Қачон Ислом билан яшашни ўйлаймиз?

بِسْمِ اللهِ الرَّحْمٰنِ الرَّحِيم

Ўзи фохиша-ю, фаррошликдан уялади. Ҳаромдан, порадан пул топади, лекин оддий ойликка яшайдиган ҳалол инсонни назарига илмайди. Фахш ва ҳақоратли сўзларни сўзлаб, халққа зулм қилиш одати-ю, соқол қўйган ва рўмол ўраганни ёмон кўради. Намоз ўқимайдиган, ҳатто боши саждага теккан-тегмагани даргумону, иймони учун қамалган мўминларга душмандек қарайди. Ўзлари оилавий ўтириб олиб ароқ ичишади-ю, исломий оиланинг устидан кулишади. Фарзанди ўғри, каззоб, ҳалол-ҳаромни фарқига бормайди-ю, Аллоҳнинг номини тилган олгани учун бир инсонни танқид қилади. Ўзини Ислом уламоси сифатида даъво қилади-ю, болаларни масжиддан тўсишга “фатво” тўқийди. Аёлини, қизини авратлари очиқ юришига эътиборсизу, муслималарнинг рўмолини муҳокама қилади. Кўчада иштонсиз юрадиган ҳаёсизу, авратлари ёпилган аёлларни маданиятсизликда, замондан орқада қолганликда айблайди. Қанчалик вахший қотилликлар авж олмоқда, булар парвойига ҳам келмайди, лекин мусулмонни сиёсатга аралашишини катта жиноят санайди. Муккасидан кетиб пул топади, фарзандимни едиришим, кийдиришим, тўй қилишим керак дейди, бироқ қизи боғлардан бирида қайсидир йигитнинг қучоғида, ўғли қаердадир спиртли ичимлик ичган, қимор ўйнаган…

Санайверсак адоғига етиш қийин. Лекин булар воқелигимизда бор ва биз уларнинг муолажасига жиддий киришмаяпмиз. Чунки холис бўлиб муолажа истасак, Исломга бориб тақалаверамиз. Ростдан ҳам бундан бошқа чора йўқ. Биз қачон бу тўғрида ўйлаймиз, ҳолат яна қанчалик бузилиши керак? Қачон биз бу жирканчли ҳолатлардан қутулишни ўйлаймиз? Ёки қачон қутулиш сари ҳаракатни бошлаймиз?

Булардан қутулиш, айтиб ўтганимиздек, Исломдан бошқаси билан бўлмайди. Фақат Исломни тушуниб, шу дин талаби бўйича ҳаракат қилсак, бу каби иллатлардан бутунлай қутуламиз.

Ҳизб ут-Таҳрирнинг Ўзбекистондаги медиа офиси. Абдуллоҳ

17.11.2019й