Ўзингиз, фарзандларингиз ва яқинларингизни турли бузғунчи ғоялар таъсиридан асранг!
Ўзингиз, фарзандларингиз ва яқинларингизни турли бузғунчи ғоялар таъсиридан асранг!
بسم الله الرحمن الرحيم
Дин ишлари бўйича қўмита ахборот хизмати жорий йилнинг 20 январ куни “Фарзандларингизни турли бузғунчи ғоялар таъсиридан асранг” номли сарлавҳа остида юртимиздаги мусулмон халққа видеомурожаат йўллади. Биз ҳам шунга жавоб тариқасида мусулмон халқимизга мурожаат қиламиз:
Эй азизликка лойиқ бўлган мусулмон халқимиз! Буни қарангки, Исломнинг энг олий ғояси бўлган Аллоҳ рози бўладиган ишга даъват қилиш ёт ва ҳатто бузғунчи ғоя эмиш! Қачондан бери Ислом билан яшашга чақириш Исломга ёт ғоя бўлиб қолди?! Қачондан бери мана шу Исломий ҳаёт тарзини тўла кафолатлайдиган Халифалик давлатини тиклашдек вожиблиги аниқ бўлган ишга чақириш бузғунчи ғоя бўлиб қолди?! Тўғри, бундай ғоя ғайримусулмонлар учунгина ёт ғоя ҳисобланади, бироқ мусулмонлар учун бу айни Ислом қатъий талаб қилган ҳамда бу ишда керак бўлса жон ва мол билан ҳаракат қилиш фарз бўлган ишдир! Биз бу масалани шаръий далиллари билан батафсил келтириб берганимиз учун бунга киришиб ўтирмаймиз. Фақат анави диний қўмитанинг навбатдаги туҳмат ва бўҳтонга тўла мурожаатига енгилгина жавоб бериб қўймоқчимиз холос. Гарчи бундай мурожаатлар сийқаси чиққан ва ҳеч қандай шаръий асосга эга бўлмаса ҳам.
Гап бузғунчи ва ёт ғоя ҳақида экан, мусулмонлар учун ҳақиқатдан ҳам ёт ва бузғунчи ғоя қандай бўлишини қисқача баён қилсак. Содда қилиб айтганда, Исломнинг асос-пойдевори бўлган “Ла илаҳа иллаллоҳ”га зид бўлган ҳар қандай ғоя мусулмонлар учун ёт ва бузғунчи ғоялар ҳисобланади. Масалан, капиталистик демократия, социализм, миллатчилик, ватанпарварлик ва ҳоказолар. Мазкур санаб ўтилганлар ва бошқа ғояларнинг барчаси Исломга тамоман зид келади ҳамда уларга эргашиш ва тарғиб қилиш мусулмонларга асло жоиз эмас, уларни тўғри деб тасдиқлаш эса диндан чиқишга олиб келади. Бундан Аллоҳ сақласин!
Бироқ ўзбек ҳукумати ҳам, унинг сиёсатига содиқлик билан хизмат қилаётган диний идора ва қўмита ҳам, халқимиз улар белгилаб берган ва уларга маъқул келадиган “ислом”га амал қилишини хоҳлашяпти. Уларга маъқул келмайдиган сиёсий Исломни эса ёт ва бузғунчи ғоя ҳамда “терроризм” ва “экстремизм” дея халқни қўрқитиб, таҳдид қилиб, керак бўлса шафқатсизларча жазолашяпти. Лекин уларнинг бу уринишлари уларга ҳеч қандай фойда келтиргани йўқ ва келтирмайди ҳам. Чунки халқимиз ким дўсту ким душман, ким каззобу ким ростгўй эканлигини, алҳамдулиллаҳ ажрата бошлади. Айниқса, Ғазодаги мусулмон биродарларимизнинг лаънати яҳуд вужудига қарши мисли йўқ қаҳрамонлик билан курашаётгани нафақат уйқудаги мусулмонларга, балки ғийриисломий халқларга ҳам Ислом мафкурасининг куч-қудратини намойиш қилиб қўйди. Бундай қудратли мафкура қаршисида Америка бошлиқ кофир мустамлакачи давлатларнинг яҳуд вужудига энг замонавий қуроллару миллиардлаган долларлар билан кўрсатаётган ёрдамлари писта-пўчоққа айланиб қолмоқда…
Энди ўзбек ҳукумати ва унинг қўл остидаги сарой муллалари ва идоралари – ҳаммаси бир бўлиб ушбу очиқ-ойдин кўриниб турган ҳақиқатга зид бўлган бўҳтон ва туҳматлар билан кимни алдамоқчи ё қўрқитмоқчи бўляпти?! Аслида, мана шу ҳукумат татбиқ қилаётган демократия ҳам, сийқаси чиқиб кетган ватанпарварлик ҳам ва сўнгги йилларда тарғиботи кучайиб бораётган жадидчилик ғоялари ҳам – буларнинг барчаси ёт ғоялардир! Мана шу ғоялар мусулмонларни Исломдан йироқлаштириб, қолоқ ва хор аҳволга олиб келмадими ахир?! Балки ўзбек ҳукумати ва сарой муллалари учун Ислом мафкураси ва ғоялари ётдир, бироқ бу асло мусулмон халқимизга тегишли гап эмас. Аксинча, халқимизнинг, айниқса ёшларнинг Исломга интилиши кучайиб боряпти ва улар бундан бошқасига ҳеч қачон қалби ва ақлидан жой бермайдилар. Зеро, Ислом ҳозир ўз давлатига эга бўлмаган ғариб аҳволида ҳам миллиардлаб одамларнинг ақли ва қалбидан мустаҳкам ўрин олган.
Шуларга кўра мусулмон халқимизга айтамизки, ўзбек ҳукумати ва баъзи сарой муллаларининг гоҳ демократия, гоҳ ватанпарварлик, гоҳ жадидчиликни мафкура ва ғоя сифатида сизга тиқиштиришидан эҳтиёт бўлинг! Ўзингиз, фарзандларингиз, яқинларингиз ва умуман жамиятимизда бундай Исломга ёт бўлган ғоялар билан заҳарланиб юрган биродарларингизни жоҳилият ботқоғидан қутқаринг! Чунки бундай бузғунчи ғоялар ўтини инсон бўладиган жаҳаннам оловига етаклайди ва Аллоҳнинг ғазабига дучор бўлишга олиб боради! Ўзбекистон ҳукумати ва сарой уламоларига айтадиган гапимиз шуки, сизлар Аллоҳ таоло буюк неъмат қилиб берган Исломдан ўз нафсингизга мос келганини олиб, ундан ташқарисини ёт ва бузғунчи ғоя дейишни оқибати ҳақида жиддий мулоҳаза қилишни маслаҳат берамиз! Аллоҳга нисбатан бундай уйдирма ва туҳмат тўқишдек оғир жиноятингиз охир-оқибат сизга жуда қимматга тушиши борасида огоҳлантирамиз! Анави Америка ва Россияларни рози қилиш учун динни арзонгаровга сотиб юбориш сизларга шармандалик ва хорликдан бошқа нарса келтирмайди! Аллоҳнинг олдида ҳисоб учун тик турган пайтингизда мана шу қилмишларингизга жавоб беришингизни ўйланг! Аллоҳнинг гувоҳлигида биз етказдик…
أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ ۚ فَمَا جَزَاءُ مَن يَفْعَلُ ذَٰلِكَ مِنكُمْ إِلَّا خِزْيٌ فِي الْحَيَاةِ الدُّنْيَا ۖ وَيَوْمَ الْقِيَامَةِ يُرَدُّونَ إِلَىٰ أَشَدِّ الْعَذَابِ ۗ وَمَا اللَّهُ بِغَافِلٍ عَمَّا تَعْمَلُونَ
– “Ё Китобнинг бир қисмига ишониб, бир қисмини инкор қиласизми? Ораларингдан ким бу ишни қилса, унинг жазоси бу дунёда расво бўлиш, Қиёмат Кунида эса қаттиқ азобга дучор қилинадилар. Аллоҳ қилаётган ишларингдан ғофил эмасдир”. (Бақара:85)
Ҳизб ут-Таҳрир Ўзбекистон матбуот бўлими аъзоси Форуқ
23.01.2024й
