بِسْمِ اللهِ الرَّحْمٰنِ الرَّحِيمِ

Матбуот баёноти

Яманнинг ҳар икки томонидаги молиявий сиёсат ва иқтисодий муолажалар нотўғридир

Ҳусийлар 2019 йил 19 декабр пайшанба кунидан бошлаб 24 декабр шанба кунига қадар Адандаги Ҳодий режимининг пул сиёсатига қарши шиддатли ҳужум қилишди. Улар марказий банк яқинда босиб чиқарган ва Ҳусийлар назоратидаги минтақаларга сиздирилган маҳаллий валюта ҳисобланган риёлнинг мингталик, беш юзталик, икки юзталик ва юзталик янги банкнотларини муомаладан чиқаришларини эълон қилишди. Шунингдек, одамларнинг мазкур банкнотларнинг ҳаммасини ўзлари томонидан тайинланган вакилларга топширишларини талаб қилиб фармойиш чиқаришди. Кейин, бир қатор ҳукумат тадбирларини амалга ошириб, бир вақтнинг ўзида оммавий ахборот воситаларида тушунтириш ишларини олиб боришди.

Ҳусийлар ўзлари назорат қилаётган минтақаларда қандай молиявий сиёсат олиб бориб, иқтисодий муолажаларни қўллашмоқда? Улар марказий банк Аданга кўчирилганидан кейин Санъодаги банк биносида бўлган банкнотларни тортиб олишди ва эскирган қимматбаҳо қоғозларни янгисига алмаштирмасдан одамларни эскилари билан муомала қилишга мажбурлашди. Шунингдек, ўзлари назорат қилаётган минтақалардаги давлат сектори хизматчилари маошларини йиллар давомида ушлаб туришди. Одамларнинг банкларга қўйилган пулларини ҳам ушлаб қолиб, пулларини қайтариб олишларини тақиқлашди ва тирикчилик ишларида уларни хорлашди. Халқаро ёрдамларни ҳам эгаллаб олишди ва уларга ёрдам беришга шошаётган ташкилотларга юртни очиб беришди. Бу ташкилотлар жанг майдонларини пул билан таъминлаш орқали ерга фасод уруғини сепишмоқда. Бугунги кунда Ҳусийлар электрон риёллар билан муомала қилишга замин яратиб, Халқаро Банк ва Халқаро Валюта Фонди билан муомала қилишга тайёрланишмоқда.

Ҳар икки томоннинг олиб бораётган молиявий сиёсати ва қўллаётган иқтисодий муолажалари нотўғридир. Чунки бу сиёсат иқтисодий муаммолар ечимини белгилашда капиталистик иқтисодий низомнинг изидан боради. Шунингдек, бу сиёсат одамлар оч қоладими ёки тўқчиликда яшайдими… азиз бўладими ёки хор бўладими бундан қатъий назар Халқаро Банк ва Халқаро Валюта Фондидан фоизли қарзларни олиб одамларнинг пулларини зое қилишга асосланади.

Ҳодий ҳам, Ҳусийлар ҳам Яман иқтисодини ривожлантириш учун ўзлари қабул қилган программаларда Халқаро Банк ва Халқаро Валюта Фонди билан ҳамкорликда ишлаш учун шу икки муассасага хушомад қилишади. Модомики, улар ўзларининг умумий сиёсатида, хоссатан иқтисодда Аллоҳ нозил қилган аҳкомлар билан ҳукм юритишмас экан, уларда бирор яхшилик бўлмайди. Бас, шундай экан, ўз қийматида олтин ва кумушга таянган ва мажбурий бўлмаган қоғоз пуллар билан муомала қилишга қайтинглар. Капиталистик иқтисоддан узоқлашиб, ундан алоқани узинглар. Пайғамбарлик минҳожи асосидаги иккинчи рошид Халифалик низоми иқтисодда, сиёсатда ва ижтимоий ишларда асосингиз бўлсин.