بِسْمِ اللهِ الرَّحْمٰنِ الرَّحِيمِ

Абдулазиз Ҳулв жазодан қутулгач ҳаддидан ошди

Абдулхолиқ Абу Али

Ҳизб ут-Таҳрирнинг Судан

вилоятидаги матбуот бўлими аъзоси

«Сойҳа» газетаси хабарига кўра, Ғарбий Кордофан вилоятидаги Лақова шаҳри таассуфли ҳодисалар ортидан фожиали вазиятни бошдан кечирмоқда. Бир неча инсоннинг нобуд бўлишига ва яраланишига сабаб бўлган ушбу ҳодисалардан сўнг, сешанба куни яна вазият таранглашгач, одамлар ўз уйларини ташлаб, чиқиб кетишга мажбур бўлдилар. Вилоят хавфсизлик қўмитаси баёнотида кейинги ҳодисалар таранглашувида Судан Озодлиги Халқ Ҳаракатининг Абдулазиз Ҳулв қанотининг қўли борлиги таъкидланди.

Ғарбий Кордофан вилояти хавфсизлик қўмитаси Абдулазиз Ҳулв қанотини Лақова шаҳрида давом этаётган можарога алоқадорликда айблади. Хавфсизлик қўмитаси баёнотида билдирилишича, «ҳодисаларнинг 2022 йил 18 октябр сешанба куни қайта авж олиши Озодлик Халқ Ҳаракатининг 120-мм ва 72-мм миномётлари ҳамда енгил қуроллар билан шаҳарни ўққа тутишига боғлиқ. Бу ҳолат одамлар қалбига қўрқув солиб, кўчиш жараёнининг кучайишига олиб келган». Баёнотда шунингдек, «Халқ Ҳаракатининг аралашуви хавфсизлик қўмитасининг ҳаётни табиий изига қайтариш учун олиб бораётган уринишларига тўсқинлик қилгани» таъкидланди ҳамда Халқ Ҳаракати ўт очишни тўхтатишга берилган буйруққа итоат қилмагани учун қораланди.

Лақова шаҳрининг урушдан қочиб, барча мол-мулкларини йўқотган ва кўчада қолган аҳолиси «Сойҳа» газетасига юртларидан ташқарида бошдан кечираётган қийинчиликлар ҳақида гапиришар экан, бу ҳолатни тўқсонинчи йиллардаги биринчи исёндан бери ўхшаши юз бермаган ўзига хос аянчли аҳвол, деб аташди. Ҳамда мажбурий кўчиш муаммолари, синовлар ва ғамлардан қутулиш учун  марказий ҳукумат ва гуманитар ташкилотлардан бошпана, озиқ-овқат, дори-дармон ва ичимлик суви каби зарур воситалар билан ёрдам беришларини талаб қилдилар.

Бу ўлкада фожиалар одатий ҳолга айланиб қолди. Бирон бир ойнинг бу каби қонли ҳодисалар юз бермасдан ўтиши ғайри одатий ҳол бўлиб қолди. Зотан, солиқ йиғишдан бошқа ташвиши бўлмаган ва одамларнинг ишлари уни қайғуртирмайдиган заиф бир давлатдан бундан бошқа нимани ҳам кутиш мумкин. Одамларга ғамхўрлик қилиш, ўзларини ва мол-мулкларини ҳимоя қилиш унинг қомусида мутлақо йўқ, бу хаёлига ҳам келмайди! Чунки бу давлатдаги ҳукмдорлар Росулуллоҳ ﷺ ушбу ҳадиси шарифда сифатлаган кимсалардандир: Авф ибн Молик G ривоят қиладики, мен Росулуллоҳ ﷺнинг бундай деганларини эшитганман:

«خِيَارُ أَئِمَّتِكُمْ الَّذِينَ تُحِبُّونَهُمْ وَيُحِبُّونَكُمْ، وَيُصَلُّونَ عَلَيْكُمْ وَتُصَلُّونَ عَلَيْهِمْ، وَشِرَارُ أَئِمَّتِكُمْ الَّذِينَ تُبْغِضُونَهُمْ وَيُبْغِضُونَكُمْ، وَتَلْعَنُونَهُمْ وَيَلْعَنُونَكُمْ»

«Имом-раҳбарларингизнинг яхшилари сизлар уларни яхши кўрадиган, улар ҳам сизларни яхши кўрадиган, сизлар уларнинг ҳаққига дуо қиладиган, улар ҳам сизларнинг ҳаққингизга дуо қиладиганларидир. Имом-раҳбарларингизнинг ёмони эса, сизлар уларни ёмон кўрадиган, улар ҳам сизларни ёмон кўрадиган, сизлар уларни лаънатлайдиган, улар ҳам сизларни лаънатлайдиганидир». Ҳа шундай, бугунги кундаги ҳукмдорлар биздан эмас, биз улардан эмасмиз. Агар анави Ҳулвни тийиб, адабини бериб қўядиган инсон топилганда эди, бундай қилмишларга журъат қилолмаган, қилишни хаёлига ҳам келтирмаган бўларди.

Аввалда Жанубий Кордофан Халқ Ҳаракати «Бабанга» радиосига интервью бериб, унинг бўлинмалари Кадугли аэропортини бомбардимон қилиб, учиш-қўниш йўлакларини бузиб ташлагандан сўнг Кадугли шаҳрини уч йўналишдан қамал қилганини айтган эди. Бу аэропортни икки кун давомида ҳаво қатновларини ёпишга мажбур қилди. Абдулазиз Ҳулв ҳаракати раисининг матбуот маслаҳатчиси Қамар Далмоннинг «Бабанга» радиосига айтишича, Кадугли аэропортини бомбардимон қилиб, ҳаво қатновларини ёпишга сабаб шу бўлганки, Нуба тоғли минтақаларини ҳар кун ҳаводан бомбардимон қилиш учун айни аэропортдан фойдаланилган ҳамда таъминот, транспорт ва ёрдам кучлари ҳам шу аэропорт орқали амалга оширилган. Бошқа томондан, Далмон ўз ҳудудларини тарк этган етмишдан зиёд инсон борлигини таъкидлади.

«Аlraкoba.net» веб-сайтига кўра, Абдулазиз Ҳулв ўша пайтда Миллий Конгресс ҳукуматига қарши чиқиб, давлатни илмоний давлатга айлантириш, демократияга ўтиш ҳамда Жанубий Кордофан, Мовий Нил ва Дарфур муаммоларини ҳал этиш бўйича келишувга эришилмагунча жангларни тўхтатмаслигини айтиб, «қурол кўтарган кимсалар билан асло музокара қилмаймиз», деган эди. Судандаги ҳукмрон Миллий Конгресснинг ўша пайтдаги матбуот котиби Иброҳим Ғандур бундай деди: «Ҳулв етакчилигидаги Халқ Ҳаракати бевосита оилаларни ва оддий фуқароларни нишонга олиб, қирғин қилиш ва қочқинга айлантириш орқали ватан ва ватандошларга қарши жиноят содир этмоқда. Бу эса, айни Ҳаракатга нисбатан қонун қаттиққўллиги билан етарли муомала қилишни шарт қилади».

Мудом бошимизда бу ҳукуматлар ҳукмрон экан, шунингдек, мусулмонларнинг бугун у билан ҳимояланиб, ортида туриб жанг қилинадиган ва бу малай Ҳулв каби осий жинояткорларни танобини тортиб қўядиган қалқонлари йўқ экан, унинг жиноятлари тўхтамай давом этаверади.

Дарвоқе, ўтмишдаги етакчиларимиз мусулмонлар ва уларнинг ҳурматли нарсаларини ҳимоя қилишда чиройли намуналар ва буюк қаҳрамонликлар намойиш этганлар.

Масалан, қўмондон Қутайба ибн Муслимни олинг, Бухородаги Пайкент шаҳрини фатҳ қилганида, шаҳар аҳолиси билан сулҳ тузиб, уларга волий тайинлади ва у ерда уларга Исломни ўргатиши учун бир гуруҳ мусулмонларни қолдирди. Қутайба қайтиб кетгач, аҳоли битимни бузиб, волийни ўлдиришди, шаҳардаги ҳар бир мусулмонни ўлдириб, бурун қулоқларини кесишди. Қутайба бу ҳақда бошқа бир шаҳарни қамал қилиб турган пайт хабар топди. Қамалини ташлаб, зудлик билан Пайкентга қайтди ва шаҳарни бир ой қамал қилиб, деворларини вайрон этди. Шаҳар аҳолиси у билан қайта сулҳ қилишни таклиф қилишганда, бош тортди. Чунки мўмин битта тешикдан икки марта чақилмайди. Шаҳарни қилич билан фатҳ қилишда қаттиқ турди ва бунинг уддасидан чиқди. У ерда жанг қилганларни ўлдирди ва таслим бўлганларни асирга олиб, мол-мулкини ўлжа қилди. Бу позицияси кофирларни даҳшатга солиб, қайтиб мусулмонлар билан шартномани бузмасликлари, Пайкентда бўлгани каби хиёнат йўлига кирмасликлари учун ибрат бўлади. Қутайба мусулмоннинг бир томчи қони ҳам бутун ер юзидаги куфр юртларидан қадрли эканини кўрсатди. Ушбу фатҳдаги ажойиб намуналардан яна бири, шаҳар аҳолисини мусулмонларга қарши гижгижлаб, улар билан тузилган сулҳни бузишга ундаган кимса кўзи ғилай бир кофир бўлиб, мусулмонларга асирга тушди. Қутайбага «мен ўзимни қутқаришим учун минглаб баҳога эга беш мингта ипак кийим-кечак бераман», деди. Қўшин амирлари Қутайбага бунга рози бўлишни маслаҳат беришади. Аммо у бош тортиб, «Йўқ, Аллоҳга қасамки, мен иккинчи марта сен сабабли битта мусулмоннинг зарар кўришини истамайман», деди ва уни қатл қилди.

Ҳа, рувайбизалар замонида тополмаётганимиз куч-қудрат позицияси мана шу. Бу Умматнинг куч-қудрати ва шон-шарафи Халифалик давлати орқали қайта тикланади. Келинг, ушбу Пайғамбарлик минҳожи асосидаги давлатни барпо қилиш учун амал қилайлик.

Роя газетасининг 2022 йил 2 ноябр чоршанба кунги 415-сонидан