بسم الله الرحمن الرحيم

Жинсий тенгликка эришиш учун 217 йил вақт бор! Бу фикрни барбод бўлганини тан олиш вақти келмадими?!

Хабар:

Тадқиқотчиларнинг аниқлашларича, эркаклар ва аёллар ўртасида тенглик бўлишини яна 217 йил кутишга тўғри келади, шундан кейингина бу соҳада тенгҳуқуқлилик тўғрисида гапириш мумкин. “The Guardian” газетаси маълумотларига кўра, Бутунжаҳон иқтисодий форуми таҳлилчилари иқтисод соҳасида эркак ва аёл ўртасида жиддий фарқлар борлигини аниқлаганлар.

Эркак ва аёллар ўртасидаги жуда катта фарқ меҳнатга ҳақ тўлаш ва ишга жойлашиш соҳаларида кўринади. Бу аёллар ҳуқуқи ҳимоячилари учун “хавотирли” таҳлил ҳисобланади. Ўтган йилги эълон қилинган ҳисоботда кутиш даври 170 йилга бориши тахмин қилинган эди. (“Al-Quds Al-Arabi” 02.11.2017)

Изоҳ: БМТ ва унинг институтлари жинсий тенгликни ўз мақсадлари ва ривожланиш режалари доирасига киритганлар, бироқ кўп йиллар мобайнида улар ўз мақсадларидан фақат узоқлашмоқдалар. Юқорида келтирилган ҳисоботга кўра, иқтисодий соҳада жинсий тенгликка эришиш учун 217 йил керак бўлади, ўтган йили эса 170 йил керак бўлган эди. Бу – фақатгина иқтисод соҳасида, қолган соҳалар хусусида гапирмаса ҳам бўлади.

Ҳаммага маълумки, Британияда меҳнатнинг барча соҳаларида эркаклар ва аёллар ўртасида тенгҳуқуқлилик мавжуд эмас, ҳаттоки капиталистик мафкуранинг жарчиси ҳисобланган ОАВ соҳасида ҳам. Биз “BBC” ходимларининг эркак ва аёл маошидаги тафовут сабабли қилган норозилик намойишларини гувоҳи бўлишга улгурдик. Шунингдек, ҳеч ким бундай камситиш фақат Англиягагина хос, деб ҳисобламайди. Бу аёллар ҳуқуқлари ҳақида оғиз кўпиртирувчи кўплаб ғарб давлатларига ҳам тааллуқлидир. Бу ерда барча давлатларнинг статистика ва баёнотларини келтириб ўтишга ҳожат йўқ; масалан, Францияда аёллар 2017 йил 3 ноябр соат 11:44 да ўз иш жойларини намойишкорона тарк этдилар ва бу ҳолат кетма-кет иккинчи йил такрорланмоқда. Бу акциядан мақсад иш ҳақидаги тенгсизликка қарши норозиликдир. Тадқиқотлар айнан бир хил иш ва меҳнат шароитларига қарамай, эркак ва аёл иш ҳақи ўртасида 16% гача бўлган фарқ мавжудлигини кўрсатмоқда.

Шуни таъкидлаш керакки, “жинслар ўртасидаги иқтисодий тенглик” тарафдорлари буни аёлларга нисбатан адолат бўлиши учун қилмаяптилар, чунки улар ўзларининг иқтисодий манфаатларини кўзламоқлар. Ҳисоботга кўра, агар жинслар ўртасида тўлиқ тенгликка эришилса, Буюк Британиянинг ЯИМи 250 млрд АҚШ долларига ўсиши мумкин. Бу нарса аёлларга уларнинг ҳисобидан бойиш мақсадида қарайдиган капиталистик система тарафдорларини ҳеч ҳам ажаблантирмайди. Улар аёлнинг инсоний табиатига эътибор қаратмай, аёлга ундан қандай йўл билан бўлса ҳам фойда олиш мумкинлигига қараб баҳо берадилар.

Сўзимиз якунида саволлар туғилади: жинсий тенглик тарафдорлари ўз мағлубиятларини тан олиб, сохта шиорларни кўтаришни бас қилишлари вақти келмадими?! Аёлга капиталистик система ва ундан балқиб чиқаётган барча нарса мусибат ва бахтсизликларнинг сабабчиси эканлигини тушуниб етиши вақти келмадими?

Рад этиб бўлмайдиган ҳақиқат шуки, Аллоҳ томонидан берилган Рошид Халифалик тузумигина аёлларга ҳам, бутун инсониятга ҳам адолатли муносабатда бўлишга қодирдир. Аллоҳ айтади:

أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ

“Яратган зот Ўзи билмасмиди? Ва У дақиқларгача билувчи ва хабардор зотдир”.  (67:14)

Инсонлар томонидан ўйлаб топилган барча тузумлар ва қонунлар бу мақсадга етишишда ҳамда жинсий тенглик ўрнатишда яроқсизлигини кўрсатиб бўлдилар.

Ҳизб ут-Таҳрирнинг Марказий ахборот офиси радиоси учун махсус

Баро Мунасира                                                                                   05.11.2017й.