АҚШ махсус элчиси ёлғон ва адаштирув билан фактларни бузиб кўрсатмоқда, бир тарафдан Судандаги уруш аслида Америка ва Британия ўртасидаги кураш эканини очиб қўймоқда
Матбуот баёноти
АҚШ махсус элчиси ёлғон ва адаштирув билан фактларни бузиб кўрсатмоқда, бир тарафдан Судандаги уруш аслида Америка ва Британия ўртасидаги кураш эканини очиб қўймоқда
2024 йил 4 ноябр душанба куни АҚШнинг Судандаги вакили Том Перриелло Уганда пойтахти Кампала шаҳрида «Sudan Tribune»га берган интервьюсида Суданга қурол-аслаҳалар ва жангарилар оқиб кираётганидан огоҳлантирди. Том Перриелло уруш оқибатида содир бўлган даҳшатли қонунбузарлик айбдорларини жавобгарликка тортиш учун тергов олиб борилаётгани ҳақида гапириб, қуролларни оқиб кириши мамлакатдаги вазият учун ҳалокатли бўлиб, жуда қимматга тушишини таъкидлади.
Биз Ҳизб ут-Таҳрир – Судан вилояти аъзолари Судандаги ҳодисалар Америка ва Британия ўртасида мамлакатда нуфуз ўрнатиш учун бўлаётган кураш эканини кўп такрорлаб келдик. Американинг роли Суданда уруш оловини ёқишдан иборатлигини ҳамда Тезкор Қўллаб-қувватлаш кучлари қўмондонлари ва армиядаги айрим қўмондонлардан иборат ўз малайлари қўли билан урушнинг узайишида асосий айбдор эканлигини, бу малайлар Озодлик ва Ўзгариш кучлари (ҳозирда Мувофиқлаштириш қўмитаси)даги Британия малайларини йўқ қилишга қодир бўлишолмаётганини баён қилдик.
Америка ҳалигача урушни бошқармоқда, музокаралар минбарини белгиламоқда, бошқа давлатларнинг аралашишига йўл бермаяпти. Бу ҳақда АҚШ давлат котиби Энтони Блинкен бир неча бор баёнот берди.
Американинг қурол-яроғлар ҳақида гапириб, ажнабий аралашувдан огоҳлантирганига келсак, бу унинг иккиюзламачалиги, ёлғончи ва адаштирувчилигидир. Чунки Судан ишларига аралашаётган энг хавфли ва ёмон ниятли давлат Американинг ўзи. Урушга мой сепиш учун малайлари орқали қурол киритаётган ҳам шу давлат. Зеро, Америка томонидан Фашир шаҳрига қатор қурол-яроғлар кириб келгани тўғрисида хабарлар талайгина. Айнан у Женева шартномасидан сўнг Адри йўлагини очди ва бу йўлакни Тезкор қўллаб-қувватлаш кучлари учун жон томирига айлантириб, уни ҳарбий ёрдамлар, жиҳозлар, қурол-яроғлар билан таъминламоқда ва буни гуманитар ёрдам моллари ниқоби остида амалга оширмоқда. Перриеллонинг Британия ҳақидаги ҳамда Судан янги Британия ҳукумати учун устувор масалалардан бири эканлиги тўғрисидаги баёнотлари Америка ва Британиянинг Судан устидаги мустамлакачилик курашини тасдиқлайди. Перриелло бу курашни айёрлик билан очиб бермоқда.
Америка ҳам, унинг махсус элчилари ҳам ва малайлари ҳам шуни билиб қўйсинлар: Судан аҳли аҳмоқ эмас, балки фақатгина мустамлакачи кофир режасига хизмат қилаётган разил етакчилар ҳукмронлиги остида қолдилар. Заифликнинг ҳамда хавфсизлик ва адолат таъминланмаганининг асл сабаби ҳам шунда. Абу Ҳурайра розияллоҳу анҳу Набий ﷺнинг бундай деганларини ривоят қилади:
«إِنَّهَا سَتَأْتِي عَلَى النَّاسِ سِنُونَ خَدَّاعَةٌ يُصَدَّقُ فِيهَا الْكَاذِبُ وَيُكَذَّبُ فِيهَا الصَّادِقُ وَيُؤْتَمَنُ فِيهَا الْخَائِنُ وَيُخَوَّنُ فِيهَا الْأَمِينُ وَيَنْطِقُ فِيهَا الرُّوَيْبِضَةُ قِيلَ وَمَا الرُّوَيْبِضَةُ قَالَ السَّفِيهُ يَتَكَلَّمُ فِى أَمْرِ الْعَامَّةِ»
«Инсонларга алдамчи йиллар келади. У йилларда ёлғончи ростгўйга, ростгўй эса, ёлғончига чиқарилади, хоинга омонат топширилиб, омонатгўй хоинга чиқарилади. У йилларда рувайбиза нутқ сўзлайди. Рувайбиза ким? деб сўралди. Шунда Росулуллоҳ омма иши хусусида нутқ сўзловчи тентакдир, дедилар». (Ибн Можа ва Аҳмад ривояти).
Америка Суданга ва бошқа исломий юртларга қарши шунча туғён ва жиноятлар содир этмоқда, бу ёқда Ғазони вайрон қилиш, унинг аҳолисини қирғин қилиш учун яҳудийларни қурол билан таъминламоқда. Бу мустамлакачи давлатни фақат ва фақат Пайғамбарлик минҳожи асосидаги рошид Халифалик давлатигина тўхтата олади. Ушбу давлатнинг рошид халифаси динни барпо этиб, шариатни татбиқ қилади ҳамда Аллоҳнинг бечора-мазлум мўмин қулларига нусрат-ёрдам беради. Абу Ҳурайра розияллоҳу анҳу Набий ﷺнинг бундай деганларини ривоят қилади:
«الْإِمَامُ جُنَّةٌ يُقَاتَلُ مِنْ وَرَائِهِ وَيُتَّقَى بِهِ»
«Имом-халифа қалқондир. Унинг ортида туриб жанг қилинади ва у билан ҳимояланилади». (Бухорий ва Муслим ривояти).
Иброҳим Усмон (Абу Халил)
Ҳизб ут-Таҳрирнинг Судан вилоятидаги расмий нотиғи
Related posts:
Америка ўзининг заҳри қотил режаси пишиб етилгунига қадар, қайта-қайта сулҳ тузиш сиёсатини қўллаб, кураш муддатининг чўзилишига ишора қиляпти 
Президент Башир «Судан бирлигини қурбон қилдик, бирлик ва тинчлигимизни йўқотдик» деб айтиши билан Ҳизб ут-Таҳрир гапириб келган, у эса одамларни эшитишдан қайтарган ҳақиқатни тан олмоқда! 
Ҳизб ут-Таҳрир аъзосини ҳибсга олиш ҳукуматнинг эркинликлар иддиоси ёлғонлигини ва унинг Исломга қарши курашаётганини фош этди! 
Америка Суриядан Афғонистонга қадар мусулмонларга қарши урушини кучайтирмоқда
