Дунё ва охират мукофоти даъватга лаббай деганларни кутмоқда

Ислом Уммати кучли, мустақил ва фаровон давлатни барпо этиш учун зарур бўлган барча ресурсларга, барча демографик афзалликларга ва барча географик имкониятларга эгадир. Бу давлат Аллоҳ субҳанаҳу ва таолони ҳамда Унинг Росули ﷺ ни рози қиладиган бошқарувни барпо этиш учун ўзининг кенг имкониятларидан фойдаланади. Илоҳий Ваҳийдан олинган адолатли низом соясида зулмга ҳеч қандай бошпана қолмайди ва мусулмонларнинг ҳурмат-эҳтиромга лойиқ нарсаларига — уларнинг қонлари, моллари ва номусларига — ҳар қандай тажовуз қилинишига асло йўл қўйилмайди. Бундай давлат Ислом билан ҳукм юритишнинг адолати ва поклиги ҳамда ҳозирда ҳукмрон бўлган дунёвий (секуляр) капиталистик тузум ботиб ётган тамагирлик, тенгсизлик ва ахлоқий тубанлик ўртасидаги яққол тафовут орқали Исломни дунёга тақдим этади.

Уйғонишга олиб борадиган йўл шунчаки сиёсий ислоҳот ёки иқтисодий ривожланишдан иборат эмас, балки пайғамбарлик минҳожи асосидаги иккинчи Рошид Халифалик соясида Исломий ҳаётни қайта бошлаш ва Аллоҳ нозил қилган нарса билан ҳукм юритишни барпо этишдир. У Умматни бирлаштиради, унинг қадр-қимматини муҳофаза қилади ҳамда уни Аллоҳ субҳанаҳу ва таоло рози бўлган мақомга — одамлар учун чиқарилган энг яхши Уммат мақомига қайтаради. Шу сабабли Уммат ўз уйғонишини рўёбга чиқариш йўлида фидокорлик қилиши, холис бўлиши ҳамда доимо Аллоҳ субҳанаҳу ва таолонинг розилигини олиш учун ҳаракат қилиши шарт. Албатта, дунёдаги ғалаба ва охиратдаги ажр-мукофот даъватга лаббай деганларни кутмоқда!

Роя газетасининг 2026 йил 12 август чоршанба кунги 612-сонидан