بِسْمِ اللهِ الرَّحْمٰنِ الرَّحِيمِ

Матбуот баёноти

АҚШ Ғазода қирғинни қўллаб-қувватлаётган бир пайтда, Ўзбекистонга “хавфсизлик шериги” сифатида кирмоқда!

2025 йил 28 август куни Президент Шавкат Мирзиёев АҚШ Президентининг глобал шерикликлар бўйича махсус элчиси Паоло Замполлини қабул қилди. Президент матбуот хизмати хабарида таъкидланишича: “Учрашувда ўзбек-америка стратегик шериклик муносабатлари ва кўп қиррали ҳамкорликни кенгайтириш масалалари кўриб чиқилди”.

Учрашувда иқтисодий ҳамкорлик ва хавфсизлик масаласи асосий ўринда турди. Энг муҳим тадбир сифатида шу йил кузда бўлиб ўтадиган Кенгайтирилган стратегик шериклик мулоқоти қайд этилди.

Икки давлат ўртасидаги иқтисодий ҳамкорлик ўсиш динамикасига кўра, 2024 йилда товар айланмаси 15%га ошган. Ҳозирги қўшма лойиҳалар портфели 11 миллиард доллардан зиёд. Шунингдек, Президент матбуот хизматига кўра: “Мамлакатлар ўртасида хавфсизлик, терроризм, экстремизм ва ноқонуний миграцияга қарши самарали ҳамкорлик йўлга қўйилгани таъкидланди”.

Америка иқтисодий ҳамкорлик моделини ўзининг қўл остидаги тузилмалар – ХВЖ, Жаҳон банки, IFC ва молия корпорациялари ёрдамида амалга оширади. Бундай тузилмалар орқали сармоя киритилиши келгусида қарз босими орқали сиёсий босим механизмини ишга тушириш хисобланади. Натижада, мамлакат иқтисоди ва сиёсий қарорлари Вашингтон назоратига ўтади. Ўзбекистон давлат қарзи 70 млрд доллардан ошиб кетгани, халқнинг бўйнида қарз ва солиқ юки ортиб бораётгани бунинг ёрқин далилидир.

АҚШ хавфсизлик соҳасида ҳам “ҳамкорлик” таклиф қилмоқда. Табиий савол туғилади: Америка қаерда хавфсизлик олиб келган?!

Ироқдами, Афғонистон ёки Ливиядами – қаерда?! “Демократия ҳимояси” ниқоби остида бу ерларда ўнлаб йиллар давомида қанчадан-қанча бегуноҳ қонлар тўкилди, шаҳар ва қишлоқлар вайрон қилинди. Ғазода эса, АҚШ ҳар куни гўдак ва аёлларни ўлдираётган босқинчи яҳудий вужудига шиддат билан ёрдам бериб, ушбу тарихий геноцидни бошқармоқда. Демак, бугун бемалол айтиш мумкин, Вашингтоннинг “терроризмга қарши кураш”, “хавфсизлик ҳамкорлиги” деган шиорлари ортида АҚШ разведка тизимини мамлакатга киритиб, ички жараёнларни назорат қилиш ва Ўзбекистоннинг эмас, балки ўз хавфсизлигини таъминлаш стратегияси ётади.

Шундай экан, Америка “шериклик” деб таклиф қилаётган йўл аслида хавф ва тузоқлар йўлидир. Унинг иқтисодий “ёрдами” – қарз ва қарамлик, хавфсизлик ҳамкорлиги эса – ташқи назорат ва беқарорлик хавфидир.

Ўзбек режимига айтамизки, адоват ва мустамлакачилик таъмалари билан дунё мусулмонлари устида, айниқса, Ғазода қирғин ва очликни уюштираётган мустамлакачи АҚШ билан ҳар қандай алоқаларни боғлашда Ислом ва мусулмонлар манфаатини устувор кўришингиз – бирламчи ва энг долзарб вазифангиздир. Иккиюзламачиликка асосланган Америка сиёсати Ўзбекистон ва бутун минтақани хавфли геосиёсий ўйинларга тортиши ва беқарорликлар келтириб чиқариши эҳтимолидан огоҳлантирамиз.

Эй, Ўзбекистон мусулмонлари, режим сизга “иқтисодий тараққиёт ва хавфсизликни таъминлаш” деб тақдим этаётган “ҳамкорлик” аслида Америка, Россия, Хитой ва Ғарб мамлакатлари каби мустамлакачи давлатлар бошингизга солаётган кулфатларни янада зиёда қилади, холос. Қачонгача бу режимнинг сиёсий-иқтисодий босимларига, эътиқодингизга қилаётган тажовузларига сукут сақлаб, “қул”, “қора ишчи” деган тамғаларни бошингизда кўтариб юрасиз?! Ваҳоланки, буларнинг барчасига айнан мана шу “ҳамкорликлар” сабаб бўлмаяптими?! Ечим эса битта, у ҳам бўлса, модомики, Аллоҳнинг шариатини устингизда татбиқ қиладиган Рошид Халифалик давлати соясида барча мусулмонлар билан Ягона Уммат сифатида яшамас экансиз, бугунги хорлик ва қулликдан ҳеч қачон озод бўла олмайсиз! Бироқ ҳукмдорни назорат қилиш, унинг ишларини шаръий меъёрлар асосида текшириш ва ҳақдан оғишса, дарҳол тўғрилаб қўйиш, яъни уни “амр маъруф ва наҳй мункар” қилиш зиммангиздаги масъулият эканлигини яна бир бор эслатамиз. Аллоҳ субҳанаҳу ва таоло айтади:

كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللَّهِ ۗ

– “(Эй мусулмонлар) Сизлар одамлар учун чиқарилган умматларнинг энг яхшиси бўлдингиз. Зеро, сизлар яхши амалларга буюрасиз, ёмон амаллардан қайтарасиз ва Аллоҳга иймон келтирасиз”.                                                 (Оли Имрон:110)

Ҳизб ут-Таҳрир Матбуот бўлими – Ўзбекистон