بسم الله الرحمن الرحيم

Ақл ва Ҳаёт

6

Ақл ҳаётни тартиблаштириши хато эканлиги борасида баҳс қилар эканмиз, яна бир асосий муаммога дуч келамиз. Яъни ҳозирги кўтарадиган масаламиз ҳаётнинг бошқарилиши билан боғлиқ бўлиб, бу ҳолат аҳамиятсиз қолдирилиши асло мумкин бўлмаган, аксинча бугунги кунимиз учун айни муҳим масала ҳисобланади. Капиталистларнинг динни ҳаётдан ажратиш фикрига асосланган ҳолда фикрлайдиган, амал қиладиганлар дин сиёсатдан алоҳида нарса деб тушунтиришга ҳаракат қиладилар. Келинг, биз бу масалага киришишдан аввал шу масалага қараш нуқтаи назарини тўғрилашга ҳаракат қилайлик. Яъни биз бугунги воқеликни шундай очиб берайликки, натижада бундай инсонларга куфр ва иймон позицияси ёрқин намоён бўлсин.

Аслида барча мусулмонга аёнки, куфр ва иймон бир-бирига зид нарсалар, худди оқ ва қора сингари. Лекин афсуски бу нарсани билган бўлсалар-да, кўплаб мусулмонлар шу масалани айни воқелигимиздаги кўринишини ҳис қила олишмайди. Яъни кофирларнинг сохтакорлик билан ўзларини дўст сифатида тутишларига алданиб қоладилар. Бу мавзуда кўплаб оятлар борлиги эса, уларнинг хаёлидан кўтарилади. Айни ҳолат ҳам, албатта,  ақидага ақлий иймон келтирмаганликлари ва шу ақида шариатига тўла таслим бўлмаганликлари оқибатидир. Бундан уларнинг ўзлари даъво қилаётган иймонлари ҳаётларига таъсир кўрсатмаслиги,  аксинча ҳаётлари куфрий, ботил фикрларга алданиш асосига шаклланганлиги маълум бўлади. Ваҳоланки, бундайлар қасддан ёки ўзлари тушунмаган ҳолда шу аҳволдалар.

Иймон ва куфр зиддияти Одам а.с. давридан бутун инсониятга меърос. Бу йўлда Аллоҳ Субҳаноҳу ва Талонинг барча росул (а.с) лари фаолият олиб борганлар. Қуръон бу ҳолатларни очиб берган. Яъни мусулмон инсон булардан ибратланиши ва натижада куфрга алданиб қолмаслиги керак. Лекин ҳолат, айтиб ўтганимиздек, кўплаб мусулмонларда бунинг акси.

Бу кураш бугунги кунда шундай авжига чиқдики, мусулмон инсон йўлда қоқилиб кетиб бирор кофирга қаттиқроқ тегиб кетса ҳам бир зумда террористга чиқарилмоқда. Кофир давлатларнинг мусулмонлар юртига бомбалар ёғдириши ва натижада минглаган мусулмонлар ўлдирилиб,  қонлари тўкилиб,  миллионлагани уйсиз қолиши ва яқинларидан, боқувчиларидан айрилиши фаровонлик учун кураш сифатида тасвирланмоқда. Бу ҳолатга чуқурроқ киришиб, ёрқин фикрланса, айтиб ўтганимиздек, иймон ва куфр зиддиятининг айни намойиши ҳисобланади. Буни ҳис қилиш учун эса кўзлар ва қалбларни кўр қилган куфрга алданишликни олиб ташлаш керак.

Энди юқорида кўтарганимиз дин сиёсатдан алоҳида дейилган фикрга тўхталсак. Бу фикрни юқорида айтиб ўтилган аянчли воқеликни ҳис қилмайдиганлар кўтариб олганлар. Чунки айнан шу фикр Исломнинг асл моҳиятини тасаввур қилишдан тўсувчи фикр бўлиб, бу фикрни мусулмонлар онгига сингдириш учун кофирлар жидду жаҳд билан, жонлари ва молларини тиккан ҳолда ҳаракат қилдилар ва қилмоқдалар. Чунки Ислом кофирларнинг бутун дунёга татбиқ қилинаётган ва уларнинг ҳар бир минтақада мустаҳкам ўрнашишига сабаб бўлаётган система (тузум)ларини яксон қилади. Ислом бошқа, сиёсат бошқа, деган фикр унга алданган мусулмонларнинг кўзларига асл Исломни тушунган,  ўз биродарлари бўлган мусулмонларни душман кўрсатиб, кофирни дўст сифатида кўришларига сабаб бўлмоқда.

Сиёсат – бошқариш ва шу бошқарувчини бошқарилаётганлар томонидан назорат қилиниши бўлиб, Ислом айнан мана шунинг учун инсониятга берилган. Чунки Ислом инсониятнинг барча соҳасига ўзининг ечимларини берган, бошқарувчидан тортиб бошқарилувчига ҳам бурч-вазифаларини англатиб,  буларнинг ҳар иккисига ўз ҳақ-ҳуқуқларини ҳам танитиб қўйган. Бу бурчлардан бирортаси адо қилинмаса ёки ҳақ-ҳуқуқлардан бирортаси топталса, ўзига яраша жазо чоралари ҳам белгиланган. Аслида Исломни ўрганган инсон адолатли сиёсат айнан Исломда эканлигини тушуниб етади.

Ҳизб ут-Таҳрирнинг Ўзбекистондаги медиа офиси. Абдуллоҳ.

27.12.2018