Яқинда устиларингизда шундай бошлиқлар бўлади…
بسم الله الرحمن الرحيم
Яқинда устиларингизда шундай бошлиқлар бўлади…
يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ ۖ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ ۚ ذَٰلِكَ خَيْرٌ وَأَحْسَنُ تَأْوِيلًا
“Эй иймон келтирганлар, Аллоҳга итоат қилингиз, ва пайғамбарга ҳамда ўзларингиздан (яъни мусулмон ва Ислом аҳкомларини қоим қилаётган) бўлган ҳокимларга бўйинсунингиз! Агар бирон нарса устида муаммога дуч келсангиз, — агар ҳақиқатан Аллоҳга ва охират кунига ишонсангиз — у нарсани Аллоҳга ва пайғамбарига қайтарингиз! Мана шу яхшироқ ва (оқибати)чиройлироқ ечимдир”. (Нисо. 59)
عَنْ أُمِّ سَلَمَةَ -رضي الله عنها- أَنَّ رَسُولَ اللهِ صلى الله عليه وسلم قَالَ: "سَتَكُونُ أُمَرَاءُ فَتَعْرِفُونَ وَتُنْكِرُونَ، فَمَنْ عَرَفَ بَرِئَ، وَمَنْ أَنْكَرَ سَلِمَ، وَلَكِنْ مَنْ رَضِيَ وَتَابَعَ" قَالُوا: أَفَلا نُقَاتِلُهُمْ؟ قَالَ: "لا، مَا صَلَّوْا " .
Умму Салама розияллоҳу анҳодан: Росулуллоҳ соллаллоҳу алайҳи ва саллам дедилар: “Келажакда бошлиқлар бўлади, сизлар (уларнинг маъруф ва мункар амалларини жуда яхши) биласизлар ва (мункарларини) инкор этасизлар. Бас, ким (уларнинг мункар амалларини) билиб, (ёмон кўрса) (жаҳаннамдан)омонда бўлади, ким (уларнинг мункар амалларини) инкор қилса саломат қолади, лекин кимда ким (мункарга) рози бўлиб, эргашса борми!…”. Сўрашди: “Ё Росулаллоҳ, уларга қарши урушамизми?” Жавоб бердилар: “Модомики намозни (Ислом ахкомларини) қоим қилиб турган эканлар урушмайсизлар”. Муслим ривояти.
Бугунги кунимизга эътибор берадиган бўлсак, мусулмонлар юртларидаги бошлиқларнинг деярли ҳаммаси, дунёни ўзининг адолатсиз куфрий-капиталистик низомга асосланган тузуми билан бошқараётган, инсониятни тубанлик, ахлоқсизлик, фақатгина моддий манфаатлар ва нафс лаззатлари учун яшашни олий ғоя қилиб олувчи жамиятлар кўринишига олиб келаётган кофир ғарб давлатларига малай бўлган ҳолларида, ғарб манфаатлари учун мусулмонлар устида ҳар қандай жиноятларни террорга қарши кураш деган ниқоб билан, бемалол очиқчасига қилиб келишмоқда. Ва айни дамда ушбу бошлиқларнинг кўплари ўзларини мусулмонман, деб Исломни эътироф ҳам қилишяпти. Мусулмонлар эса, иймон келтирган ақидалари жамиятни ҳақиқий адолат билан бошқарувчи, олий илоҳий ақида эканини тушуниб етмаётганлари, ёки устиларидаги доимий зулм тазйиқлар туфайли буни тушунишдан қўрқаётганлари сабабли, бошлиқларнинг “Мен мусулмонман, масжидларни очиб беряпман, намоз ўқиганни тегмаяпман” қабилидаги маккор хийлаларга алданиб қолмоқдалар.
Куфрий капиталистик низомни дунёга татбиқ қилаётган Ғарб давлатлари, хусусан Америка, ўзларининг хозирги мавқеларини, дунёга эгалик қилиб, бошқариб тура олиш салоҳиятларини ушлаб қолиш мақсадида, мусулмонлар юртларидаги табиий бойликларга эгалик қилиш учун мусулмонлар юртларида фақатгина ушбу куфрий низом эгалари чизиб берган чизиқдан ташқарига чиқмайдиган, куфр манфаатлари йўлида ўз халқига, мусулмон умматига хиёнат қиладиган малай бошлиқларни ўрнаштирмоқдалар.
Аллоҳга иймон келтирганман, деб ўзини мусулмонликка нисбатини бераётган ҳар бир мусулмон шуни эсда сақлаши лозимки, Аллоҳ Таъоло мусулмонларга “устингиздаги бошлиқларингизга итоат этинглар”, деган маънодаги оятида “ўзингиздан бўлган, яъни ўзингизни ақидангизни ҳаётингизга татбиқ қилётган бошлиқларга итоат қилинг” деган қайд билан қайдлаган ва Пайғамбар соллаллоҳу алайҳи ва саллам ҳам юқоридаги ҳадисда, модомики Ислом аҳкомларини қоим қилиб турган бўлсалар, деган қайд билан, бошлиқларга қарши курашилмаслиги учун, улар Уммат устига Ислом аҳкомларини татбиқ қилишлари кераклигини айтмоқдалар.
Бундан ташқари, мусулмонлар устига Аллоҳ нозил қилган нарсадан, Ислом бошқарувидан бошқа нарсаларни татбиқ қилганлар фосиқлар, золимлар ва кофирлар бўлиши тўғрисида ҳам оятлар бор бўлиб, бу тўғрида кўп марта айтиб ўтганимиз ҳолида бир оят билан кифояланмоқчимиз.
وَأَنِ احْكُمْ بَيْنَهُمْ بِمَا أَنْزَلَ اللَّهُ وَلَا تَتَّبِعْ أَهْوَاءَهُمْ وَاحْذَرْهُمْ أَنْ يَفْتِنُوكَ عَنْ بَعْضِ مَا أَنْزَلَ اللَّهُ إِلَيْكَ ۖ فَإِنْ تَوَلَّوْا فَاعْلَمْ أَنَّمَا يُرِيدُ اللَّهُ أَنْ يُصِيبَهُمْ بِبَعْضِ ذُنُوبِهِمْ ۗ وَإِنَّ كَثِيرًا مِنَ النَّاسِ لَفَاسِقُونَ * أَفَحُكْمَ الْجَاهِلِيَّةِ يَبْغُونَ ۚ وَمَنْ أَحْسَنُ مِنَ اللَّهِ حُكْمًا لِقَوْمٍ يُوقِنُونَ
(Эй Муҳаммад), улар ўртасида Аллоҳ нозил қилган нарса билан ҳукм қилинг, уларнинг (кофирларнинг) ҳавойи нафсларига эргашманг ва Аллоҳ Сизга нозил қилган ҳукмларнинг айримларидан Сизни буриб фитнага солиб қўйишларидан эҳтиёт бўлинг! Агар (Сизнинг ҳукмингиздан) юз ўгирсалар, билингки, Аллоҳ уларга айрим гуноҳлари сабабли мусибат етказишни истамоқда. Шубҳасиз, одамлардан кўплари итоатсиздирлар. Динсизлик ҳукмрон бўлишини истайдиларми?! Иймонлари комил бўлган қавм учун Аллоҳдан ҳам гўзалроқ ҳукм қилгувчи ким бор?! (Моида. 49 — 50)
Эътибор берадиган бўлсак, куфрий капиталистик низом малайлари бўлган бошлиқларимиз, бизларни маъруфга, Аллоҳнинг динига буюришнинг ўрнига, аксинча, доимий тарзда Исломнинг соф ҳақиқий мабда кўринишига даъват қилган, Исломни фақатгина масжид ёки маросимлар дини эмас, жамиятлардаги пайдо бўлаётган ва бўлиши мумкин бўлган ҳар қандай муаммоларга ҳақиқий адолат билан ечим берувчи, бошқарувчи дини эканини айтаётган холис мусулмонларни тазйиқлар қилиб, қамоқларга ташлаб, ҳатто ўлдиришларгача боришяпти. Бизнинг Ўзбекистонимизда эса, юқоридагидан кўра анча ачинарли ҳолат кузатилмоқда. Бу юртда Исломни жамият бошқарув дини эканига чақирганларнинг ўзигина эмас, Исломнинг ҳар қандай кўринишига қарши Каримов режими томонидан мана 20 йилдан ортиқ вақт мобайнида тинимсиз кураш давом этиб келмоқда.
Ушбу режим кейинги пайтларга келиб шу даражага бордики, ҳатто кўчаларда аёллар ўз динига амал қилиб бошларига ўраб юрган рўмолларини очиқчасига ечтириб ташлашлар, намоз ўқиганларни очиқчасига террорчи ёки экстремист деган тухматлар билан қамашлар одатий ҳолатга айланиб қолди. Золим режим хозиргача Исломга қарши кучли салбчилик курашларини тўхтатмай келаётганидан, унинг мақсади гўёки Ўзбекистон халқидан Ислом туйғусини бутунлай юлиб олмоқчидек кўрсатмоқда ўзини, гўёки Ўзбекистонда халқ, мусулмонлар “Ислом дини” деган сўздан ёки нафаратланадиган, ёки қаттиқ кўрқув билан хавфсирайдиган ҳолатни пайдо қилишга бор кучи билан ҳаракат қилиб келмоқда.
Лекин ўзларини ҳамон мусулмон деб, динидан қайтмай келаётган Ўзбекистоннинг аксар халқи модомики, ўзларини Аллоҳга иймон келтирганман деб ҳисоблар эканлар, улар иймон келтирган Аллоҳ Таъоло юқоридаги оят ва ҳадислари билан, мусулмонларни, хусусан Ўзбекистон халқини ҳам, устиларидаги бундай золим режимларга бўйсунмасликни, бундай золим бошқарувни ҳаётларидан улоқтириб ташлаб, иймон келтирган Роббиси нозил қилган бошқарув тузумини жорий қилишга ҳаракат қилишлари лозимлигини айтмоқда.
Бугун Ўзбекистон мусулмонлари ўзларини Аллоҳга иймон келтирганман деб ҳисоблаган ҳолларида, Пайғамбари соллаллоҳу алайҳи ва саллам юқорида айтганларидек, устиларидаги золим хукуматнинг мункар ишларига нима деб жавоб бермоқдалар? Ёки мункар ишларига эргашмоқдаларми?!
Бугун Ўзбекистон мусулмонлари золим режимнинг мункарларига рози бўлиб, Аллоҳнинг қаҳру ғазабига ва абадий туганмас жаҳаннамга ўзларини лойиқ қилишдан огоҳ бўлсинлар!
وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ
“Аллоҳ ва Унинг пайғамбари бир ишни ҳукм қилган — буюрган вақтида бирон мўмин ва мўмина учун (Аллоҳнинг ҳукмини қўйиб) ўзларича хукм қилишлари жоиз эмасдир. Ким Аллоҳ ва Унинг пайғамбарига осий бўлса, бас у очиқ йўлдан озиш билан йўлдан озибди”. (Аҳзоб. 36)
Ҳизб ут-Таҳрирнинг Ўзбекистондаги медиа офиси Муслим
08.01.2016й.
