بِسْمِ اللهِ الرَّحْمنِ الرَّحِيمِ

Ёлғиз Исломгина аёлларнинг капиталистик низомлар томонидан эксплуатация қилинишига чек қўя олади

Бугунги кунда Исломга қарши ҳужумдан энг кўп машаққат чекаётган муслима аёл экани ҳаммага аён! Капиталистик Ғарб Ислом аҳкомлари, хусусан аёлга алоқадор ҳукмларга ҳужум қилиш ва уларни хунук қилиб кўрсатишга уринишда бор имкониятини ишга соляпти. Масалан, «Зўравонлик остидаги муслима аёлни озод қилиш» номи остида аёлнинг шаръий либосига ҳужум қиляпти. Ғарб аёлнинг жамоатчилик жойларида ярим яланғоч юришини аёл эркинлиги деб билади. Шунинг учун биз Ғарб давлатларида аёл эркинлиги ва инсон ҳуқуқларига бўлган чақириқнинг асл моҳиятини – аёлни эксплуатация қилишга бўлган чақириқни кўриб турибмиз. Шубҳасиз, бу чақириқ аёлни лаззатланиш объектига айлантиришни мақсад қилади.

Биз, капиталистик элита учун маҳсулот ишлаб чиқариш мақсадида меҳнат бозорида опа-сингилларимиз қандай эксплуатация қилинаётганини кўрган пайтимизда бу шиорларнинг халқаро майдонда қанчалик аҳамиятсиз эканига гувоҳ бўламиз. Бу ҳол опа-сингилларимизни оиласи ва бола-чақаларини эътиборсиз қолдиришга мажбур қиляпти. Жакартада (Индонезия) заводлардаги ишчиларнинг 90 %дан кўпини аёллар ташкил қилади. Уларнинг 90 %и болаларини эмизиш ҳуқуқидан маҳрум. Бу ҳол болаларнинг яхши озуқа олмаслигига сабаб бўлмоқда. Бангладешда тикув фабрикаларидаги ишчиларнинг 80 %ни аёллар ташкил килади. Уларнинг йиллик ишлаб чиқарган маҳсулоти 19 миллиард долларга тенг. Бу аёллар турмуш эҳтиёжларини таъминлаш учун жуда оғир шароитда меҳнат қилади. Бу аянчли аҳволни «Рана Плаза» ҳодисаси фош қилди. Унда хавфсизлик чоралари кўрилмагани учун тикув фабрикаси қулаб мингдан ортиқ одам қурбон бўлди. Капитализм «хушхабар» берган «Меҳнат орқали имкониятларни қўлга киритиш» шуми? Капитализм иқтисодий қашшоқликдан халос қилмайди, балки ҳаёдан халос қилади.

Тоқат қилиб бўлмайдиган бу вазият Умматни арзимас баҳога сотган мусулмон ҳокимларнинг тўлиқ иштироки ва ташаббуси билан давом этяпти. Бу ҳокимлар ғарблик хўжайинларининг ноғорасига ўйнашяпти. Бу низом ортида капиталистик элита турган бўлса ҳам, лекин бу аянчли аҳволнинг – ака-укаларимиз ва опа-сингилларимизнинг ажнабий ширкатлар томонидан арзимаган пул эвазига қул қилиб эксплуатация қилинишининг давом этишига мусулмонлар ҳокимлари имконият яратишяпти. Дарҳақиқат, эркин бозор иқтисоди ва капиталистик низом мусулмонлар аёлларидан ҳозирги давр қул бозорини пайдо қилди. Унда опа-сингилларимиз йўқдан кўра сал кўпроқ нарсага эришиш учун оғир шароитларда меҳнат қилишга мажбурланмоқда.

Бундай аянчли аҳволнинг бирдан-бир ечими Халифалик давлати соясида исломий иқтисодий низомни татбиқ этиш орқали капиталистик иқтисодий муассасалар ва ширкатлар билан иқтисодий алоқаларни узишдир. Фақат шугина аёлнинг жамиятдаги табиий ролига – исломий жамиятга етакчи бўладиган келгуси авлодни улғайтириб тарбиялаш ролига қайтишини таъминлайди. Шунингдек, аёллар жамиятнинг фаол аъзоси сифатида маъруфга буюриб, мункардан қайтариш, ҳокимларни муҳосаба қилиш ва Исломга даъват қилиш каби вазифаларини бажара олади. Ислом тарихи сиёсий ишларда фаол иштирок этган муслима аёллар билан тўла. Бундай аёлларга қуйидагиларни мисол қилиш мумкин:

Насиба бинти Каъб РА ва Асмо бинти Амр РА Бу икки аёл иккинчи Ақаба байъатида Росулуллоҳ САВга байъат берган гуруҳ сафида бўлган. Бу байъат Мадинада илк исломий давлатнинг барпо бўлишига замин яратган.

Умар РА маҳрни чеклаб қўймоқчи бўлган пайтда уни очиқчасига муҳосаба қилган аёл.

Буюк саҳобия ва олима Фотима бинти Қайс. Умар ибн Хаттоб РА вафот этганларидан кейин номзодларни танлашда бу аёлдан маслаҳат сўралган.

Нафиса бинт Ҳасан. У имом Шофеийга дарс берган ва Мисрда одамлар сиёсий маслаҳат олиш ва ўз ҳуқуқларини қандай қўлга киритишлари ҳақида насиҳат олиш учун унга мурожаат қилишган.

Эй мусулмон ака-укалар, муслима опа-сингиллар! Булар эслашимиз ва амал қилишимиз лозим бўлган порлоқ намуналардир. Мусулмонлар юртларида Халифаликни қайта тиклашда бизнинг фаол ролимиз бўлиши вожиб! Халифалик Аллоҳ Субҳанаҳу ва Таоло тасдиқлаган низом бўлиб, у бизнинг шаънимиз ва исломий қадриятларимизни ҳимоя қилади. Фақат Халифаликни барпо қилиш билангина капиталистик низомдан халос бўлиш ва унинг ўрнига ваҳийга асосланган Ислом низомини олиб келиш мумкин. Ислом низомининг ғояси капиталистлар манфаатини рўёбга чиқариш эмас, балки Аллоҳ Субҳанаҳу ва Таолонинг розилигига эришишдир. Бу низом Қуръон ва Суннатдан истинбот қилинган, эркакларнинг аёлларни эксплуатация қилишини ман қиладиган ҳаёт низомларини татбиқ этади. Рофеъ ибн Рифоа ансорлар мажлисига келиб шундай деди: Аллоҳнинг Пайғамбари САВ бугун бизни қуйидагилардан қайтардилар, деб бир неча нарсаларни санаб ўтди ва деди: чўриларнинг қўли билан бажарадиган ишдан ўзга меҳнатидан қайтариб шундай дедилар:

«هَكَذَا بِأَصَابِعِهِ نَحْوَ الْخُبْزِ وَالْغَزْلِ وَالنَّقْشِ»

«Нон пишириш, ип йигириш ва нақш тикиш каби бармоқлари билан бажарадиган ишлар».

Эй олийжаноб Уммат! Фақат қулликни рўёбга чиқарадиган, унга тенглик тўнини кийдирадиган капиталистик низом ва илмоний ақидани рад этинглар. Эй мусулмонлар ва муслималар, аломатлари уфқда кўрина бошлаган тўғри йўлни тутувчи Халифаликни барпо қилиш учун биз билан бирга ҳаракат қилинглар. Фақат Халифалик барпо бўлгандагина инсоният ҳар бир эркак, аёл ва ёш боланинг инсон томонидан тузилган қонунлар ва низомлар зулмидан халос бўлганига гувоҳ бўлади.

Ҳизб ут-Таҳрир                                                                             

Канада

25 сафар 1435ҳ                                                                                           

28 декабр 2013м