بسم الله الرحمن الرحيم

Роя газетаси:

Ҳизб ут-Таҳрир – Кения мусулмонларга Халифалик ағдарилишининг аламли хотираларини эслатмоқда

Ҳижрий 1439 йил 26 Ражаб, милодий 2018 йил 13 апрел жума куни Ҳизб ут-Таҳрир – Кения Умматни бошқарувчисиз етим аҳволда қолишига сабаб бўлган Халифаликнинг қулатилиши хотираси муносабати билан ўтказилган тадбирларда Ислом Умматига етакчилик қилди. Айни хотира тадбирлари юртнинг Найроби ва Момбаса каби асосий шаҳарларида, шунингдек, Лаянгалани ва Килифи шаҳарларида жума намозидан сўнг намойиш тарзида ўтказилди. Намойиш шиори «Мазлумларга ёрдам беринг, Ғутани қутқаринг, Халифаликни барпо этинг» бўлди.

Ҳизб намойишларда мусулмонларга даъват йўллаб, Россиянинг Халифаликка даъват қилаётган холис йигитларга душманлик қилаётгани янгилик эмаслигини, бундан олдин ҳам 1924 йил Халифаликни ағдаришда у Британияга ёрдам берганини эслатди. Шунингдек, Халифаликнинг йўқлиги сабабли бугун бутун дунё бўйлаб Уммат бошига хорлик ва балолар ёғилаётганини, чунки Росулуллоҳ A

«إِنَّمَا الإِمَامُ جُنَّةٌ يُقَاتَلُ من وَرَائِهِ وَيُتَّقَى بِهِ»

«Албатта имом-халифа қалқондир, унинг ортида туриб жанг қилинади ва у билан ҳимояланилади». (Имом Муслим ривояти) деганларидек, Уммат ўз қалқонини йўқотганини таъкидлади.

Ушбу намойишлар Ҳизб ут-Таҳрир марказий матбуот бўлими томонидан бошланган халқаро кампания дорисида бўлди. Маълумки, кампаниядан бутун мусулмонлар зиммаларига тушаётган фарзни, яъни фарзларнинг тожи бўлган Халифаликни барпо этишни эслатиш мақсад қилинган.

Роя газетасининг 2018 йил 25 апрел чоршанба кунги 179-сонидан