Ўзбекистонда Ислом дини давлат ишларига аралашмайди аммо нега давлат дин ишларига аралашади?!
Ўзбекистонда Ислом дини давлат ишларига аралашмайди аммо нега давлат дин ишларига аралашади?!
Хабар: Ўзбекистон Республикаси Президентининг Рамазон ойи муносабати билан қабул қилинган 8 апрелдаги қарорига мувофиқ, мамлакатда муқаддас ой шу йилнинг 13 апрель, сешанба куни бошланиши эълон қилинди.
Қарорда ойга тайёргарлик кўриш ва уни ўтказиш билан боғлиқ кўрсатмалар берилган.
Президент кўрсатмасига мувофиқ, Рамазон ойини карантин қоидаларига риоя қилган ҳолда маҳаллий давлат ҳокимияти ва жамоат ташкилотлари назоратида миллий қадриятларга хос равишда ўтказилиши кўзда тутилган.
Президент қарорида Ўзбекистон Мусулмонлари идораси уламолари томонидан Ислом дини манбалари ва астрономик маълумотларга таянган ҳолда 2021 йилда Рамазон ойининг биринчи куни шу йил 13 апрель – сешанба кунига тўғри келиши инобатга олинган.
Изоҳ: Ислом ва мусулмонларга кек-адоват сақловчи мустамлакачи кофирлар юртларимизни сайкс пико келишуви бўйича майда давлатчаларга бўлиб ташлаган эди. Ҳозирда эса мана шу майда давлатчалардаги мусулмонларни ҳам бўлиб ташлаш учун турли макрларни қилишмоқда. Бу кофирлар ҳатто динимиз аҳкомларига ҳам аралашадиган бўлишди. Шулардан бири ҳар йили Рамазоннинг биринчи кунини бу давлатчаларда турлича белгиланишидир. Мустамлакачи кофирлар бунда малай ҳокимларни ва бу ҳокимларнинг сарой уламоларини ишга солишмоқда. Ваҳоланки, демократик давлатда дин ҳаётдан ажратилган бўлади. Маълумки, демократия насроний Ғарбда майдонга чиқди. Насронийлик динидан инсонларни бошқариш учун зарур бўлган низом келиб чиқмагани учун бу дин одамлар ўртасидаги алоқа-муносабабларни тартибга солишга ярамас эди. Шунинг учун ҳам насроний динга мансуб Ғарб давлатларида секуларизм асосида ҳукм юритилиши табиийдир. Аммо Ўзбекистон халқи мусулмонлар бўлгани учун уларни бошқаришдаги манба фақатгина Ислом бўлишини динимиз шарт қилади.
Ислом дини оламлар Роббиси тарафидан юборилган рисолат бўлиб, у инсоннинг ибодатларини тартибга солибгина қолмай, балки бутун ҳаёт ишларини ҳам ҳал қилиб беради. Сиёсий ишлар бўладими ёки иқтисодий, ижтимоий, ҳарбий ишлар бўладими, ҳеч фарқсиз, барчасини шаръий аҳкомлар билан ақлни қаноатлантирадиган ва қалбга таскин берадиган тарзда ҳал қилиб беради. Чунки Ислом Роббул оламин нозил қилган Китоб ва Суннат асосидаги руҳий ва сиёсий диндир. Шунинг учун у инсонлар ишлаб чиққан қонун-қоидаларга итоат этишга маҳкум эмас!
Рамазон ойинининг биринчи кунини белгилашга келсак, у албатта Росулуллоҳ соллаллоҳу алайҳи васаллам кўрсатиб берганларидек Рамазон ойи ҳилолини шаръий кўриш билан бошланиб, шаввол ойи ҳилолини шаръий кўриш билан тугайди.
Чунки Аллоҳ Таоло Қуръони каримда бундай деган:
فَمَن شَهِدَ مِنكُمُ الشَّهْرَ فَلْيَصُمْهُ
“Бас, сизлардан ҳар ким Рамазон ойини топса, рўза тутсин” (Бақара сураси, 185-оят).
Жорий йилги Рамазон ойи ҳилолини кузатиш
Жорий йилнинг 11-апрел куни Шаъбон ойининг 29-сига тўғри келмоқда. Демак, Рамазон ҳилолини шу куни кун ботиш пайтида кузатилади. Ҳилолни шаръий кўриш билан кўрилганлиги тасдиқланса, 12-апрел муборак Рамазон ойининг биринчи куни бўлади. Аммо агар ҳилолни бирон киши кўрмаган бўлса ёки ҳилолни шаръий кўрилгани ўз тасдиғини топмаса, Шаъбон ойи тўлиқ охирига етказилиб, ўттиз кун қилинади ва эртаси, 13-апрел Рамазон ойининг биринчи куни бўлади.
Бухорий ўзининг саҳиҳида Абу Ҳурайра розияллоҳу анҳудан Набий соллаллоҳу алайҳи васалламнинг бундай деганларини ривоят қилади:
«صُومُوا لِرُؤْيَتِهِ وَأَفْطِرُوا لِرُؤْيَتِهِ فَإِنْ غُبِّيَ عَلَيْكُمْ فَأَكْمِلُوا عِدَّةَ شَعْبَانَ ثَلاَثِينَ»
“Ойни кўриб рўзани бошланглар, ойни кўриб рўзани тугатинглар. Агар ҳаво булутли бўлса, шаъбон ойининг саноғини тўла ўттиз кун қилинглар”.
Хулоса шуки, инсон тарафидан ўйлаб топилган қонун, қоидалар ва сохта тузумлар, жумладан карантин, мусулмонларнинг бу муборак ойни муносиб ўтказишларига монеъ бўлмаслиги керак.
Мустамлакачи кофирларнинг бу зўравонлигидан қутулишнинг ягона йўли Пайғамбарлик минҳожидаги рошид Халифаликни тиклашдир. Зеро, рошид Халифалик бу кофирларнинг зўравонлигига чек қўйиб, юртларимизни Тавҳид байроғи остида бирлаштиради. Ўшанда мусулмонлар бир кунда рўза тутиб, бир кунда рўзадан чиқадиган бўладилар. Бу эса Аллоҳга асло қийин эмас.
Ҳизб ут-Таҳрир марказий медиа офиси радиоси учун
Ислом Абу Халил Ҳизб ут-Таҳрир Ўзбекистон медиа офиси раиси
10.04.2021
