган халқ қандай қилиб нотинчлик келтириб чиқариши мумкин? Бундай осойишталик, шундай хорликлар эвазига бўлишига арзийдими?

Ва яна, диний эркинлар йўқ эканлигини асоссиз пуч уйдирма, деган ушбу хоин сарой олими, узоққа бормай, Тошкентнинг ўзида мусулмонларга қилинаётган тазйиқларни кўрмаяптимикан? Бозорларда рўмол ўраган аёлларни рўмолини ечишга тарғиб қилингани, агар рўмолини ечмаса, савдо моллари мусодара қилиниши воқеалари Тошкентда анчагина машҳур бўлдику, кўпроқ ихлосли намозхонлар кирадиган масжидларда жосус вертолётчалар таровеҳ намози вақтида масжид ичини айланганини ҳамма кўрдику, хозирда Тошкентнинг биронта ошхонасида ифторлик учун имкон йўқ қилингани ҳеч кимга сир эмаску, бу билан кўп қаватли уйларда яшовчи мусулмонлар яқинларига ифторлик қилиш хуқуқидан махрум бўлдику. Ва шунга ўхшаш мисолларни кўплаб келтириш мумкин. Наҳотки, бу нарсалар диний эркинликни чеклаш, мусулмонларга тазйиқ бўлмаса?

Бундан ташқари, мамлакатимизда кўплаб масжидлар қурилаётганини айтибди, мазкур хукумат малайи бўлган дин арбоби. Лекин ушбу масжидлар қурилишидан олдин, минглаган махалла масжидларини хукумат ходимлари махаллий имомлари билан биргаликда беркитиб ташлаганини нима билан инкор қиладилар? Ёки Аллоҳ Таъолонинг ушбу 

وَمَنْ أَظْلَمُ مِمَّن مَّنَعَ مَسَاجِدَ اللّهِ أَن يُذْكَرَ فِيهَا اسْمُهُ وَسَعَى فِي خَرَابِهَا أُوْلَـئِكَ مَا كَانَ لَهُمْ أَن يَدْخُلُوهَا إِلاَّ خَآئِفِينَ لهُمْ فِي الدُّنْيَا خِزْيٌ وَلَهُمْ فِي الآخِرَةِ عَذَابٌ عَظِيمٌ

“Аллоҳнинг масжидларида Унинг исми зикр қилинишидан тўсадиган ва уларни бузишга ҳаракат қилгандан ҳам золимроқ одам борми!? Аслида ўшалар у жойларга фақат қўрққан ҳолларидагина киришлари керак эди-ку! Уларга бу дунёда хорлик ва охиратда улуғ азоб бордир”.  (Бақара. 114)

деган оятларига амал қилиш фақатгина Каримов хукумати рухсат берган масжидларга тегишли эканлигига биронта далил борми?

Бундан ташқари, мазкур хукумат олими пойтаҳтдаги масжидларнинг кўзни қувонтириши, яна янги бир масжид қурилаётгани, бошқа давлатларда бу каби масжидлар йўқлиги билан фахрланибди. Қизиқ, масжидлар улар билан фахрланиш учун қуриладими? Масжидлар билан фахрланиш, уларни кимўзарга хашамат қилиб, дабдаба қилиш қиёматнинг аломатларидан эмасмиди?

: ومن أشراط الساعة أن يتباهى الناس في المساجد أن رسول الله صلى الله عليه وسلم

Пайғамбар соллаллоҳу алайҳи ва саллам дедилар: “Одамлар бир – бирларига масжидлари билан мақтанишлари (фахрланишлари) қиёматнинг аломатларидандир”. (Ахмад ва Насаий ривоят қилишган, лафз Насаийники)

Мусулмонларнинг сиёсий жиҳатдан уйғонишини тўхтата олмаётган золим, диктатор Каримов ўзининг мусулмонларга қарши курашида қўлидан келган ҳар қандай жирканчликларга бормоқда ва бу хийлалардан бири ёшларни, уларнинг асосий ахборот олаётган манбаси хисобланган, интернет ва виртуал ижтимоий тармоқлардан қайтариш бўлмоқда. Табиийки, Каримов салбчилик курашининг бу соҳасида ютқазаётганини аниқ тушуниб турибди ва бу ишга дин арбоболарини ҳам сафарбар қилгани унга фойда бермаяпти.

Лекин мусулмонларни бу каби алдовлар билан соф Исломдан қайтариш энди қийин бўлиб қолди. Чунки ички матбуот олами очиқчасига тазйиқлар билан, турли цензуралар билан чекланиб ташланганидан кейин, ёшлар ўзларига керакли маълумотларни ижтимоий тармоқлардан олишга ўтдилар ва ким рост гапираяпти, ким ёлғон гап билан халқни яна тубанлик ботқоғига тортаяпти, буларни фарқини ажратиб қолди.

Бу каби хукумат иқтидоридан бир қадам ҳам чиқа олмайдиган дин пешволарининг сўзлари эса, бирон таъсир кучига эга эмаслигини ўзлари ҳам билишади, улар бундай мақолаларини хукумат иқтидоридан чиқиб қолмаслик учун, ушбу золим Каримовни ғазабига дучор бўлмаслик учун ёзиб бораверадилар.

Ва лекин 

وَيُحِقُّ اللّهُ الْحَقَّ بِكَلِمَاتِهِ وَلَوْ كَرِهَ الْمُجْرِمُونَ

“Ва Аллоҳ Ўз калималари билан, агарчи жиноятчилар ёқтирмаса ҳам, ҳақни рўёбга чиқаради”. (Юнус. 82)

Ҳизб ут-Таҳрирнинг Ўзбекистондаги медиа офиси Зайниддин

23.07.2014й.