Ислом ақлий, руҳий ва сиёсий ақидадир

(2-қисм)

بسم الله الرحمن الرحيم

Ислом ақидаси ақлий ақида эканлигини оладиган бўлсак, мусулмонларда бу жиҳатдан камчилик йўқ. Улар йўлиққан ва йўлиқаётган нарсалар ҳақ билан ботил ўртасидаги курашнинг қонуниятидадир. Чунки ҳақ даъватчилари тўғри ҳужжат ва далил-исботларга эгадирлар ва эътиборни ҳақиқатга қаратадилар. Аммо ботил аҳли эса, эътиборни ҳақиқатдан чалғитадилар, уни бузиб кўрсатадилар ва яширадилар. Улар одамлар орасига залолат уруғини сочадилар ва ўша залолатни ҳақиқат, деб уқтирмоқчи бўладилар ҳамда фикрлашни издан чиқаришни ва одамларни хомхаёллар ва арзимас ишлар орқасидан елиб-югурадиган қилиб қўйишни истайдилар. Мусулмонлар ўз ақидаларидан узоқлашиб, уни сиёсий ва руҳий жиҳатларини тушунишда ноқисликка йўл қўйдилар. Яъни умматнинг аксар қисми Исломни сиёсий жиҳатини англаб етмадилар.

Ислом душманлари мусулмонларни динларидан адаштириб, уларни тубанликка тушириб юборишдан тортиб то уларнинг Давлатларини йўқ қилиб ташлашга ва ўзларига малай майда давлатчаларга бўлиб ташлашга муваффақ бўлдилар. Улар мусулмонларни мана шу тарқоқликка маҳкам ёпишиб оладиган ва демократияга, динни ҳаётдан ажратишга чақирадиган ҳамда Исломни фақат руҳоният дини ёки инсон билан унинг Холиқи ўртасидаги якка шахснинг ўзигагина тегишли алоқа, деб тушунадиган қилиб қўйишди. Бунинг натижасида мусулмонлар куфр фикрларга маҳкам ёпишиб олдилар ва кофирларга нисбатан эҳтиром билан қарайдиган бўлдилар.

Бунинг асл сабаби, мусулмонлар Исломни сиёсий ақида сифатида эмас, балки сўнгги асрларда фақат ибодат ишлари, деб тушунганлари эди. Аслида, Ислом ҳаётнинг барча ишлари учун низом келиб чиқадиган энг тўғри мабда эди. Бугунги кун мусулмонлари буюк Исломий Халифалик Давлатини барпо қилиш ва Ислом низомини жорий этиш учун ҳаракатга келаётганларини кўряпмиз. Аллоҳга ҳамдлар бўлсинки, исломий оламда уйғонишни бошлангани яққол кўзга кўрина бошлади.

Лекин бу уйғониш ёки ғафлатдан ўзига келишда туманга ўхшаш бир хиралик борки, Исломнинг ҳазорат ва сиёсий низом сифатида ҳаётга қайтиши куфр бошлиқларини ва уларнинг малайларини ваҳимага соляпти ва оромларини бузяпти. Шунинг учун улар мусулмонларнинг сиёсий ақида сифатидаги Ислом асосида уйғонишлари қаршисида мағлуб бўлганларидан кейин залолатга солиб адаштириш сиёсатини қўллашга ўтишди.

Биз бу ўринда уларнинг ботиллигини исботлаб ўтирмоқчи эмасмиз. Мустамлакачи куфр етакчилари Исломни бузиб кўрсатувчи фикрий ҳамда сиёсий ҳужумларни ўйлаб топишди. Яъни Уммат орасига Исломни бузиб тушунтириш ва залолатга бошлаш ишларини бажариб берадиган кишилар, минбарлар, муассасалар, университетлар ва оммавий ахборот воситаларини  олиб кирдилар. Бу нарса соф исломий фикрни ўз манбаида ва истинбот усулида бўғиб ташлаш, унинг Умматга бегоналиги, замон ва воқелик билан бирга қадам ташлашдан ожизлиги тўғрисида шубҳа уйғотиш ва шу тариқа  қўрқитиш ҳамда уларнинг пайини қирқиш қасдида қилинди. Исломни шундай бузиб кўрсата бошладилар ҳамда ушбу бузилишни ривожланиш, юксалиш ҳамда мусулмонларнинг нажот йўли, дея жар солмоқдалар. 

Ал-Ваъй журналидан фойдаланилди

(Давоми бор)

Ҳизб ут-Таҳрирнинг Ўзбекистондаги медиа офиси. Зайниддин

16.05.2019й.