بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Жинояткор рус режими мусулмонларни репрессия қилишда давом этмоқда

2017 йил 19 апрел куни тонг саҳарда Уфа шаҳрида рус махсус кучлари яна мусулмонлар уйларини тинтув қилди. Ҳозирга қадар қуйидаги йигитлар қамоққа олингани ҳақида маълумотлар бор:

Топтигин Михаил;

Хабибуллин Тимур;

Рахманов Булат;

Гадиев Тимур;

Шарипов Идрис;

Давлатбаев Вадим.

Ҳизб ут-Таҳрирнинг исломий сиёсий партия сифатида танилганига ҳамда тинтувда китоблардан бошқа ҳеч нарса топилмаганига қарамай, ушбу мусулмон йигитларга террорчи ташкилотга мансублик айблови қўйилди!

Ушбу терроризм билан айблаш нақадар аҳмоқона экани яққол кўриниб турибди. Зеро, 205.5 моддаси бўйича мусулмонларга қўйилган аввалги айбловларнинг барчаси зўравонлик билан шуғулланганликлари учун эмас, балки ўз динларига амал қилганлари сабабли тиркалган. Буларнинг барчасини Россиядаги Исломга қарши кураш сиёсати, деб тушуниш мумкин, холос. Ҳокимиятдагилар ушбу Исломга қарши кураш сиёсатини «терроризмга қарши кураш», номи остида яшириб келадилар. Бундан кўзланган мақсад мусулмонларнинг исломий ақидаларига қайтишларига тўсиқ қўйишдир. Бу мақсадда у фақат Россиядагина эмас, Россия ташқарисида ҳам уларни таъқиб қилмоқда.

Сўнгги кунларда мусулмонларнинг қамоққа олиниши сиёсий вазият кескинлашиб Россия жамиятида норозилик кайфияти кучайиб турган бир пайтда юз берди. Рус режими ва унинг Федерал хавфсизлик хизмати бундай вазиятни бартараф қилиш учун «терроризм»га қарши кураш, деган нарсадан кенг фойдаланмоқда. Чунки мана шундай вазиятда қўлланган адолатсиз қамашларга мухолафат доиралари ҳам норозилик билдирмайди.

Башкирия пойтахтида мусулмонларга қарши амалга оширилаётган бундай репрессия ва қамоққа олишлар қонунбузарлик бўлишдан ташқари, сиёсий жиноят ҳамдир. Чунки уни мавжуд режимни сақлаб қолиш йўлида ҳар қандай сохта айбловни қўллашдан тап тортмайдиган ҳукуматнинг ўзи қилмоқда.

Аллоҳ Таоло бундай деди:

وَمَا نَقَمُوا مِنْهُمْ إِلَّا أَن يُؤْمِنُوا بِاللَّـهِ الْعَزِيزِ الْحَمِيدِ

«Улар (мўминлардан) фақат у (мўмин)лар қудрат ва мақтов эгаси бўлган Аллоҳга имон келтирганлари учунгина ўч олдилар»                           [Буруж 8]

Ҳизб ут-Таҳрирнинг

Россиядаги матбуот бўлими

Расмий сайт: www.hizb-russia.info

Электрон почта: mediaoffice.htr@gmail.com