Ўзбекистонда концлагерларида нима гап?
بِسْمِ اللهِ الرَّحْمنِ الرَّحِيمِ
Ўзбекистонда концлагерларида нима гап?
Афсуслар бўлсинки, хозирги кунда Ўзбекистон халқи хор холатда бўла туриб, халқнинг маълум қисми шу хорликни хис қила олмайдиган холатга тушиб қолган. Уларнинг оғиз кўпиртириб “Биз хор эмасмиз” дейишлиги, уларни хорликдан олиб чиқиб қўймайди, аксинча уларнинг атрофдаги воқеликни хис қила олмайдиган даражада тубан эканликларини англатади. Бу эса халқни янада хорлик томон олиб борадиган омил хисобланади.
Ўз динимизни сотишимиз натижасида худбин бўлиб бордик, ха, яна такрорлайман, динимизни сотишимиз натижасида. Ва ўзимиздан бошқани ўйламай қўйдик, аслида навбат ўзимизга ҳам келиши мумкинлигини ўйламадик, шунинг оқибатида бутун Ўзбекистон, хор уммат маконига айланди.
Кўриб турдик, кузатиб бордик, ўз фарзандларимизни, ака укаларимизни ёлғондан бизларга “Булар душман” деди, биз сўраб ҳам ўтирмай ишондик. Худди сахобаларга қилинганидек “Ота боболарининг урфларидан юз ўгиришмоқда”, “Ўзларича янгилик қилишмоқчи”, “Фарзандларингизни хато йўлларга даъват қилишади”, “Адашганлар”, “Улар гипносчилар” каби тухматлар, яна такрорланди. Лекин сиз Исломий тарихингизни унутган эдингиз. Улар ўзингизнинг фарзандларингиз эди, бегона халқники эмас, улар кўтариб юрган фикрлар ўзингизнинг Исломий фикрлар эди, бегона бўлган ғарб фикрлари эмас, улар бизни юксакларни забт этишимизни хохлашди, асло бировга қул бўлишни эмас.
Хозир ҳам кеч эмас, бу зулмларни бошимиздан кетказиш учун, Исломда бирлашайлик ва ўз биродарларимизни куфрнинг малайлари қўлига топшириб қўймайлик.
Францияда жойлашган АСАТ-France (Ўлим жазоси ва қийноқларга қарши насронийлар уюшмаси) инсон ҳақлари ташкилоти уч йил аввал Қозоғистондан Ўзбекистонга топширилган 29 нафар диндорнинг ҳануз қийноққа солинаётганини айтган.
Бандан ташқари золимнинг зиндонларидаги махбусларнинг яқинлари кўргани келса рухсат олиш учун ёзилган аризани компютерларга жойлаб қаергадир юборишиб, сўнгра кўргани кириш ёки кирмаслигига рухсат берилмоқда. Агар икки киши бир вилоятидан кўргани бориб қолса ораларига бошқа вилоятдан борганлардан қўшиб, кириш муддатини камида бир хафтача чўзиб юборишмоқда. Булардан ҳам ёмони махбусларнинг аёл яқинлари борганида ўраган рўмолини ечишини талаб қилишиб агар рўмолларини ечмаса учрашувга киритишмаябди. Бундай холатларга гувох бўлганларимиз Жиноятни ижро этиш муассасаларини мисол келтирамиз
Хамза тумани Оханграбо 1. 64/18. 2-туб зона. Тошкент.
25-сонли ЖИЭМ Қоровулбозор тумани Бухоро.
64/61сонли ЖИЭМ Шайхали қўрғони, Қашқадарё вилояти, Қарши шахри.
Албатта бу ерлардан бошқа жойларда бундай зулмлар йўқ деб айтмоқчи эмасмиз, золимнинг барча ЖИЭМ ларида диний махбуслар учун шиддатли азоблар берилмоқда ва айнан диний махбусларни инсонийликдан йироқ бўлган усуллар билан хорлашлар одатий тусга кирган. Исломни махкам ушлаган биродарлар хатто ўлим билан тахдид қилинганда ҳам ўз Аллоҳнинг йўлида собит туришмоқда ва Аллоҳнинг мукофотларидан бўлмиш шаҳидлик унвонига муяссар бўлишмоқда.
Ўзингиз ўйлаб кўринг эй уммат вакиллари, дини учун туриб бера оладиган биродарларингизни, фарзандларингизни, ака – укаларингизни, опа –сингилларингизни, золимлар йўқ қилиш мақсадида, жисмонан қийнаб, хор кунларни бошларига солмоқдалар. Ислом учун жонини бераётган мусулмонларни, у золимларга қўшилиб, сиз ҳам жиноятчига чиқарябсиз. Етар шунча залолатга қараб юрганингиз, ўз Исломингизга қайтинг, золимлардан қўрқиб, хоинларга бошингизни эгиб, малайларнинг оёғига йиқилиб, хор бўлиш жонингизга тегмадими. Бу дунёдаги хорлигингизга чидарсиз, Исломингиздан юз ўгирганингиз учун Охиратдаги азобга қандай чидайсиз. Золим хокимлар ва унга хизмат қиладиган уламолар сизни Аллоҳнинг азобидан қутқара олишмас.
Ҳизб ут-Таҳрирнинг Ўзбекистондаги медиа офиси Абдуллох
02.07.2014й.
