АҚШ элчихонасини кўчирилишига мусулмон юртлари раҳбарларининг билдирган муносабати ҳаддан ташқари хорликдир
بسم الله الرحمن الرحيم
АҚШ элчихонасини кўчирилишига мусулмон юртлари раҳбарларининг билдирган муносабати ҳаддан ташқари хорликдир
Хабар:
2017 йил 6 декабрь чоршанба куни АҚШ президенти Доналд Трампнинг босиб олинган Қуддусни сионист вужуди пойтахти сифатида тан олиниши тўғрисидаги қарорига қарши Туркия, Иордания, Ливан ва Нью-Йоркда намойишлар бўлиб ўтди. Шунингдек, Марокаш ва Лондонда фаоллар одамларни намойиш ўтказишга чақирдилар.
Туркиянинг ўнлаб шаҳарларининг юзлаб аҳолиси майдонларда намойишлар уюштирдилар, сўнгра Истанбулдаги Америка элчихонаси ёнида турк ва фаластин байроқлари, шунингдек “ХАМАС” байроғи ва “исроил”га ўлим””, “Қуддус – арабларга ва Исломга тааллуқли” деб ёзилган плакатлар кўтарилди. Намойишчилар Америка ва сионист вужудга қарши шиорларни айтиб ҳайқирдилар.
Иордания пойтахти Аммонда бўлиб ўтган шу каби намойишларда одамлар бу қарорни қоралаган плакатлар кўтариб чиқдилар, сўнгра АҚШ элчихонаси олдида ўтирган ҳолатда ўз норозиликларини намойиш қилдилар.
Ливанда фаластинлик қочқинларнинг бир неча жамлоқларида: Байрут жанубидаги “Бурж ал Барайн”, Сайддан унча узоқ бўлмаган жойдаги “Айн ал Халва”, Сур (Тир) яқинидаги “Ал-Рашидия”, шунингдек Триполи ёнидаги “Нахр-ал Барид” ва “Бадавий” да оммавий намойишлар бўлиб ўтди. 2017 йил 7 декабрь пайшанба куни Ливандаги фаластинлик қочоқлар жамлоқларидаги фракциялар ва халқ қўмиталари оммавий норозиликларни бошладилар (aljazeera.net).
Изоҳ: АҚШ президенти Трампнинг қарори бутун дунё бўйлаб, айниқса Ислом дунёсида, хусусан араб диёрларида норозилик уйғотди. Мусулмон юртларининг қўғирчоқ (Сайкс-Пико шартномаси натижасида пайдо бўлган) ҳокимлари томонидан билдирилган муносабат шармандали ва хорларча бўлди. Уларнинг баёнотлари ва “таҳдид”лари эса сионистик вужуд билан дипломатик алоқаларни ва ўзаро тинчликни бузмаслик қабилида ифодаланди. Уларнинг бундай позицияси, шубҳасиз, мусулмонлар ҳокимларининг мустамлакачилик қуллари ва малайлари эканлигини кўрсатади, ахир озод инсонларнинг позицияси бўлган ҳодисага мувофиқ келиши керак-ку. Сионистлар томонидан Фаластин ва Қуддусни босиб олинишига нисбатан табиий ва қарши жавоб фақатгина Фаластин ерларининг батамом озод қилингунига қадар уруш эълон қилишдир. АҚШ элчихонасини Фаластинни бир қисмидан, яъни Тел-Авивдан Қуддусга кўчирилишига норози бўлиш худди сизнинг биноингизни эгаллаб олган босқинчининг ўз дўконини иккинчи қаватдан биринча қаватга кўчиргани учун норозилик билдирганингизга ўхшайди.
Бу сохта ҳокимлар Фаластин муаммосини элчихонани бир шаҳардан бошқа шаҳарга кўчириш муаммоси даражасигача туширишга муваффақ бўлдилар, гўёки бунгача Қуддус босиб олинмагандек! Натижада элчихонани босиб олинган бир шаҳардан бошқасига кўчирилишига қарши норозилик намойишлари ва оммавий митинглар бошланиб кетди, ҳатто Қуддусни Фаластин пойтахти бўлишига давъат қила бошладилар, гўёки Фаластин деган давлат бордек! Ҳокимларнинг бу томошалари – инсонлар туйғуларини овутишдан бошқа нарса эмас. Трамп бошқалардан фарқли ўлароқ, Сайкс-Пико вужудга келтирган малай ҳокимларнинг асл ҳақиқатини яхши тушунади, шунинг учун ушбу қарорни ўз қуллари бўлган хокимларнинг муносабат билдиришидан чўчимай қабул қилди.
Ҳизб ут-Таҳрирнинг Марказий ахборот офиси радиоси учун махсус
Аҳмад Абу Қаддум
22 Раббиул аввал 1439 ҳ.й.
10.12.2017й.
