بِسْمِ اللهِ الرَّحْمٰنِ الرَّحِيم

Роя газетаси:

АҚШ Афғонистондаги қирғинлари фош бўлишидан қўрқмоқдами?!

АҚШ давлат котиби Майк Помпео – агар Халқаро жиноят суди терговчилари АҚШнинг Афғонистондаги уруш жиноятларини тергов қилишга киришадиган бўлса, уларнинг АҚШга кириш визаларига чекловлар қўйишини эълон қилди. Унинг қўшимча қилишича, агар суд айни ҳаракатини ўзгартирмайдиган бўлса, қўшимча чоралар, жумладан, иқтисодий санкциялар ҳам жорий қилинади.

Шу хусусда Ҳизб ут-Таҳрир – Афғонистон матбуот бўлими баёнот чиқарди. Баёнотда бундай дейилади: «Американинг Халқаро жиноят суди томонидан Афғонистондаги америкалик мулозимларга нисбатан тергов олиб борилишидан бунчалик қўрқаётганининг сабаби бор, албатта. Зеро, бу давлат 18 йилдан буён Афғонистонда «терроризмга қарши кураш», деган нарсани дастак қилиб, афғон халқига қарши даҳшатли жиноятларни содир этиб келмоқда. Шу вақт ичида бу мустамлакачи давлат ярим миллиондан зиёд афғонистонликни қириб ташлади, жароҳатлади… Яширин қамоқ лагерларида мусулмон маҳбусларга нисбатан қутуриб, йиртқичларча муносабатда бўлди».

Матбуот баёнотида яна қуйидагилар қўшимча қилинади:

«Одатда Америка оғиз кўпиртириб, демократия ва инсон ҳуқуқлари каби шиорларини такрорлагани такрорлаган. Бироқ ўз манфаатларига хавф туғилгудек бўлса, кичик бўлса ҳам тергов ўтказилишига йўл қўймайди. Унинг бундай позицияси шуни яққол кўрсатиб турибдики, демак, мазкур шиорлардан Ғарбнинг, хусусан, АҚШнинг ҳукмронлиги ва манфаатларини кафолатлашда бир восита сифатида фойдаланилади».

Баёнот сўнггида бундай дейилади:

«Халқаро жиноят суди Американинг уруш жиноятлари борасида тергов олиб бора олмайди. Чунки бошқа қатор халқаро муассасалардан фарқсиз ўлароқ, бу муассаса ҳам жинояткор Ғарбнинг сиёсий ишларига хизмат қилади. Шунинг учун ёлғиз Халифалик давлатигина Аллоҳнинг изни ила, Ғарбнинг мусулмон юртларидаги жиноятларини фош этиб, унинг ваҳшиёна чора-тадбирларига қарши кескин жавоб қайтаради ҳамда мусулмонлар ерларини мудофаа қилиб, қонлари, ор-номуслари ва муқаддас даргоҳлари дахлсизлигини сақлайди».

Роя газетасининг 2019 йил 3 апрел чоршанба кунги 228-сонидан

0

0

Related posts:

Полиция томонидан бир неча қора танли америкаликлар отиб ўлдирилгач, Обама полиция аппаратини ислоҳ қилишга чақирмоқда Туркия АҚШдан Суриядаги курд жамоаларига босим ўтказишни талаб қилмоқда Келиб ўрнашиб олиш ва АҚШнинг яҳудийлар давлати билан муносабати АҚШ такаббурлиги ва Британия айёрлигининг кучайиши