Адолат қарор топиши учун Исломни татбиқ қилиш зарур

بِسْمِ اللهِ الرَّحْمٰنِ الرَّحِيم

Бугун биз одамларда бошқарувга бўлган ишончнинг шиддат билан пасайиб бораётганининг гувоҳи бўлмоқдамиз. Бу пасайиш айниқса сўнгги йилларда янада жадаллашяпти. Ва бу гап фақат айрим жамиятларгагина тегишли бўлмай, балки бутун инсониятга тааллуқлидир. Чунки ҳатто ривожланган давлатлар, дейиладиган юртларда ҳам одамларнинг бошқарувга нисбатан норозилик билдираётганликларини кўряпмиз. Бунга Франция ва АҚШдаги йирик намойишларни мисол қилишимиз мумкин. Ваҳоланки, улар ўзларининг ички барқарорликлари билан фахрланадиган юртлар эди. Аслида, бу ва бошқа юртлардаги норозилик кайфиятлари бугун бошлангани йўқ, балки бир неча ўн йиллардан бери одамларда тўпланиб келаётган эди. Бугун тўпланиб келган нарса ташқарига чиқяпти ҳамда бу вазият ва шароитларга қараб гоҳ кўтарилиб, гоҳ пасайиб туради, лекин асло батамом йўқолиб кетмайди. Бунга ҳеч шак-шубҳа йўқ. Чунки бошқарув татбиқ қилинаётган тузум билан чамбарчас боғлиқ бўлиб, одамлар ишларини бошқаришда таянилаётган тузум ҳал қилувчи ролни ўйнайди. Тузум адолатсиз ва бузуқ бўлса, ким бошқараётганининг фарқи йўқ, у охири бориб муваффақиятсизликка учраши тайин. Худди АҚШда бўлаётгани каби.

Ҳа, одамлар бугун дунёга ҳукмронлик қилаётган, инсонларни эзиб-янчиб эксплуатация қилаётган капиталистик тузумдан чарчашди. Бошқарувга ким келишидан ва қайси давлатда бўлишидан қатъий назар адолат қарор топмаётганидан ниҳоят даражада чарчашди ва қачондир адолатли бошқарув бўлишидан деярли умидларини узишди. Умид узмаганлари ҳам мавжуд тузумни ислоҳ қилиш учун курашмоқдалар, улар ҳали ҳам бу тузумдан умидворлар. Бироқ улар ҳар қанча умид қилмасинлар, ҳар қанча шижоат билан курашмасинлар, оқибат барча орзу-умидлар пуч эканлиги билан якунланади холос. Чунки капиталистик тузумда адолатнинг қарор топиши асосий масала эмас, ҳатто бу ақида пайдо бўлганда ҳам ҳақ ва адолат мақсад қилинмаган. Балки икки қарама-қарши томонни келиштириш учун ўртача ечим сифатида ишлаб чиқилган. Бу ақида бор-йўғи шу ҳақида бош қотиради холос, қолгани иккинчи даражалидир. Шундай бўлгани ҳолида қандай қилиб ундан ҳақ ва адолат кутиш мумкин?

Исломий бошқарув бошқа бошқарувлардан тубдан фарқ қилади ва ўзининг адолатлилиги билан яққол ажралиб туради. Исломда тузумни имонли шахс Аллоҳ Таолодан ҳайбатланган ҳолда, яъни ўзидаги тақво талабига биноан татбиқ қилади. Давлат эса, тузумнинг адолатлилиги ҳақидаги жамоадаги ишонч ёрдамида, амри маъруф ва наҳий мункар ишларида умматнинг ҳоким билан ҳамжиҳатлиги ёрдамида ва ўзидаги куч ва салтанатга таянган ҳолда тузумни ижро қилади. Адолат қарор топган жамиятда одамлар тузумнинг адолатли эканлигига ишонч ҳосил қилган ҳолда хотиржам ҳаёт кечиришади. Акс ҳолда ҳаётлари издан чиқиб – худди бугун бўлаётганидек – мавжуд тузумдан хафсалалари пир бўлади ва бахтсизликдан қутула олмай қоладилар.

Ҳеч шак-шубҳа йўқки, ким ҳақ ва адолат истаса, бахтли ҳаёт кечирмоқчи бўлса, у исломий ҳаёт билан яшашдан ўзга тўғри йўл йўқлигини топади. Бундан бошқача ҳаёт тарзи инсон табиатига тўғри келмайди. Ҳақ ва адолат Ислом шиори бўлганлиги учун инсонлар бундай тузумда адолат учун курашмайди, балки Ислом мумкин қадар тўғри татбиқ қилинишининг пайида бўладилар. Чунки шундай қилишнинг ўзи кифоядир.

Ҳизб ут-Таҳрирнинг Ўзбекистондаги медиа офиси. Фаррух

04.11.2020й