بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Америка терроризмга қарши кураш ниқоби остида исломий юртларни ўзининг ҳарбий базалари ва аскарлари билан тўлдириб юборди

АҚШ армияси Яманда кўпроқ вақт туриш масаласини ўрганмоқда

АҚШнинг катта генералларидан бири Жозеф Вотелнинг Рейтерга маълум қилишича, АҚШ армияси Яманда янада кўпроқ туриш масаласини ўрганмоқда. Вотелга кўра, бундан – Араб Ярим оролида ал-Қоида ташкилотига қарши афзал суратда курашиш ҳамда Форс Кўрфази давлатларининг айни ташкилотга қарши коалиция кампанияси эришган муваффақият билан боғлиқ кучдан фойдаланиш мақсад қилинган.

АҚШнинг минтақадаги кучларига қўмондонлик қилаётган бу Генерал интервьюларининг бирида – АҚШ кучларини жойлаштиришга мос бўлган бир неча минтақалар мавжуд эканини қўшимча қилди, бироқ уларнинг қайси минтақалар эканини очиқламади, шунингдек, бу хусусда бирор махсус буйруқ борлигини ҳам таъкидламади.

Боғдоддан туриб гапираётган Вотел «Биз ўзимизга топширилган Араб Ярим оролида асосий диққат-эътиборни ал-Қоида ташкилотига қаратишдан иборат махсус миссияга диққат-эътиборда бўлишимиз учун янада хавфсизроқ муҳитда фаолият олиб боришни истаймиз», деди. Кейин, «Буни афзал тарзда адо этиш учун кучларимизни қаерга имкон қилсак, ўша ерга жойлаштирамиз», дея қўшимча қилди.

Америкалик масъуллар Яманда америкалик аскарлар сони қанча эканини очиқлашни истамаяпти, лекин уларнинг сони жуда оз эканини айтмоқдалар.

Вотел Ямандаги воқеа-ҳодисаларни билишда каттароқ қудратга эришиш афзал эканини таъкидлаб, асосий мақсадларимиздан бири, Қўшма Штатларнинг ўша ердаги иттифоқчилари билан биргаликда ишлашдир, деди.

У яна «Мен учун бажариш муҳим бўлган иш, ал-Қоида нима қилаётганини янада яхшироқ тушуниш учун ҳамда барчамиз яқинда Ямандан чиқиб кетишга мажбур бўлганимизда йўқотган позициямизни қайта тиклаш учун кўпроқ кучга эришишда давом этишдир», деди. (Рейтер).

Роя газетасининг 2016 йил 20 июл чоршанба кунги 87-сонидан