Ироқ: технократларни қўшиш учун ҳукуматда юз бераётган ўзгаришлар
بسم الله الرحمن الرحيم
Роя газетаси:
Ироқ: технократларни қўшиш учун ҳукуматда юз бераётган ўзгаришлар
Ўтган шанба Ироқ бош вазири Ҳайдар Ибодий ҳукумат вазирликларида ўзгаришларни амалга оширмоқчилигини, энди ҳукумат вазирларини сиёсий партияга мансубликларига қараб эмас, технократ (мутахассис)ликларига қараб тайин қилмоқчи эканини билдирди. Ибодий Ироқ телевидениясида берилган ва асосий эътиборни Ироқда кечаётган иқтисодий муаммоларга қаратган ўз интервьюсида «Мен вазирликда туб ўзгаришга чақираман. Энди ҳукуматда профессионал, технократ мулозимлар ишлайди. Шу ўриндан туриб, ҳурматли депутатлар ва барча сиёсий партияларни биз билан ушбу муҳим босқичда ҳамкорлик қилишга чақираман», деди. Аммо у айни ўзгаришларнинг қачон бўлиши ёки сиёсий портфеллар эгалари кимлардан иборатлигини очиқламади. (Арабийя нет).
Роя газетаси шарҳи:
Ироқ бош вазирининг ваъдалари жуда кўп. Қударатга келганига тақрибан бир ярим йил бўлибди ҳамки, одамлар унинг оғзидан ислоҳот тўғрисидаги гапдан бошқа нарсани эшитмайдилар. Юртда эса вице-президентлар ва вазирларни алмаштириш ҳамда харажатларни камайтириш учун айрим вазирликларни бирлаштириш, деган баҳона билан коррупция давом этмоқда. Ҳатто бу нарса янада кучайди. Мазҳабпарастлик ҳануз Ироқ аҳлини парчаловчи қурол сифатида хизмат қиляпти, қотилликлар, қочқинга айлантиришлар… давом этмоқда… Ибодий вазирларни сиёсий мансубликлари ва мазҳабларига асосан тайинлаш ўрнига, мутахассисликларига қараб тайин қилиш тўғрисида яқиндан бери гапира бошлади. Бироқ, Ироқ муаммоси ушбу муаммонинг бир қисми бўлиб, ямоқ солиш билан ҳам, шиорлар кўтариб чиқиш билан ҳам буни ҳал этиб бўлмаслигини, балки бу нарса Халифалик даврида бўлгани каби Ироқни асл исломий ҳолатига қайтариш билан ҳал бўлишини унинг ўзи жуда яхши билади. Зеро, Халифалик давлатида Ислом татбиқ этилади, мусулмонларга битта Уммат сифатида қаралиб, мазҳаблар асосида ажратилмайди, мансаблар ҳам бирор бир қабила ёки мазҳабга мансубликларига қараб тақсимланмайди.
Роя газетасининг 2016 йил 17 феврал чоршанба кунги 65-сонидан
