Роя газетаси:

Женевадаги Сурия музокаралари вақти эълон қилинди

БМТнинг Суриядаги вакили Стефан де Мистура 2015 йил 25 январда Женевада бўлиши кутилаётган Суриядаги доиралар ўртасидаги тинчлик музокараси вақтини эълон қилди. Бу эълон Жайшул Ислом қўмондони Заҳрон Аллушга суиқасд қилиниши ортидан янгради.

БМТ вакили идораси чиқарган баёнотга кўра де Мистура Женевада президент Башар Асад ҳукумати билан мухолафат ўртасида музокаралар бўлиб ўтишига умид қилаётганини билдирди ҳамда Суриядаги барча манфаатдор доиралар томонидан ҳам тўла ҳамкорлик билдирилишига ишонишини қўшимча қилди. Де Мистура Сурияда давом этаётган ўзгаришларнинг айни музокара жараёнини издан чиқаришига асло йўл қўйилмаслигини таъкидлар экан, бу билан Жайшул Ислом қўмондонининг ўлдирилишига ишора қилди.  Мухолафат бу ҳаво ҳужумини амалга оширган рус учоқлари эканини айтмоқда.

Шу хусусда ўтган жума куни Сурия муваққат ҳукумати раиси Аҳмад Тоъма ҳам музокараларда иштирок этишни сурияликлар манфаати тақозо қилаётганини айтди ҳамда Сурия режимининг у билан ва бошқа бирортаси билан музокара столига ўтиришга нолойиқ эканини таъкидлади «Ал-Жазира нет».

Роя рўзномаси шарҳи:

Де Мистура баёнотига нисбатан олганда, унинг Америка қарашлари ижроси сари аниқ турда бораётгани очиқ кўриниб турибди. Америка мухолафатдан ҳамда регионал давлатларга алоқадор айрим гуруҳлардан Асаддан кейин Суриядаги бошқарув тизгинини ушлаб боришига ярайдиган бир мақбул альтернатив яратмоқчи. Сурия муваққат ҳукумати раиси баёнотига нисбатан олганда эса, у ўзининг «Сурия режими у билан ва бошқа бирортаси билан музокара столига ўтиришга нолойиқ», деганда ёлғон гапириб содда одамларни алдамоқчи. У бу музокараларни сурияликлар манфаати дея атади!! Наҳотки, шунча улкан қурбонлар берган сурияликлар манфаати эски малай ўрнига янги малайни ўрнатишдан иборат бўлса?!

Роя газетасининг 2015 йил 30 декабр чоршанба кунги 58-сонидан