بِسْمِ اللهِ الرَّحْمٰنِ الرَّحِيمِ

Амирликларга қарашли «RAWABI 415» кемасининг Ҳусийлар томонидан қўлга олиниши

Устоз Абдуллоҳ Қози – Яман

Ямандаги Ҳусийлар Ҳадида соҳилларига сузиб келаётган ва Амирликлар байроғи ҳилпираб турган юк кемасини ҳибсга олишди. Кеманинг вазифаси ва бортидаги жиҳозлар ҳақида турли хил хабарлар тарқади. Ҳусийлар матбуот вакили Яҳё Сариъ твиттер саҳифасида – кема «ҳарбий жиҳозлар ортган», бўлиб, Яман сувларига рухсатсиз кирган ва «душманлик ҳаракатлари билан шуғулланган», деб ёзди. «Саудия Ахборот Агентлиги» хабарига кўра, араб давлатлари коалицияси матбуот хизмати вакили Туркий Моликий – «RAVABI  415» юк кемасининг миссияси Cокотра оролидан Жизан портига етиб боришдан иборат бўлиб, бортида Саудия ҳарбий госпиталига тегишли махсус жиҳозлар юкланганлигини маълум қилди.

Ҳусийларнинг Амирликларга тегишли кемани ҳибсга олганликларига нисбатан халқаро ва минтақавий реакция бир хил бўлди. Масалан, араб давлатлари коалицияси матбуот хизмати вакили Туркий Моликий Ҳусийларни қароқчилик билан шуғулланиш ва Қизил денгизда халқаро навигацияга таҳдид солишда айблади. Кеманинг ҳибсга олиниши Араб давлатлари Лигаси, Европа Иттифоқининг Ямандаги вакиллиги ва БМТ бош котиби матбуот вакили Стефан Дюжаррик томонидан қораланди. Уларнинг барчани халқаро қонунларга мувофиқ денгиз навигацияси билан боғлиқ ҳуқуқларнинг ҳурмат қилинишини таъкидлаб, Ҳусийлардан зудлик билан кемани қўйиб юборишни талаб қилишди. АҚШ Давлат департаментига келсак, у ҳам кеманинг ҳибсга олинишини қоралади ва Ҳусийларнинг бу ҳаракати кескинликни юмшатиш ва кенг қамровли сиёсий музокараларга қайтиш талаб қилинаётган бир вақтда содир бўлганини таъкидлади.

Тўғри, Америка Ҳусийларнинг кемани ҳибсга олишларини қоралади, бироқ, у айни ҳодисадан ўз манфаати йўлида фойдаланмоқда. Масалан, оммавий ахборот воситаларида воқеани бўрттириб, Қизил денгиздаги халқаро навигациянинг хавотир ва хавф остида қолган қилиб кўрсатмоқда. Европа айнан шу нарсадан қўрқарди. Қолаверса, Американинг реакцияси унчалик кучли ҳам бўлмади. Бу эса, Ҳусийларнинг айни ҳаракатидан рози эканини кўрсатмоқда. Агар Ҳусийларга кемани ҳибсга олишга унинг ўзи йўл кўрсатган бўлмаса албатта.

Амирликлар кемаси қўлга олинишига халқаро ва минтақавий реакциянинг бир хил бўлганлиги шунга қатъий далолат қилмоқдаки, айни реакцияга йирик давлатлар, асосан АҚШ ўз таъсирини ўтказган. Чунки АҚШ билан Европанинг асосий мақсади нефть ва хом ашёларни Европа ва АҚШга олиб чиқиш ва бу хом ашёларни Яқин Шарққа товар сифатида қайтариш учун халқаро денгиз навигацияси хавфсизлигини таъминлашдир. Бунинг сиёсий ўлчовига келсак, Америка Қизил денгизга у ердаги хавфсизликни ниқоб қилиб ҳукмронлик қилмоқчи ва буни Ямандаги собиқ Ҳамидий президентлиги давридан бери амалга оширишга ҳаракат қилади. Ўшанда 1977 йил март ойида Таазда Қизил денгизга чегарадош бир қатор давлатлар ва Араб давлатлари Лигаси иштирокида конференция ўтказилган. Бу конференция билан бир вақтда сомалилик машғулотлар ўтказган малакали денгиз қароқчилари ҳаракати фаоллашди… Аммо қароқчилар ҳужумлар бошлашгандан буён Қизил денгизда бир дона ҳам Америкага ёки яҳудийларга тегишли кемага ҳужум қилишмади. Яъни, қароқчилик хоҳ илгари сомалилик қароқчилар томонидан қилинган бўлсин, хоҳ ҳозирда Ҳусийлар томонидан қилинаётган бўлсин, барчаси Америкага хизмат қилмоқда, Европага эмас. Европа 2008 йилдан буён айни қароқчиликларга қаршилик қилиб келмоқда. Зотан, у ҳеч бир ҳолатда қароқчиликдан фойда олмаган.

Хусусан Яман ҳақида айтадиган бўлсак, ўлиб кетган Али Солиҳ замонида АҚШ конгресси америкалик қарор чиқарувчи раҳбарларни Ямандаги беқарорликнинг АҚШ манфаатларига бўлган хавфига бепарво қарамасликка чақириб келди. Конгресснинг айни хавфсираши сабаби, генерал-полковник Холид ибн Султон ибн Абдулазизнинг «Саҳролик жангчи» китобида айтишича, Яманнинг Бобул Мандаб бўғози бўйлаб стратегик жойлашувга эга экани, Ямандаги беқарорлик АҚШ манфаатларига энг катта таъсир қилиши мумкинлиги, чунки Қизил денгиз ва Ҳинд океани оралиғидаги Бобул Мандаб бўғозининг иккала қисми ҳам Яманга қарашли экани, бу эса, глобал энергетика хавфсизлигига таъсир қилиши мумкинлигидир. Конгресснинг айни огоҳлантируви ортидан Америка тўқсонинчи йиллар охирида АҚШ-Яман ҳарбий хавфсизлик алоқаларини яхшилашга ҳаракат қилди. Бу Адан портида юз берган АҚШнинг «Соle» эсминеци ҳодисасидан сўнг бўлди. Ўшандан сўнг хавфсизлик соҳасидаги ҳамкорлик авж олиб, терроризмга қарши кураш бўйича мувофиқлашув ва машғулотлар кўпайди. 2002 йил 3 ноябрда Ал-Қоиданинг Ямандаги етакчиси Абу Али Ҳорисийга суиқасд қилиш бўйича қўшма операция ўтказиш билан ҳамкорлик юқори чўққисига етди.

2009 йил 27 июлда АҚШ Марказий Разведка Бошқармаси директори Дэвид Петреус ўша пайтдаги Яман президенти Али Солиҳ билан учрашди. Учрашувда икки томон ҳарбий ҳамкорлик, жумладан, қўшма машғулотлар ва терроризмга қарши кураш чораларини муҳокама қилиш, шунингдек, Яман ва бутун минтақада ҳамкорликни амалга ошириш ва кучайтиришни муҳокама қилишди. Кейин, Американинг Қизил денгиз хавфсизлиги масаласидаги навбатдаги уриниши бўлди. Яъни 2019 йил декабр ойида Риёзда Салмон ибн Абдулазиз қудратдалиги пайтда конференция ўтказилди. Бироқ, конференциядан кўзланган мақсад амалга ошмади. Шунинг учун Америка бугун Ҳусийларнинг кема ўғирлашларидан уларни халқаро навигацияга таҳдид солувчи регионал куч қилиб кўрсатишда фойдаланмоқда. Бунинг учун Америка ё Қизил денгизни ёлғиз ўзи назорат қилиши ва унинг ягона ҳукмрони бўлиши керак бўлади ёки бунга муваффақ бўлолмаган тақдирда, Қизил денгиз хавфсизлигини таъминлаш учун ўз қўмондонлиги остида ва ўз кўз-қулоғи остида «халқаро ва минтақавий кучлар», деган нарсани ташкил этиши, бунинг фаол ролига ўзи эга бўлиши керак бўлади.

Хўш, бу Ҳусийлар ҳаракати раҳбарлари ва аъзолари ўзлари нималарга хизмат қилиб беришаётганини англармикинлар?! Қаёқда ҳам англасинлар, ахир, тилларида «Америкага ўлим», дейишдан, аслида эса, Американинг қуруқлик ва денгиздаги манфаатларини амалга ошириш учун қонларни дарё қилиб оқизишдан бошқа нарса билишмаса?! Худди Абду Роббиҳ Мансур Ҳодий ва унинг гумашталари Британияга хизмат қилишгани каби!

Эй Яман аҳли!

Сизга ақидангиз фарз қилган вазифа сизни душманларингиз учун қурбон қилаётган ҳукмдорларингизни ағдармоқ ва тушунчаларингизни динингиз асосида тубдан ўзгартириш орқали ўртангизда Роббингиз шариатини ҳоким қилишга ҳаракат қилмоқдан иборат. Динингиз эса, то Пайғамбарлик минҳожи асосидаги иккинчи рошид Халифалик давлати барпо этилмагунича татбиқ қилинмайди. Зеро, Ҳизб ут-Таҳрир ушбу давлатни барпо этиш учун кечаю кундуз жиддий ҳаракат қилмоқда. Бас, биз сизни ушбу икки дунё саодатига элтувчи ҳаракатга қўшилишга даъват қиламиз. Чунки сиз бу буюк яхшиликка лойиқсиз.

Роя газетасининг 2022 йил 9 феврал чоршанба кунги 377-сонидан