Ўзбекистон ҳукумати виждон эркинлигига оид қонунларни ва қарорларни кимларнинг манфаати учун чиқармоқда?!
بسم الله الرحمن الرحيم
Ўзбекистон ҳукумати виждон эркинлигига оид қонунларни ва қарорларни кимларнинг манфаати учун чиқармоқда?!
Хабар: “озодлик” радиоси қуйидаги хабарни тарқатди:
Мирзиёев “Виждон эркинлиги ва диний ташкилотлар тўғрисида”ги янги қонунни имзолади.
Президент Шавкат Мирзиёев 5 июль куни янги таҳрирдаги “Виждон эркинлиги ва диний ташкилотлар тўғрисида”ги қонунни имзолади.
Олий Мажлис Қонунчилик палатаси томонидан шу йил 4 майда, Сенат томонидан эса 26 июнда қабул қилинган ҳужжат матни “Халқ сўзи” газетасида эълон қилинган.
Янги таҳрирдаги қонун Ўзбекистонда фуқароларнинг хоҳлаган динга эътиқод қилиш ёки ҳеч қайси динга эътиқод қилмаслигини таъминлайди, айни пайтда ҳар қандай динга зўравонлик билан киритишни тақиқлайди.
Қайд этилишича, амалдаги қонунчилик ҳужжатларида “ибодат либоси” тушунчасининг ҳуқуқий таърифи мавжуд эмаслиги сабабли жамоат жойларида ибодат либосида юришга тақиқ қонундан чиқариб ташланди …
Изоҳ: Ўзбекистондаги ҳозирги режим ҳам ҳақ даъватни етказаётган мусулмонларга қарши репрессив чораларни қўлламоқда. Шу билан бирга динга нисбатан сиёсатни бир оз ўзгартирди. Чунки Каримов режими Ислом ва мусулмонларга қарши 30 йил репрессив сиёсат олиб борганига қарамай, мусулмонларнинг Исломга бўлган талпинишларини йўқ қилолмади. Шу боис Мирзиёев режими бошқачароқ сиёсат юритиш йўлига ўтди. Буни русча ибора билан айтганда “политика кнута и пряника”, яъни қамчи (зўрлик) ва ёғламачилик сиёсати деса ҳам бўлади. Ёки “гайка”ни бир оз бўшатиш сиёсати деса ҳам бўлади! Бу “пряник”ни биз жамоат жойларида ибодат либосида юришга тақиқ қонундан чиқариб ташланганида, масжидларни ташкил этиш бўйича ташаббускор фуқаролар сони икки баробар камайтирилганида, диний таълим муассасаларини тузиш учун 100 нафар ташаббускор бўлиши ҳақидаги талаб бекор қилинганида ҳамда диний ташкилотни тузиш учун маҳалла фуқаролари йиғини розилигини олиш тартиби бекор қилинганида ва бошқаларда кўришимиз мумкин. Бундай “пряник” билан режим ўзини гўё мусулмонларнинг талабларини инобатга олгандек қилиб кўрсатмоқчи. Қолаверса олдинда президентлик сайловлари ҳам бор! “Қамчи”ни эса диний ташкилотларнинг сиёсий партиялар фаолиятида қатнашиши ва уларни молиявий ёки бошқа турда қўллаши тақиқланганида, хусусий тартибда диний таълим бериш ноқонуний диний фаолият сирасига киритилганида, бошланғич диний таълим, хусусий диний таълим, давлат рухсат берган муассасалардан ташқарида ибодат қилиш, диний материалларни давлат рухсатисиз чоп этишга оид чекловлар сақлаб қолинганида ва бошқа чораларда кузатиш мумкин. Қолаверса ўқув юртларида ҳижобли қизларга тазйиқ ўтказиш ҳам давом этяпти. Яна масалан “озодлик” хабарига кўра, Самарқанддаги масжидга ўтказилган рейд натижасида “махсус рухсатсиз” диний сабоқ учун берилган жазо ўзгаришсиз қолдирилган ва ҳоказо…
Янги таҳрирдаги бу қонун аслида Исломга қарши ҳужумдир. Чунки фуқароларнинг хоҳлаган динга эътиқод қилиши ёки эътиқод қилмаслиги демократиядаги эътиқод эркинлиги тушунчаси бўлиб, бу тушунча Исломга зиддир. Тўғри, Исломда динга мажбурлаб киритиш йўқ. Лекин мусулмон кимсанинг диндан чиқиб муртад бўлиш Исломда оғир жиноят ҳисобланиб, унга қатл жазоси белгиланган. Демократияда эса шахс хоҳласа диндан чиқиб, муртад бўлади, хоҳласа атеист бўлиб, Ислом ва мусулмонларни хақорат қилади, у бунинг учун жиноий жавобгарликка тортилмайди, аксинча уни бундан тийиб қўймоқчи бўлган мусулмон жиноий жавобгарликка тортилади ва ҳатто унга “террорчи” ёки “экстремист” ёки “радикал” деган тамға ёпиштирилиши ҳам мумкин. Бу қонундан кўзланган яна бир мақсад христиан миссионерлари, баҳоийлар, кришнаитлар каби ботил дин вакилларининг кириб келишига йўл очиб беришдир. Масалан Тошкент шаҳрида баҳоийлар жамоати бемалол фаолият юритмоқда. Буни “диний бағрикенглик” деган ниқоб остида амалга оширилади. Лекин Ислом ва мусулмонларга нисбатан бундай “бағрикенглик”ни унутиб қўйишади!
Ҳеч шубҳа йўқки, Ўзбекистондаги режим ҳам мусулмонларнинг бошқа ўлкаларидаги мустабид режимлар каби Ислом ва мусулмонларга қарши сиёсатни мустамлакачи Ғарб ва Америкадаги хўжайинлари кўрсатмалари билан юргизади. Масалан “Халқ сўзи” 2020 йил 21 майда қуйидагиларни ёзган эди: “Олий Мажлис Қонунчилик палатасида дин ва эътиқод эркинлигини таъминлаш, соҳадаги таклиф ва тавсияларни амалга ошириш бўйича 2018 йил 4 майдаги Олий Мажлис Қонунчилик палатаси ва Сенати Кенгашларининг Қўшма қарорлари билан тасдиқланган “Йўл харитаси” ижроси юзасидан парламент эшитуви видеоконференция тарзида ўтказилди.
Парламент эшитувида ……. БМТ Инсон ҳуқуқлари Кенгашининг Дин ва эътиқод эркинлиги масаласи бўйича махсус маърузачиси А. Шаҳид, БМТнинг Инсон ҳуқуқлари бўйича Олий комиссари Бошқармаси, мазкур бошқарманинг Марказий Осиё бўйича ваколатхонаси, ЕХҲТнинг Демократик институтлар ва инсон ҳуқуқлари бўйича Бюроси, АҚШнинг Давлат департаменти, мазкур департаментнинг Халқаро диний эркинликлар бўйича комиссияси, “Глобал иштирок институти” халқаро нодавлат ташкилоти, Бригам Янг университети вакиллари, Ўзбекистонда аккредитациядан ўтган дипломатик ваколатхоналар ҳамда халқаро ташкилотлар вакиллари иштирок этди.”.
Бу мустамлакачилар Ислом қудратини кўриб туришибди. Чунки ана шу ўлкалардаги халқлар шу бугунгача мусулмон бўлиб келмоқда. Шунинг учун улар ўзларининг малайларига мана шундай алдаб, ухлатувчи сиёсатларни юритишни буюришади. Лекин Ислом душманлари қанчалик уринишмасин, қанчалар макр қилишмасин Исломнинг ҳаёт майдонига яна қайтишига ғов бўла олишмайди. Зеро, қудратли Ислом тўлқини уларни улоқтириб ташлайди ва Уммат рошид Халифалик давлати соясида яна ўз азизлигига қайтади.
وَيَوْمَئِذٍ يَفْرَحُ الْمُؤْمِنُونَ بِنَصْرِ اللَّهِ يَنصُرُ مَن يَشَاء وَهُوَ الْعَزِيزُ الرَّحِيمُ
“Ўша кунда мўминлар Аллоҳ ғолиб қилгани сабабли шодланурлар. (Аллоҳ) Ўзи хохлаган кишини ғолиб қилур. У қудрат ва раҳм-шафқат эгасидир”. (Рум: 4-5).
Ҳизб ут—Таҳрир марказий медиа офиси радиосига Ислом Абу Халил ёзди – Ўзбекистон
