بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Адаштириш ва ҳақиқатни сохталаштириш Иордания режимининг ўз фуқароларига қўлловчи услубидир

Иордания ҳукумати сиёсат ва парламент ишлари бўйича вазири Мусо Муоята – Иордания қамоқхоналарида битта ҳам сиёсий маҳбус йўқ – деди. Унинг таъкидлашича, келгуси сайловларда барча партиялар иштирок этади, сайловларни сиёсий жиҳатдан бойкот қилиш ҳолати бўлмайди.

Бундай ёлғон даъвога нисбатан биз Ҳизб ут-Таҳрир-Иордания вилояти аъзолари қуйидагиларни баён қиламиз:

Разил қилмишлари изини ўчириб ўзини тоза, шаффоф қилиб кўрсатишга уринган кишининг асл жиноятлари мутлақо ўчмай қолаверади. Иордания ҳукумати сиёсат ва парламент ишлари вазирининг юрт қамоқхоналари сиёсий маҳбуслардан холи, деган даъвоси, режимнинг одамларга шу кунгача қўллаб келган қатор чалғитувчи ёлғонларининг навбатдагиси, холос. Чунки суд томонидан ҳукм қилинган Ҳизб ут-Таҳрир аъзолари сони 26 нафарга етди. Уларнинг «айб»и шуки, улар Ҳизб ут-Таҳрирга аъзо бўлдилар, ҳақ сўзни очиқ айтдилар, сиёсий фаолият билан шуғулланиб, Умматнинг тақдирий масалаларига оид шаръий ҳукмни кўрсатиб бердилар, Аллоҳ ва Росули душманлари бўлган кофирлар ва уларнинг исломий ўлкаларимиздаги ювиндихўрлари томонидан Ислом ва Исломий Уммат қандай ваҳшиёна ҳужумларга дуч келаётганини фош этдилар, Иордания режимидан Ислом ва унинг аҳли ҳаққи борасида эътиборсизлик қилгани учун ҳисоб талаб қилдилар…

Ҳозирда Ҳизб аъзоларини қамоқдан озод этиш учун тўланадиган расмий кафолат маблағи беш мингдан юз минг диноргачадир. Бундан ташқари, туғёнга минган маъмурий раҳбарлар жиноятни олдини олиш қонунидан фойдаланиб Ҳизбнинг шу юртдаги покиза, ҳалол фарзандларига уй қамоғи жазосини қўллаш билан уларга зулм қилишди. Ҳукуматнинг анави вазири қилаётган даъволарнинг акси ўлароқ, Ҳизб йигитлари ҳануз судга тортилмоқдалар.

Вазирнинг сиёсий партияларнинг барчаси сайловларда иштирок этаётгани тўғрисидаги гапларига келсак, бу ҳам ҳақиқатдан тамоман узоқ. Чунки демократия, динни ҳаётдан ажратиш ва халқ ўзини ўзи бошқариши асосидаги ҳамда

إِنِ الْحُكْمُ إِلَّا لِلَّـهِ

«Ҳукм фақат Аллоҳникидир»    [12:40]

деб айтган Аллоҳ Таолони чеклаб қўядиган қонунчилик амалиётлари асосидаги парламент сайловлари Ҳизб ут-Таҳрир томонидан рад этилиши маълум ва машҳурдир. Буни каттаю кичик, шу жумладан, сиёсатчилар ҳам яхши билади. Ҳатто Ҳизб мусулмонлар бу сайловларни шаръий асосда бойкот қилишлари ва депутатларнинг қонун чиқариш билан шуғулланишларини шаръан жиноят санашлари учун «Аллоҳ нозил қилмаган ҳукм билан бошқаришни бойкот қилинг» шиори остида кенг кўламли учрашувларни ҳам уюштирмоқда. Ҳизб бошлаган бу кампаниядан қуйидагилар ҳам мақсад қилинган: сайловларда ўз номзодини қўйишда қаттиқ турган кишиларни қонун чиқариш билан шуғулланмасликка ҳамда парламентда Ислом ва Уммат масалалари тарафига ўтиб, Ислом ва Уммат душманларига ва илмоний кучларга қарши курашишга тарғиб қилиш. Зеро, бу илмоний кучлар бизнинг бугунимиз ва эртамизга қарши тил бириктирувчи мустамлакачи кофирларга чамбарчас боғланиб қолишган.

Биз Ҳизб ут-Таҳрир-Иордания вилояти аъзолари ушбу сафарбарлик ва муробитлик юртидаги мусулмонларни юрт ҳукуматининг навбатдаги алдовига яна алданиш билан бармоқларини битта тешикдан такрор-такрор чақтирмасликка чақирамиз. Зотан, Уммати Исломия касаллиги шу касалликка олиб келган нарсани тузатиш билан тузалади. У ҳам бўлса, Аллоҳ Субҳанаҳунинг шариатини Пайғамбарлик минҳожи асосидаги Халифалик давлатида татбиқ этишдир. Чунки сизнинг халос бўлишингиз ҳам, куч-қудратга тўлишингиз ҳам, қайта башариятга пешвоз Умматга айланишингиз ҳам мана шу давлатда бўлади.

Ҳизб ут-Таҳрирнинг

Иорданиядаги матбуот бўлими

Электрон почта: Этот адрес электронной почты защищен от спам-ботов. У вас должен быть включен JavaScript для просмотра.">jordan_mo@hizb-ut-tahrir.info