بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Юртимиз ва Ҳалабдаги террор ортида хоинлару мустамлакачилар турибди

2016 йил 10 декабр шанба куни юз берган Истанбул портлашидан бир ҳафта ўтиб-ўтмай, Кайсари шаҳрида яна террорчилик ҳужуми содир этилди. Бу манфур ҳужум яна оналарда ва аҳолида аламни келтириб чиқарди. Қалбларимизни қон қақшатаётган бундай террор ҳужумлари ортидаги ҳақиқий буюртмачилар, мустамлакачи кофир давлатлар эканига асло шубҳа йўқ. Яна бу давлатлар, ўзларини ҳеч нарса билмагандек тутиб, юртларимизга ўрнатиб қўйган ўз элчихоналари-инлари орқали таъзияномалар юборишади.

Минг афсус, мана шундай ҳужумлар Туркияга зарба бераётган бир пайтда, Ҳалаб таърифлаб бўлмайдиган даражада ваҳшиёна қирғинларга учрамоқда. Мусулмон биродарларимиз бутун дунё кўз олдида қатли ом қилинмоқдалар… Ҳалабда мусулмонларни «тозалаш» ва қирғин қилишни икки кофир давлат-АҚШ ва Россия содир этмоқда, уларга Эрон ва тоғутликда ҳаддан ошган Асад режимлари ёрдам бермоқда.

Биз Ҳизб ут-Таҳрир-Туркия вилояти аъзолари террорнинг асл буюртмачиларини оламга қайта фош этмоқ ҳамда армияларимизни Ҳалаб қирғинига чек қўйишга тарғиб қилмоқ учун тезкор мурожаат йўлладик. Шунингдек, матбуот баёнотлари чиқардик, Истанбулдаги Россия элчихонаси олдида, жума намозидан сўнг Бурса, Кониядаги катта жомелар олдида, Россияга яқин ҳудуд Хатай Райҳонлийда намойишлар ўтказдик. Анқарада бизга АҚШ элчихонаси томон юриш қилишимизга рухсат берилмагач, Кожатепа масжиди олдида матбуот баёноти ўқиб эшиттирдик.

Биз ушбу эзгу тадбирларни шунга жавобгар эканимизни ҳис этганимиз учун қилдик. Лекин бунга, Росулуллоҳ САВнинг

«الْمُسْلِمُ أَخُو الْمُسْلِمِ، لاَ يَظْلِمُهُ وَلاَ يَخْذُلُهُ»

«Мусулмон мусулмоннинг биродаридир, унга зулм қилмайди ва уни ёрдамсиз қолдирмайди», деган сўзаларига биноан, барча мусулмонлар, хусусан, ҳукмдор ва ҳарбий зобитлар ҳам жавобгардирлар.

Эй ҳукмдорлар!

Биз сиёсий ҳизб сифатида, хатоларни баён қилишни, тўғри ечимни кўрсатиб беришни ва сизларга насиҳат йўллаб танқид қилишни ўз бурчимиз деб биламиз. Сиз ҳукмдорлар зиммангизда улкан масъулият турибди. Юртдаги террористик ҳодисаларга ҳам, Ҳалабдаги қирғинларга ҳам энг аввало сиз жавобгарсиз. Мусулмонлар ҳаёти, мол-мулки, номуси, шарафига сиз ва армиянгиз жавоб беради. Юртимиздаги террорни, Ҳалабдаги қирғинни тўхтатиши шарт бўлганлар, сиз раҳбарларсиз. Шубҳасиз, террористик ҳужумларнинг асл буюртмачилари мустамлакачи кофир давлатлардир. Сиз бўлсангиз, ўшалар билан дўст тутиниб, иттифоқчилик қиляпсиз. Бас, улардан ҳисоб сўрамоқ вақти келди ва бу иш армия билан сиз ҳукмдорлар зиммангизда.

Эй ҳукмдорлар!!

Мудом мустамлакачилар билан дўст экансиз, айни муаммоларни ҳал эта олмайсиз ҳаргиз. Атрофга боқинг, кўрмаяпсизми, мустамлакачи АҚШ сизни аста-секин Эрон билан боғлаб оляпти. Аввалда Ироққа ҳукмрон бўлди, энди бўлса Сурияга. Курдистон Ишчилар партияси билан Демократик Иттифоқ партиясини қўллаб-қувватлаётганлар, уларни сизнинг кўз ўнгингизда қурол-аслаҳа ва ҳарбий техника билан таъминлаётганлар айнан шу америкалик мустамлакачилардир. Европалик иттифоқчиларингиз ҳам Курдистон Ишчилар партиясидан сизга қарши фойдаланишяпти, уларни очиқ қўллашяпти. Аллоҳ ҳаққи, қачон ҳақиқатни кўрасиз, қачон ўз вазифангизни адо этасиз?! Яна қанча бегуноҳ инсонлар нобуд бўлишлари керак. Унутманг, Мосул қуласа агар, унинг ортидан Диёрбакр ҳам қулайди, Ҳалаб қуласа, Антоб ҳам қулайди. Агар мусулмон биродарларингизни бугун ҳимоя қилмасангиз, у ҳолда, бизнинг ҳолимиз ҳам эртага уларникидан фарқ қилмай қолиши муқаррар. Ҳизб ут-Таҳрир-Туркия вилояти сизни мусулмонлар олдида ва Аллоҳ олдида огоҳликка чақиради.

إِنَّ هَـٰذِهِ تَذْكِرَةٌ ۖ فَمَن شَاءَ اتَّخَذَ إِلَىٰ رَبِّهِ سَبِيلًا

«Албатта бу бир эслатмадир. Бас, ким хоҳласа (бу насиҳатдан ибрат олиб) Роббига йўл тутар»

                                                                                           [Муззаммил 19]

Ҳизб ут-Таҳрирнинг Туркиядаги матбуот бўлими

Web: www.hizb-turkiye.org

E-Mail: bilgi@hizb-turkiye.org