بِسْمِ اللهِ الرَّحْمٰنِ الرَّحِيم

Матбуот баёноти

Ўзбекистон ҳукумати кучини ожизаларга кўрсатмоқда!

10 сентябрь куни Ички ишлар вазирлигининг расмий веб-сайтида қуйидагича хабар тарқатилди: “2021 йилнинг 10 сентябрь куни, ҳуқуқни муҳофаза қилувчи идоралар томонидан … 29 нафар «Ҳизб ут-Таҳрир» экстремистик ташкилотининг «Аёллар қаноти» жамоаси аъзоларини жиноий фаолиятига чек қўйишга қаратилган тезкор тадбирлар ўтказилди”.

Бунга жавобан биз шуни маълум қиламизки, бу хабар ёлғон ва туҳматдир. Ушбу аёлларнинг Ҳизб ут-Таҳрирга алоқаси йўқ. Улар  золим ҳукумат зиндонида ўн йиллардан бери ўтирган беайб мусулмонларнинг оналари, турмуш ўртоқлари, қизлари холос. Аслида, бу ожизалар қамоқда ўтирган яқинлари билан узоқ муддатли учрашувга рухсат берилишини талаб қилиб чиқишган. Бу ҳолатни ёритиш учун “Озодлик”, “ББС”, инсон ҳуқуқлари ташкилотларига мурожаат қилишган, бироқ улардан рад жавоби олишган. Чунки бу ахборот воситалари Ғарб манфаатларига хизмат қилади, Ислом ва мусулмонлар масаласида нохолислик ва иккиюзламачилик қилишади.

Ушбу хабарда эътиборни тортадиган жиҳати ИИВ шу пайтгача Ҳизб ут-Таҳрирни террористик ташкилот, деб келаётган эди. Энди эса, Ўзбекистон қонунлари бўйича Ҳизб экстремистик ташкилот сифатида талқин қилинганлиги “эсига тушиб” қолибди шекилли. Бу эса ўзбек ҳукумати сиёсати ва кадрларининг қай аҳволда эканлигини кўрсатиб турибди. Ожиза ва мазлума аёлларга нисбатан қилган иши эса, шариат у ёқда турсин, ҳатто инсонийликка ҳам тўғри келмайдиган ўта қўрқоқ ва пасткаш кимсанинг ишидир. Бўлмаса на аёллигини, на ёш болалар борлигини ҳисобга олмай, бомдод намозидан кейин қайси ақли расо одам оилаларга бостириб киришни ўзига эп кўради. Ҳатто Абу Жаҳл ҳам бундай ишни ўзи учун ор ва шармандалик деб билган! Ҳукумат ожиза ва мазлума аёлларнинг овозини ўчириш учун шундай паст даражага тушибдими, демак, унинг учун манфаатдан бошқа ҳеч қандай муқаддас нарсанинг ўзи йўқ. Юртимиздаги мусулмонлар бундай ҳукумат ва динни ҳаётдан ажратишга асосланган тузумдан воз кечишлари ҳамда Исломни ҳаётга қайтариш борасида бор имконият ва куч-қувватни сарфлашлари лозим. Акс ҳолда аёлларимизни ҳам бу зулм машинасига ўз қўлимиз билан ем қиламиз.

وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ  أَلا إِنَّهُمْ هُمُ الْمُفْسِدُونَ وَلَـكِن لاَّ يَشْعُرُونَ

– “Ва қачон: “Ер юзида бузғунчилик қилманг”, – дейилса, “Биз фақат ислоҳ қилувчилармиз”, – дерлар. Огоҳ бўлингки, улар – ўшалар бузғунчилардир, лекин ўзлари сезмаслар”.     (Бақара:11-12)

Ҳизб ут-Таҳрирнинг Ўзбекистондаги матбуот бўлими

13.09.2021й