2026 йилги Бангладеш сайловлари учун сайловолди дастурлари ҳақиқий туб ўзгаришни яширадиган юзаки ечимлардир
Матбуот баёноти
2026 йилги Бангладеш сайловлари учун сайловолди дастурлари ҳақиқий туб ўзгаришни яширадиган юзаки ечимлардир
Яқинда Бангладеш Миллий партияси ҳамда Бангладеш Жамоати Исломий партияси ўзларининг батафсил сайлов дастурларини эълон қилди. Айрим жиҳатларда фарқ кўзга ташланса-да, ҳар иккиси ҳам Ғарб капиталистик моделига асосланган давлатчилик қарашини тақдим этмоқда. Миллий партиянинг «Аввало Бангладеш» номли баёнотида демократик иқтисодга асосланган давлат қуриш режасига асосий эътибор қаратилган. Ушбу стратегия 2034 йилга қадар Бангладешни даромади ўртачадан юқори мамлакатлар қаторига олиб чиқиш, иқтисодиёт ҳажмини эса 1 триллион долларга етказишни мақсад қилади. Жамоати Исломий партиясининг «Хавфсиз ва инсонпарвар Бангладеш манифести» деб номланган дастури эса шаффоф ва ҳисобдор давлат барпо этишга очиқчасига чақиради. Унда адолат тамойиллари, институционал ислоҳотлар ҳамда ижтимоий ҳимояга алоҳида урғу берилган.
Биз Ҳизб ут-Таҳрирнинг – Бангладеш вилояти аъзолари шуни очиқ-ойдин баён қиламизки, мазкур сайлов дастурлари юзаки ваъдалар ва қуруқ гап-сўзлардан нарига ўтмайди. Улар ўз моҳиятига кўра ҳақиқий эркинликни таъминлаш ва мустақил тараққиётни амалга оширишга қодир эмас. Чунки мазкур дастурлар янги мустамлакачилик эксплуатациясининг асосий механизмларига, хусусан, Халқаро Валюта Фонди ва Жаҳон Банкининг қишлоқ хўжалиги субсидияларини қисқартириш, хусусийлаштиришни жадаллаштириш ҳамда маҳаллий саноатни заифлаштириб, ҳатто вайрон қиладиган сиёсатларни жорий этишга қаратилган кўрсатмаларига қарши туришда мутлақо ожиз қолмоқда. Ушбу партиялар тўғридан-тўғри хорижий инвестициялар ҳамда «очиқ бозор» сиёсатини тарғиб қилаётган бир пайтда, энергетика соҳаси каби муҳим маҳаллий активларни Chevron ва ExxonMobil каби компаниялар ихтиёрига бермоқда, стратегик портларни эса хусусий секторга топшириш йўлини танламоқда. Бу эса иқтисодий қарамликни янада мустаҳкамлаб, унинг давом этишини кафолатлайди. Хулоса қилиб айтганда, модомики эксплуататорликка таянган капиталистик тизимни парчалаш, шунингдек, умумий бойликларни талон-торож қилишга хизмат қилаётган «юқоридан пастга тушувчи тараққиёт» моделини рад этиш борасида ҳақиқий масъулият ва қатъий ирода бўлмас экан, бундай дастурлар одамларни қашшоқлаштирадиган ва ҳақиқий озодликка олиб борувчи йўлни тўсиб қўядиган коррупцияга ва тизимли зулмга қарши ҳеч қандай ишончли альтернатива тақдим эта олмайди.
Моҳият эътибори билан, мазкур дастурлар маҳаллий элитага хизмат қиладиган капиталистик тузумда мужассам ҳақиқий структуравий инқирозни қасддан эътиборсиз қолдириб, сайловчиларни алдашга қаратилган амалиётдир. Одамлар шуни англаб етиши лозимки, ҳатто сиёсий раҳбар алмашган тақдирда ҳам, репрессив капиталистик тузум оз сонли элита ва уларнинг мустамлакачи иттифоқчиларини бойитиш учун оддий халққа зарар етказишда давом этади. Шу боис капиталистик тузумни илдизи билан қўпориб ташламайдиган ҳар қандай ваъда фақат юзаки ўзгаришдан нарига ўтмайди ва ҳеч қачон ҳақиқий озодликка олиб бормайди.
Эй инсонлар!
Юзаки сиёсий ўзгаришларнинг тўхтовсиз гирдоби суверенитетни (мутлақ ҳукмронлик ва қонун чиқариш ҳуқуқини) ноқис инсонга берадиган ҳар қандай тузумнинг асл-асосидан бузуқ эканини исботлайди. Шунинг учун ҳам, элита манфаатларига хизмат қиладиган секуляр капиталистик моделлар асосида Бангладешда ҳақиқий адолат ҳеч қачон қарор топмайди. Ягона ечим – бошқарувни Аллоҳ Субҳанаҳу ва Таолонинг ҳукмронлиги асосида барпо этишдир. Зеро, қонун чиқариш ҳуқуқи фақатгина У Зотга хосдир. Бу тузумда ўз ишининг эгаси бўлган халифалар Аллоҳнинг шариати билан ҳукм юритганлари учун адолат табиий равишда қарор топади ва инсон табиатига ҳамоҳанг бўлади. Шу боис биз барча инсонларни эксплуатация ва қарамликдан ҳақиқий озодликка эришиш йўли айнан шу Раббоний доирада мужассам эканини англаб етишга чақирамиз. Сизларни Пайғамбарлик минҳожи асосидаги Халифаликни барпо этиш йўлида бирлашишга чорлаймиз. Зеро, Аллоҳ Таоло ваъда қилганидек, адолатни кафолатлаш, мустақил саноатни барпо этиш ҳамда Умматнинг қадр-қийматини қайта тиклашга қодир ягона тузум мана шу тузумдир.
﴿وَعَدَ ٱللَّهُ ٱلَّذِينَ ءَامَنُواْ مِنكُمۡ وَعَمِلُواْ ٱلصَّٰلِحَٰتِ لَيَسۡتَخۡلِفَنَّهُمۡ فِي ٱلۡأَرۡضِ كَمَا ٱسۡتَخۡلَفَ ٱلَّذِينَ مِن قَبۡلِهِمۡ﴾
«Аллоҳ сизлардан иймон келтирган ва солиҳ амаллар қилган зотларга худди илгари ўтган зотларни халифа қилганидек, уларни ҳам ер юзида халифа қилишни ваъда қилди» [Нур 55]
Ҳизб ут-Таҳрирнинг Бангладешдаги матбуот бўлими
