Зуваласи калта узилганми?

بسم الله الرحمن الرحيم

Оламнинг бузилиши жуҳудларни Муқаддас заминда пайдо бўлганидан бошланди ва унинг тузалиши ҳам ўша палакатларни йўқ бўлиши биландир.

(Мактаб кўрмаган “эски” отахонни янги дунё ҳақидаги фикри)

Қишлоқдаги жўраларим анча “чўккан”, йигитликдан нари, чолликдан бери, ҳовуридан тушган босиқ кишилар. Улар билан бошқалардек ҳафтада чойхонада йиғилмасак-да, лекин бирор баҳона топилди дегунча бошимиз бирикади. Жиддий сабаб бўлмаса, албатта даврамиз доим бутун. Бугун ҳам жўрабошимиз Боғишамол тепасидаги ҳужрасига чақирганига қараганда бир гап боров…  Бу давранинг яна бир сифати ҳамфикрлик эди. Бўлмағур олди-қочдилар табиатимизга бегона. Чунки жўрачилигимиз синфдошлик туфайли эмас, табиатларимизга кўра тузилган. Шунинг учун бўлса керак, юқори ё қуйи синфларда ўқиган бўлсак-да, “ака”, “ука” деган сўзлар аллақачон “жўражон”га айланиб кетган.  Бу даврада бойимиз тўрида, қўли юпқамиз эса пойгакда қолмаган. Йиғинимиз чиқимини ким тўлаётганини ҳалигача билмай келамиз. Ва дастурхон тўрида деярли ҳар гал  қишлоғимиз улуғларидан бирини суҳбатини олиш одат тусига кириб бўлган. Баъзан суҳбат шундай қизир эдики, намозни  вақти чиқай деганда ўқишга зўрға улгуриб қолган  пайтларимиз ҳам бўлган… Бугун ҳам  Юсуф тоға меҳмонимиз бўлишини билгандек сафимиз бехато йиғилдик. Тоға қишлоғимизнинг яхшиси. У аралашган қўйди-чиқдилар эр-хотинни ували-жували қилиш билан якун топади. Шунинг учун бўлса керак, одамлар мелиса ва маҳаллакомдан кўра тоғани эшигини тақиллатишни маъқул кўришади.

Ош-қатиқ, қовун-тарвуз, “олинг-олинг”лар тинчигач, хонтахта устида чойнак ва пиёлалар қолди. Жўрабоши дастурхонни Фаластиндаги аҳвол таъсирида ўта содда ва ортиқча қасир-қусурларсиз тузагани ҳеч кимга малол ҳам келмади. У одатига кўра ҳар биримиздан астойдил ҳол сўрагач, тоғага қараб: “Бизникилар тинч экан тоға, энди нотинч юрт ҳақида кечаги гапингизни ўртага ташлангчи”, – деб, ҳаммани Юсуф тоға оғзига қаратиб қўйди. Тоға гўё барчамизнинг диққатимиз жамланишини кутгандек оппоқ дастрўмоли билан пешонаси тиришини “дазмоллади” ва қаддини суянган ёстиқдан кўтарди. Ва: “Кечагилар орасида нобоплар ҳам бор экан, гапимни малол олганлар ҳам бўлди. Айниқса, қорихоннинг гапи анча тузсиз бўлди. Сиёсат борасида ўнг-терсга қараб гапиринг, ўзимиздаям талайгина муаммолар бор”, – деди.  Шу гапни айтиб, Юсуф тоға соқолини тепага қаратиб, панжасида тараб, кейин сиқимлаб жойига келтиргач:

– Зуваласи калта узилганми, анча ранжитди-да – деди.

Мен жўрабошининг имлови билан тоғани юпатиш учун:

– Юсуф тоға, бу ердагиларнинг барчаси зуваласи бутун, – деб отага далда бўлдим. У нимтабассум билан сўзимдан кўнгли тўлиб оҳиста гапини бошлади:

– Аслида бунақа нотинч тўлқинлар уммат юзига “ойна” тутади. Одамларни тез ажратиб оласан. Иброҳим алайҳиссаломга ёқилган ўт қалдирғоч ва қарғанинг ким тарафида эканини танитганидек, Шом қирғини, Қашғар қатли ва Фаластин, Ақсо фарёди ҳам олам мусулмонлари юзидан пардани очиб қўйди. Масжидларимиздаги тирбанд сафлар бизни қувонтираётганида юзларимизга тутилган бундай “ойна”лар қийшиқ юзларни, риёкор, сохтакорларни фош қилиш қаторида иймони бутун тақводорларни ҳам танитиб қўйди. Раҳбарлар эса, сизу бизнинг жунбушга келган туйғуларимиздан ўз гапларига тўн кийдиради. Тузукроқ қўзғолган турклар наъраси  устларидаги раҳбарни бошқа раҳбарлардан кўра жонлироқ  сайрашга мажбур қилиб қўйди. Эрон, Афғон, Ироқ, Покистон каби давлатлар раҳбарларини сайратган нарса қўзғолган халқининг оҳу додини гўё қулоқ солган бўлиб, айтилган баланд-паст “алла”лар, холос. Бизга келсак, халқимизга бунақа алла айтиш шарт эмас. Чунки у шундоқ ҳам уйқуда ва алаҳсирамоқда. Устимизга келган биттагина яҳудий халқимизнинг оқили-ю донишини, олими-ю  солиҳини қириб битирди. Ўзларингдан қолар гап йўқ, баъзиларинг ёш кетиб, қариганда сим ортидан чиқдиларинг. Биргина яҳудий тоза миллатни лойқалаб ташлаган бўлса, энди “исроил” расволарининг Фаластиндаги қассоблигини тасаввур қилаверинг. Пайғамбаримиз ﷺ: “Умматим бир тана кабидир…”, – деб марҳамат қилган буюк Уммат бугун қўли бўлак, оёғи бошқа бўлиб, парчаланиб, денгиз кўпигига айлантирилди. Қўли боғланган киши бошини қашлашга қодир бўлмаганидек, Ақсо атрофидаги азизлар қирғинига дуо қилиш билангина чекланган, диллар вайрона.

Тоғанинг гаплари, кўзларидан оқаётган ёшлари бизни ҳайкалга айлантирди. Қизиқ, мактаб остонасини хатламаган бу қария бунча олиймақом сиёсий тафаккурни қаердан тўплади экан. Мен бу ҳақида кейинроқ сўраб олишни кўнглимга тугиб қўйдим.

У дастрўмолини юзи бўйлаб айлантириб, тиззасига қўйганидан кейин бизни енгилгина кузатиб чой хўплади. Биз эса унинг гапларини энди қайси тарафга кетишини кутардик. Бироз жимликдан кейин у:

– Оламнинг  бузилиши жуҳудларнинг Муқаддас заминда пайдо бўлганидан бошланди ва унинг тузалиши ҳам ўша палакатларнинг йўқ бўлиши билан бўлади. Энди, укалар, мен тенгилар ичидан “болтага соп” излаб, овора бўлишга ҳожат йўқ. Эшикларини қоқсангиз очадилару, лекин қулоқларида пахтани кўрасиз. Ҳукумат хуфялари ва таниқли муллалар эл қулоғига ҳақни эшитмаслиги учун пахта улашмоқда.

Тоға ўз сўзларига муносабатимизни билмоқчидек яна жим қолди. Шу пайт жўраларимиз фахри Муҳаммад тоғанинг сўзларидан ажойиб хулоса қилди:

– Аҳмад ва Термизий Шўъбадан, у ибн Муовия ибн Қуррадан, у отасидан ушбуни ривоят қилди: Росулуллоҳ ﷺ дедилар:

"إذا فسد أهل الشام فلا خير فيكم لا تزال طائفة من أمتي منصورين لا يضرهم من خذلهم حتى تقوم الساعة".

“Агар Шом аҳли (динида) бузилса, сизларда ҳеч бир яхшилик қолмайди! Умматимдан бир жамоат (ҳаққа ёрдам бериш йўлида жиҳод қилишда давом этадилар) уларга нусрат берилади ва улар ғолиб бўладилар. Уларни ёрдамсиз ташлаб қўйган кимсалар уларга зарар беролмайди. Улар (жамоатдан кейин жамоат) Қиёматгача шу ҳолда давом этадилар”.

Бу муборак ҳадис Саҳиҳ Термизийда келган. Унда айтилган Шом ва унинг мўмин аҳлининг кўплаб фазилатлари бор. Буни Росулуллоҳ ﷺ ўз ҳадисларида зикр қилиб, унинг Маҳшар Ери бўлишини, у ерда бир жамоат доим ҳақ устида бўлишини ва у ерда Байтул Мақдис борлигини баён қилганлар. Шом аҳлига бугунги Урдун (Иордания), Фаластин, Сурия ва Ливан киради, – деди ва тоғага қараб: “Тоға, оламни бузилиши ва тузалиши ҳақидаги фикрингиз асоси мана шу ҳадисда берилган. Шом аҳли инсон қиёфасини йўқотган олам аҳлига ҳамда инсонийликдан ва саҳобалар туйғусидан узоқлаган умматга покиза табиат улашувчи инсоният яхшиларидир. Энди тоға сизга келсак, Шом бузилган инсониятни тузатувчи зуваласи бўлса, бу қишлоқни бутун узилган зуваласи сиз кабилардир. Сизга қараб биз ҳам кемтигимизни тўлдирамиз”, – деб барча жўраларни тоға олдида хижолатдан чиқариб қўйди…

(Хужрадаги жўралар суҳбатини сизларга ҳам илиндим)

Ҳизб ут-Таҳрир Ўзбекистон матбуот бўлими аъзоси Зайниддин

27.10.2023й