بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Америка Ироқда ИШИД ташкилотига қарши кураш дастаги остида аскарларини сафарбар қилмоқда

Вашингтон Бағдодга қўшимча 400 аскар юборади

Ўтган шанба куни АҚШ мудофаа вазирлиги (Пентагон) ҳарбий масъуллари Вашингтон жорий йил мобайнида Ироққа қўшимча 400 аскар юборишга қарор қилганини маълум қилди. АҚШ армияси иккинчи дивизия қўмондони айни янги кучнинг номи «зарба беришга тайёр куч», дея аталганини таъкидлади.

Америкадаги ахборот воситаларида ҳарбий масъулларнинг «400 нафар аскар Кентукки штатидаги Кэмпбелл базасини тарк этиб, АҚШнинг Ироқда жойлашган ҳаво кучларининг иккинчи двизиясига тобе 1300 аскарни ташкил қилган кучларга қўшилади», деган сўзлари тарқатилди. Масъулларга кўра, «америкалик кучларнинг Ироққа юборилиши Вашингтон етовидаги халқаро коалиция олиб бораётган «Исломий Давлат» ташкилотга қарши кураш кампанияси доирасида амалга оширилмоқда».

Америкалик ҳарбийларнинг таъкидлашича, 400 нафарни ташкил қилувчи айни аскарлар маҳоратларга ва турли ихтисосларга эга. Уларнинг изоҳлашича, бу сон яқинда АҚШ президенти Барак Обама Ироққа қўшин юборишга розилик берган 560 нафар аскар зимнига киради.

Ўтган июл ойида АҚШ мудофаа вазири Эштон Картер ўзининг Ироқ сафари чоғида Обама Ироққа қўшимча 560 нафар аскар юборишга қарор қилганини, бу қўшимча кучлар Мосул (Ироқ шимоли) водийси жанубидаги ҳарбий қўмондонлик базасига жойлаштирилишини таъкидлади. (Арабиюл Жадид).

Роя газетасининг 2016 йил 10 август чоршанба кунги 90-сонидан