Таъзия
Таъзия
Бугун, 01.12.2023 йил, Жума куни, Тошкент вақти билан 09:00да Марғилонлик мўътабар отаҳонимиз Ҳакимов Машрабжон акани жанозаларига шаҳар аҳли сафландилар. Отахон шаҳар аҳлига ноёб фазилатлари ва гўзал ахлоқлари билан танилган тақволи кишилардан эдилар.
Золим, Каримовнинг қонхўр сиёсатидан жабрланган минглаган падар волидаларимиз қаторида Машрабжон ака ҳам умрини 20 йилдан ортиқ вақтини ўғли Хакимов Собиржон кўйида айрилиқ изтиробида ўтказдилар. Рафиқалари эса биродаримиз Собиржон зиндондалигида бу аламли дунёдан ўтган эдилар. Гарчи отахонга ўғлини озодликка чиққанини кўриш насиб этган бўлсада, аммо бу дийдор рафиқаларига насиб этмагани боис отахоннинг қувончи тўлиқ бўлмаганди.
91 ёшининг чорагини изтиробда кечирган отаҳонимизни ортидан дуога қўл очар эканмиз Роббул оламийндан охиратини ободлигини тилаб қоламиз. Ва биродаримиз Собиржонга ва барча яқинларига сабру жамил тилаймиз.
!إِنَّا لِلَّهِ وَإِنَّا إِلَيْهِ رَاجِعُونَ
– “Албатта, биз Аллоҳникимиз ва албатта биз Унга қайтгувчилармиз”.
Ҳизб ут-Таҳрир Ўзбекистон матбуот бўлими
01.12.2023
