بِسْـــمِ اللهِ الرَّحْمٰـــنِ الرَّحِيـــم

Роя газетаси:

«Зайтун новдаси» амалиёти Сурия режими билан келишган ҳолда олиб бориляпти

Ҳижрий 1439 йил 21 жумодул-аввал, милодий 2018 йил 7 феврал чоршанба куни Туркиянинг «Замон» газетасида қуйидаги хабар нашр қилинди:

«Хабардор манбаларнинг маълум қилишича, турк разведка хизмати раиси Ҳоқон Фидан Лозиқиядаги Россия ҳарбийлари жойлашган «Ҳамимим» базасида Сурия миллий хавфсизлик бьюроси маслаҳатчиси Али Мамлук билан учрашди.

Суриялик ёзувчи журналист Низор Майовнинг маълум қилишича, Лозиқия шаҳридаги тоғли районда жойлашган «Ҳамимим» ҳарбий базасида турк разведка хизмати раиси Ҳоқон Фидан раҳбарлигидаги турк хавфсизлик делегацияси билан Сурия миллий хавфсизлик бьюроси маслаҳатчиси Али Мамлук раислигидаги Сурия миллий хавфсизлик делегацияси ўртасида учрашув бўлиб ўтган. Унинг таъкидлашича, учрашувда Туркия Сурия ерларида олиб бораётган Африн ҳарбий амалиёти ҳақида суҳбатлашилган.

Шуни таъкидлаш лозимки, учрашув турк қуролли кучлари Сурия шимолидаги ҳарбий амалиётларни Сурия озодлик армияси билан ҳамкорликда олиб бормоқда.

Айни учрашув Туркия ташқи ишлар вазири Мавлуд Човушўғли берган баёнот ортидан маълум бўлди. У Африндаги ҳарбий амалиётимиз Сурия режимига таҳдид солмайди, деди. Бундан олдин ҳам у айни амалиётнинг Сурия режими билан келишилган ҳолда бошланганини таъкидлаган эди. Аммо Сурия ҳукумати бу даъволарни рад этади».

Роя газетасининг 2018 йил 14 феврал чоршанба кунги 169-сонидан

+5

0